ദേവരാഗം 4

Devaraagam Part 4 Author ദേവന്‍

Devaragam Previous Parts |  PART 1 | PART 2 | PART 3 |

ആദി സിറ്റ്ഔട്ടില്‍ നിന്ന് വഴിയിലേയ്ക്ക് ഏന്തി വലിഞ്ഞു നോക്കുന്നുണ്ടായിരുന്നു. വരുണ്‍ പോയോ എന്നായിരിക്കും. ഞാന്‍ ഒച്ചയുണ്ടാക്കാതെ അവളുടെ പുറകില്‍ ചെന്ന്‍ അവളെ വട്ടം പിടിച്ച് എടുത്തുയര്‍ത്തി.. ഞെട്ടിയിട്ടിപ്പോയ അവള്‍ കുതറിയപ്പോള്‍ ഞാന്‍ അവളെ താഴെ നിറുത്തി എന്റെ നേരെതിരിച്ച് നിര്‍ത്തി.

“..ഹോ പേടിച്ചു പോയല്ലോ ദേവേട്ടാ… കളി കുറച്ച് കൂടുന്നുണ്ട്.. “

ഞാന്‍ ചിരിച്ചു. എന്റെ കൈത്തണ്ടയില്‍ നല്ലൊരു പിച്ച് തന്നിട്ട് അവള്‍ എന്നെക്കടന്ന്‍ അകത്തേയ്ക്ക് കയറിയപ്പോള്‍ പുറകെ ഞാനും കയറി മുന്‍വാതിലടച്ചു കുറ്റിയിട്ടു. ആ സമയം അവള്‍ അടുക്കളയിലേയ്ക്ക് പോയി. ഞാന്‍ മുത്തച്ഛന്‍ കിടക്കുന്ന മുറിയിലേയ്ക്കും.

മുത്തച്ഛന്‍ ഉറക്കം പിടിച്ചിരുന്നു. ഞാന്‍ കട്ടിലില്‍ പുള്ളിക്കാരന്റെ അടുത്ത്  വെറുതെ ഇരുന്നു. അല്‍പ്പം കഴിഞ്ഞപ്പോള്‍ ആദി മുത്തച്ഛന്‍ രാത്രിയില്‍ ഉണര്‍ന്നാല്‍ കുടിക്കാന്‍ വേണ്ടിയുള്ള വെള്ളവുംകൊണ്ട് ആ മുറിയിലേക്ക് വന്നു. അവളുടെ മുഖത്തുണ്ടായിരുന്ന പരിഭ്രമം ഒക്കെ മാറിയിരുന്നു. അവളുടെ രഹസ്യങ്ങളൊന്നും ഞാന്‍ അറിഞ്ഞിട്ടില്ല എന്ന ആശ്വാസത്തില്‍  അവള്‍ ഒന്ന് റിലാക്സ് ആയെന്ന്‍ എനിക്ക് മനസ്സിലായി.

“..പാവം മുത്തച്ചന്‍ ഇനി എഴുന്നേറ്റ് നടക്കില്ലായിരിക്കും അല്ലേ ദേവേട്ടാ… “

“..ഉം…”

“.. ദേവേട്ടാ…!!!!”

മുത്തച്ഛന്റെ കട്ടിലില്‍ നിന്ന് എഴുന്നേറ്റിട്ട് ആദിയെ ഞാന്‍ എന്റെ കൈകളില്‍ കോരി എടുത്തപ്പോള്‍ അവള്‍ ശാസിക്കുന്ന പോലെ വിളിച്ചു.

ഞാന്‍ മിണ്ടല്ലെ എന്ന് ആംഗ്യം കാണിച്ചപ്പോള്‍ അവള്‍ ശബ്ദമില്ലാതെ ചിരിച്ചുകൊണ്ട് എന്റെ തോളില്‍ മുഖം ചേര്‍ത്ത് കിടന്നു. ഞാന്‍ അവളെയുംകൊണ്ട് മുറിക്കു പുറത്തിറങ്ങി . എന്റെ കൈകളില്‍ കിടന്നുകൊണ്ട് തന്നെ അവള്‍ മുറിയിലെ ലൈറ്റ് ഓഫ് ചെയ്ത് വാതില്‍ ചാരി..

ഞാന്‍ അവളെ ഹാളിലെ സോഫയിലേയ്ക്ക് കിടത്തി അവളുടെ പവിഴാധരങ്ങളില്‍  എന്റെ ചുണ്ടുകളാല്‍ മുദ്ര ചാര്‍ത്തി..

അവളുടെ ദേഹത്ത് കനം വരാതെ സോഫയില്‍ ഇടത്തുകൈ കുത്തി വലതുകൈകൊണ്ട് അവളുടെ അണിവയറില്‍ കളം വരച്ചുകൊണ്ട് ഞാന്‍ അവളുടെ അധരങ്ങളിലെ തേന്‍നുകരുമ്പോള്‍ അവള്‍ എന്റെ കഴുത്തില്‍ കൈകള്‍ ചുറ്റി എന്നെ അവളുടെ ദേഹത്തേയ്ക്ക് അമര്‍ത്തി.