“ഇതിനെ കെട്ടിച്ചു വിട്ടാൽ മൂന്നിന്റന്ന്‌ അവനെ കൊന്നേച്ച് ഇവൾ തിരിച്ചു വരും” എന്നാണ് സുധയാന്റി പറയുന്നത്.
“ഇവളൊരു ആണായി ജനിക്കുകയും, അവനൊരു പെണ്ണാകുകയും ചെയ്തിരുന്നെങ്കിൽ നന്നായിരുന്നു” എന്ന്‌ മറ്റ് ചിലർ പറയുന്നതും കേട്ടിട്ടുണ്ട്.
പക്ഷേ ഉള്ളിൽ സ്നേഹമൊക്കെ ഉള്ള കൂട്ടത്തിലാണ് ചേച്ചി. മറ്റാരോടും അത് ചേച്ചി കാണിക്കാറില്ല, അത് മനസിലാകുന്നത് ഞാനുമായി പിണങ്ങുമ്പോൾ ആണ്. മറ്റാരുടെ അടുത്തും താഴ്ന്നു കൊടുക്കാത്ത ചേച്ചി എന്റെ അടുത്തു മാത്രം താഴ്ന്നു തരും. എന്നും കരുതി അവളെ ഭരിക്കാൻ ചെന്നാൽ ഒടിച്ചു ഞുറുക്കി കൈയ്യിൽ തന്നെന്നും ഇരിക്കും.
ഉറക്കം പതിയെ കണ്ണുകളെ പുൽകുന്നതു പോലെ തോന്നിയപ്പോൾ ഞാൻ ഫോണും നോക്കി കട്ടിലിൽ കിടന്നു. ഒരു മയക്കം കഴിഞ്ഞപ്പോൾ എന്റെ കൂടെ ആരോ കിടക്കുന്നതു പോലെ. ആദ്യം ഒന്ന്‌ പേടിച്ചു. കള്ളുകുടിയൻ ഷാജിയോ മറ്റോ ആണോ? തൊടാതെ മാറിയാണ് കിടപ്പ്. സ്പർശനത്തിൽ നിന്നും സ്ത്രീ ശരീരമാണെന്ന്‌ മനസിലായി.
ഞാൻ : “ചേച്ചി?”
ചേച്ചി : “ഉം”
ഞാൻ : “ഇതെന്താ ഇവിടെ വന്ന്‌ കിടക്കുന്നേ?”
ചേച്ചി : “ചുമ്മാ”
ഞാൻ : “ഓഹോ ഞാൻ ചേച്ചിയുടെ കൂടെ കിടക്കാം എന്ന്‌ പറഞ്ഞപ്പോൾ വലിയ ജാഡയായിരുന്നല്ലോ, ഇപ്പോ മനുഷ്യനെ പേടിപ്പിക്കാനായിട്ട്”
ചേച്ചി : “പേടിച്ചു പോയോ?”
ഞാൻ : “പിന്നെ ഒച്ചയുണ്ടാക്കാതെ കൂടെ വന്നു കിടന്നാൽ പേടിക്കില്ലേ”
അവൾ ചിരിക്കുന്നതിന്റെ ശ്വാസം എന്റെ മുഖത്തു വീണു.
അങ്ങിനൊക്കെ പറഞ്ഞെങ്കിലും ഒരു കൈ ഉയർത്തി ഞാനാ തോളത്ത് വച്ചു കിടന്നു.
ഞങ്ങൾ എന്തൊക്കെയോ കൊച്ചുവർത്തമനം പറഞ്ഞ് ആ കിടപ്പു കിടന്ന്‌ ഉറങ്ങി പോയി.
പിറ്റേന്ന്‌ ഞാൻ ഉറക്കം തെളിഞ്ഞ് നോക്കുമ്പോൾ ചേച്ചിയില്ല. അവളുടെ മുറിയിൽ നോക്കിയപ്പോൾ ആള് നല്ല ഉറക്കത്തിലാണ്. പേപ്പറെടുക്കാൻ മുറ്റത്ത് ചെന്നപ്പോൾ ഒരു 200 മീറ്റർ ദൂരെ നടപ്പു വഴിയിൽ ഷാജിയുടെ കൈയ്യിൽ ഉണ്ടായിരുന്ന പ്ലാസ്റ്റിക്ക് കൂട്. ആള് എപ്പോഴോ എഴുന്നേറ്റ് പോയതോ, ആരെങ്കിലും എടുത്തു കൊണ്ട് പോയതോ ആയിരിക്കും. ആ കവറിൽ പണിക്കു പോകുമ്പോളുള്ള വസ്ത്രങ്ങളാകാനാണ് സാധ്യത.
ഞാൻ വേഗം അകത്തു കയറി പേപ്പർ വായന തുടങ്ങി. രാഷ്ട്രീയമൊന്നും വലിയ പിടിയില്ല. എങ്കിലും വായിക്കും, എന്നാലേ കൂട്ടുകാർ പറയുന്നത് പലതും മനസിലാകൂ.
