ബെന്നിയുടെ പടയോട്ടം – 29

(മസ്ക്കറ്റിലെ അമ്മാവന്‍ – 1)

By: Kambi Master  | Click here to visit my page

മുന്‍ലക്കങ്ങള്‍  വായിക്കാൻ  ഇവിടെ ക്ലിക്ക് ചെയ്യുക

“എടീ ഈ കോഴി നന്നായി കറി വയ്ക്കണം..നാടന്‍ കോഴിയാണ്..അമ്മാവന് നാടന്‍ കോഴി ഭയങ്കര ഇഷ്ടമാ..ഞാന്‍ പോയി കുറെ പുഴമീന്‍ വാങ്ങി വരാം..”  കൈയിലിരുന്ന ബാഗ് ലേഖയ്ക്ക് നല്‍കിക്കൊണ്ട് നാരയണന്‍ പറഞ്ഞു.

“അമ്മാവന്‍ എപ്പോ വരും?” അവള്‍ അത് വാങ്ങിക്കൊണ്ട് ചോദിച്ചു.

“സന്ധ്യയാകും..” നാരയണന്‍ ചുറ്റും നോക്കി രഹസ്യമായി തുടര്‍ന്നു “എടീ അമ്മാവന്‍ മസ്കറ്റിലെ പണി മതിയാക്കി ഇങ്ങു പോന്നതാ..നല്ല പൂത്ത കാശ് കൈയിലുണ്ട്..നമ്മള്‍ പുള്ളിയെ സുഖിപ്പിച്ചു നിര്‍ത്തിയാല്‍ കുറെ അടിച്ചു മാറ്റാം”

“നാണമില്ലല്ലോ മനുഷ്യാ ഇങ്ങനെ പറയാന്‍..ഇതിനാണോ കോഴീം മീനും ഒക്കെ വാങ്ങുന്നത്” ലേഖയ്ക്ക് അവന്റെ സംസാരം കേട്ടപ്പോള്‍ ദേഷ്യം വന്നു.

“എടി മണ്ടീ..നമ്മള്‍ അത് ചെയ്തില്ലെങ്കില്‍ മറ്റുള്ളവര്‍ അമ്മാവനെ കുളിപ്പിച്ചു കിടത്തും. നമ്മുടെ കൈയില്‍ കിട്ടിയാല്‍ അമ്മാവന് വേണ്ടപ്പോള്‍ തിരികെ കൊടുക്കാമല്ലോ…കല്യാണം കഴിക്കാത്ത അമ്മാവന്‍ പിന്നെ ആര്‍ക്ക് കൊടുക്കാനാ ഈ കാശെല്ലാം കൂടി?”

ലേഖ അനിഷ്ടത്തോടെ അവനെ നോക്കി. അവന്‍ പറഞ്ഞതില്‍ കാര്യം ഇല്ലാതില്ല എന്നവള്‍ക്ക് തോന്നുകയും ചെയ്തു.

“എന്നാല്‍ നിങ്ങള് പോയിട്ട് വാ..ഞാന്‍ ഇത് കറി വയ്ക്കട്ടെ.” അവള്‍ പറഞ്ഞു. നാരയണന്‍ പുറത്തേക്കിറങ്ങി.