🔥ഏദൻ തോട്ടത്തിന്റെ കാവൽക്കാരൻ 14🔥

 

 

 

”സോറി ദേവമ്മ …….,”

 

 

 

”ഉം ..പോട്ടെ ….എന്നിട്ടു എന്തായി ? വല്ല വിവരവും കിട്ടിയോ ?”

 

 

 

 

”ഇല്ല ,പക്ഷെ ആലീസ് തിരിച്ചു നഗരത്തിൽ എത്തിയിട്ടുണ്ട് ..”

 

 

 

 

”അത് ഞാനറിഞ്ഞു , പന്നപ്പുലിയാടി മോള് ,അവളെ എനിക്കൊന്നു നേരിട്ട് കാണണം , ഉം അത് അടുത്ത് തന്നെയുണ്ടാകും ,വാസുകിയും .ബാലേട്ടനും അവളെ തിരക്കിയിറങ്ങിയിട്ടുണ്ട് ,കയ്യിൽ കിട്ടും ,കിട്ടാതെ എവിടെ പോകാൻ …ആ …പിന്നെ അവളെ തിരക്കി ടൗണിൽ അധികം ചുറ്റികറങ്ങേണ്ട ,അപകടമാണ് ആരാണ് ശത്രുവെന്നറിയാൻ അരുൺ ഇട്ടു തന്ന ഇരയാണോ ആലീസെന്നു സംശയമുണ്ട് ,നിന്റെ പോലീസുകാരിയോടും പറഞ്ഞേക്ക് ,എന്റെ കൂടെ ബാക്കിയുള്ള ആളുകളെ വച്ച് എന്തെങ്കിലും വിവരം കിട്ടുമോന്നു നോക്കട്ടെ ,ബാക്കി അതിനു ശേഷം ”

 

 

 

ദേവമ്മ പഴയ ദേവമ്മയായിരിക്കുന്നു ,ആ ഉറച്ച ശബ്ദം അതിനുള്ള തെളിവാണ് ….മനസ്സൊന്നു തണുത്തു ..ഫോൺ പോക്കറ്റിലിട്ടു കാറിനടുത്തേക്ക് നടന്നു .. പ്രിയയും റഷീദ് സാറും കാത്തിരിക്കുന്നുണ്ടായിരുന്നു ,

 

”സാർ ,ദേവമ്മ പറഞ്ഞത് ശരിയായിരിക്കും ,അല്ലെങ്കിൽ ആലീസ് ഒളിവിൽ പോയതെന്തിനാ ? കേസോ ,മറ്റു യാതൊരു വിധ പ്രശ്‍നങ്ങളും അവർക്കെതിരെയില്ല എന്നിട്ടുമവർ ആരെയോ പേടിച്ചെന്ന മട്ടിൽ എവിടെയോ ഒളിച്ചിരിക്കുന്നു ,ഗായത്രി മിസ്സിംഗ് ആണെന്ന വിവരം പുറത്തു വിട്ടതും ,ആലീസിനെ ഇങ്ങോട്ടയച്ചതും അരുണിന്റെ ബുദ്ധിയാകും , ഗായത്രിക്ക് വേണ്ടി നമ്മൾ ആലീസിനെ തിരഞ്ഞു ചെന്ന് പെടുന്നത് അവന്റെ ആളുകളുടെ മുന്നിലേക്കാകും ..”

 

 

 

 

 

”ശരിയാണ് ,,,ആ ഒരു സാധ്യത ചിന്തിച്ചില്ല ,,പ്രിയാ , ഇനി നമ്മളെന്താണ് ചെയ്യുക ..”