🔥ഏദൻ തോട്ടത്തിന്റെ കാവൽക്കാരൻ 14🔥

എന്റെയുള്ളിൽ അത് കേട്ടപ്പോൾ ചെറിയൊരു സംശയം തോന്നിയത് ഞാനവരോട് തുറന്നു പറഞ്ഞു ..

 

 

 

”ഹ ഹ …………അർജുൻ ,അവർ നിസ്സാരക്കാരിയല്ല ,കേന്ദ്രമന്ത്രിയുടെ പേർസണൽ സെക്രട്ടറിയാണ് ..അങ്ങനെയൊരാളെ എന്തെങ്കിലും ചെയ്തിട്ട് വെറുതെ വഴിയിൽ ഉപേക്ഷിച്ചു പോകാൻ മാത്രം മണ്ടനല്ല അരുൺ തോമസ് …”

 

 

 

”പിന്നെ ……?

 

 

” ജയനോട് ഒന്ന് രണ്ടു സ്ഥലത്തു കൂടി തിരഞ്ഞു പോകാൻ പറഞ്ഞിട്ടുണ്ട് ,അത് വരെ കാത്തിരിക്കാം …”

 

 

 

ഒന്ന് ദേവമ്മയെ വിളിച്ചു നോക്കിയാലോ ?ഗായത്രിയുടെ കാര്യമായതു കൊണ്ട് അവരോടു ഇത് വരെ ഒന്നും പറഞ്ഞിട്ടില്ല …

 

 

 

”സി ഐ ഡി പണി കഴിഞ്ഞോ അർജുൻ …”

 

 

 

വിളിക്കേണ്ടി വന്നില്ല ,അതിനു മുന്നേ അവരുടെ കാളെത്തി ….

 

 

 

”ദേവമ്മ ..അത് ?”

 

”ഞാനെങ്ങനെ അറിഞ്ഞു എന്നാകും ? അർജുൻ , എന്റെ ചെക്കനല്ലേടാ നീ , അത് കൊണ്ട് തന്നെ എന്ത് സംഭവിച്ചാലും നിന്റെ രക്ഷ ഉറപ്പാക്കണമെന്ന് ഞാൻ ബാലേട്ടനോട് പറഞ്ഞിരുന്നു . അങ്ങേരുടെ പിള്ളേരുടെ കണ്ണുകൾ ഏതു സമയത്തും നിനക്ക് ചുറ്റുമുണ്ടാകും ..എനിക്കറിയാം ഗായത്രിയെ കുറിച്ച് നീയെന്നോട് പറയാത്തത് എന്ത് കൊണ്ടെന്നു , നിന്റെ ധാരണ ശരിയുമാണ് , ഗായത്രി തുലഞ്ഞു പോയാൽ ഈ ദേവമ്മയ്ക്ക് ഒന്നുമില്ല,അവളതു അർഹിക്കുന്നു ,പക്ഷെ നീ എന്റെ ചെക്കനല്ലേ ,അവൾക്ക് പിന്നാലെയോടി നിനക്കെന്തെങ്കിലും പറ്റിയാൽ ?…… … അതും ഞാൻ ജീവിച്ചിരിക്കുമ്പോൾ …. ”