നിനക്ക് എവിടെയാ പോവേണ്ടത്?
എനിക്കറിയാൻ പാടില്ല…. ഏട്ടൻ പറ…..
കോഴിക്കോട് ബീച്ചിലേക്ക് വിട്ടാലോ?
വേണ്ട…..
പിന്നെവിടെയാ പോവുക? നീ തന്നെ പറ
നമുക്ക് ചുരത്തിലേക്ക് പോയാലോ?
അത് വേണോ?
വേണം….
വീട്ടിൽ അറിഞ്ഞാൽ സീൻ ആവും….
വിളിച്ചാൽ കോഴിക്കോട് ആണെന്ന് പറയാം… എന്തായാലും ലേറ്റ് ആവുമെന്ന് പറഞ്ഞിട്ടല്ലേ വന്നത്…..
എന്നാ ശരി……
ഞാൻ ബൈക്ക് ചുരം ലക്ഷ്യമാക്കി പായിച്ചു. അനു ഇരു കൈകളും എന്റെ തോളിൽ വെച്ചു ഇരിക്കുന്നുണ്ട് . ഞാൻ എന്റെ കൈകൾ കൊണ്ട് അവളുടെ കൈകൾ എടുത്ത് അരയിൽ ചുറ്റി അവൾ എന്നിലേക്ക് കൂടുതൽ ചേർന്നിരുന്നു, അവളുടെ തല എന്റെ തോളിൽ ചാഴ്ച്ചു , അവളുടെ നേർത്ത ശ്വാസോച്ഛാസം ഞങ്ങളെ തഴുകിപ്പോവുന്ന കാറ്റിനെ ഭേദിച്ച് എന്റെ ചെവിയിൽ തഴുകി. കുറച്ച് നേരത്തെ ഡ്രൈവിനു ശേഷം ഞങ്ങൾ ചുരത്തിൽ എത്തി, കൈകൾ വിരലുകൾ ചേർത്ത് പിടിച്ചു അവൾ എന്റെ തോളിൽ ചാഴ്ഞ്ഞു കൊണ്ട് എന്തൊക്കെയോ പറയുന്നുണ്ടായിരുന്നു, എന്റെ മനസ്സ് മുഴുവൻ എന്റെ കൺട്രോളിൽ നിന്നും ദൂരെ പോയിരുന്നു .
ഏട്ടാ.. .
ഹ്മ്മ്
ഏട്ടൻ ഇതെവിടെയ? ഞാൻ പറയുന്നത് വല്ലതും കേൾക്കുന്നുണ്ടോ?
നമുക്ക് പോയാലോ?
ഒരു മണിക്കൂർ പോലും ആയിട്ടില്ലല്ലോ വന്നിട്ട്…. അവൾ ദേഷ്യത്തോടെ ചോദിച്ചു .
അവളുടെ മേൽ അപ്പോഴേക്കും ഞങ്ങൾക്ക് ചുറ്റുമുള്ള കഴുകൻ കണ്ണുകൾ പതിഞ്ഞിരുന്നു.
നീ വാ നമുക്ക് വേറൊരു ദിവസം നേരത്തെ വരാം…
അവൾ മനസ്സില്ലാ മനസ്സോടെ ബൈക്കിൽ കയറി…
ഞാൻ പതിയെ ചുരം ഇറക്കാൻ തുടങ്ങിയിരുന്നു…
അനൂ….. ഡീ….
മറുപടി ഒന്നും ഇല്ല…
എന്താ അപ്പഴേക്കും പിണങ്ങിയോ?
ഇത്രദൂരം വന്നിട്ട് മര്യാദക്ക് ഒന്ന് ഇരിക്ക പോലും ചെയ്തിട്ടില്ല.
എന്നിൽ നിന്നും അകന്നിരിക്കുന്ന അവളുടെ കൈ പിടിച്ചു വലിച്ചു എന്നിലേക്ക് ചേർത്തി ഇരുത്തി.
