തിരക്കുണ്ടായിരുന്നു, രാജേഷേട്ടന്റെ വീട്ടിൽ അമ്മയും പെങ്ങളും മാത്രമേ ഉള്ളൂ അച്ഛനും അളിയനും അനിയനും പുറത്താണ് , ഞാൻ വണ്ടിയിലുണ്ടായിരുന്ന ബാഗ് ഒക്കെ എടുത്ത് അകത്തു കയറ്റി വെച്ചു, ആന്റിയും അകത്തേക്ക് കയറിപ്പോയി,
എറണാകുളത്തു നിന്നാണ് ഫ്ലൈറ്റ് രാത്രി ഒരുമണിക്ക് ട്രെയിൻ ബുക്ക്‌ ചെയ്തിട്ടുണ്ട്, 12.30ആവുമ്പോഴേക്കും സ്റ്റേഷനിലേക്ക് ഇറങ്ങാം,
ഞാൻ വരണോ എറണാകുളത്തിന്?
വേണ്ടടാ, ആലുവയിൽ ഇറങ്ങിയാൽ ടാക്സി ഉണ്ടാകും.
നീ വാ നമുക്ക് ഒന്ന് രണ്ട് സ്ഥലം വരെ പോവാനുണ്ട്,
ഞാൻ വണ്ടിയെടുത്തു രാജേഷേട്ടൻ പറഞ്ഞിടത്തേക്ക് ലക്ഷ്യമാക്കി വിട്ടു, പോവുന്ന വഴിക്ക് രാജേഷേട്ടന്റെ ബിസിനസിനെ പറ്റിയും, കഴിഞ്ഞ മൂന്നാല് വർഷത്തെ ബിസിനസ്‌ ഡെവലപ്പ് ആവാനുള്ള ഓട്ടത്തിനെ പറ്റിയും ഒക്കെ പറഞ്ഞു, രാത്രി ഏഴുമണിയോട് കൂടിയാണ് ഞങ്ങൾ തിരിച്ചു വീട്ടിൽ എത്തിയത്, രാജേഷേട്ടന്റെ ബന്ധുക്കളും ആന്റിയും ചാച്ചിയും കുട്ടികളും അനുവും ഒക്കെ അവിടെ ഉണ്ടായിരുന്നു.
നിങ്ങൾ എല്ലാവരും ഇങ്ങു വന്നോ? അച്ഛമ്മയുടെ കൂടെ ആരാ ഉള്ളത്?
സഫീറയെ വിളിച്ചു നിർത്തിയിട്ടുണ്ട്, അടുത്ത വീട്ടിലെ ഇത്തയാണ്, ചാച്ചി പറഞ്ഞു.
ഞാൻ അകത്തേക്ക് കയറിച്ചെന്നു, രാജേഷേട്ടന്റെ അനിയൻ പെട്ടി കെട്ടൽ എന്നാ മഹാ ചടങ്ങിലേക്ക് കടക്കുകയായിരുന്നു, ഞാനും കൂടെ സഹായത്തിനു കൂടി, മീര ആന്റിയുടെ വിഷമം ഒക്കെ മാറിയത് പോലെ തോന്നി പഴയ ചിരിയും കളിയും സന്തോഷവും ഒക്കെ ഉണ്ട് മുഖത്തു. ഞാൻ ആന്റിയെ നോക്കി ഒന്ന് ചിരിച്ചു, ആന്റി അതിലും മനോഹരമായി ഒരു ചിരി തിരിച്ചു തന്നു.
സംസാരവും കളിയും ചിരിയും ഭക്ഷണം കഴിപ്പുമൊക്കെയായി സമയം 12 കഴിഞ്ഞു . ആന്റിയും രാജേഷേട്ടനും കുട്ടികളും ഒക്കെ റെഡി ആയി വന്നു ഞാനും രാജേഷേട്ടന്റെ അനുജനും പെട്ടികളൊക്കെ രണ്ടു വണ്ടിയിലാക്കി വെച്ചു, എല്ലാവരോടും യാത്ര പറഞ്ഞു ഇറങ്ങി, നേരെ സ്റ്റേഷനിലേക്ക് പോയി എല്ലാവരും ചേർന്നു പെട്ടിയും ബാഗും ഒക്കെ എടുത്ത് സ്റ്റേഷനിലേക്ക് കയറി, ട്രെയിൻ എത്തിയിട്ടുണ്ട്, ലഗേജ് ഒക്കെ സീറ്റ്‌ നമ്പർ നോക്കി എടുത്തു വെച്ചു, യാത്ര പറഞ്ഞു പോവാൻ നേരം ആന്റി കെട്ടിപ്പിടിച്ചു കവിളിൽ ഒരുമ്മ തന്നു, ആന്റിയുടെ കണ്ണുകൾ നിറഞ്ഞട്ടുണ്ടായിരുന്നു, സ്റ്റേഷനിൽ നിന്നും ഞാൻ ചാച്ചിയെയും മറ്റുള്ളവരെയും കൂട്ടി വീട്ടിലേക്ക് പോയി, സഫീറത്ത ഞങ്ങളെയും കാത്ത് നിക്കുന്നുണ്ടായിരുന്നു,
അന്ന് എന്തെന്നില്ലാത്ത ക്ഷീണവും സങ്കടവും ഒക്കെ തോന്നി, കിടന്നപാടേ ഉറങ്ങി, പിറ്റേന്നും കോളേജിൽ പോയില്ല, ഞാനും ചാച്ചിയും വീട്ടിലേക്ക് പോയി, പിന്നീടുള്ള ദിവസങ്ങൾ പതിവ് പോലെ കടന്നു പോയി, അനുവുമായുള്ള എന്റെ ബന്ധം കൂടുതൽ ആഴങ്ങളിലേക്ക് പോയി ,Nഇരുന്നാലും അവളോട് ഞാൻ മോശമായ രീതിയിൽ
The Author
