🔥ഏദൻ തോട്ടത്തിന്റെ കാവൽക്കാരൻ 14🔥

”മറക്കാനോ ….നിങ്ങളെയോ ? മോൾക്കൊപ്പം ഒന്നു രണ്ടു ദിവസമെങ്കിലും സ്വസ്ഥമായി ഇരിക്കട്ടെന്നു കരുതി ” ..”

”സ്വസ്ഥതയോ ,അതും ഈ ജന്മത്തിൽ ? അതുണ്ടാകില്ല അർജുൻ ,പിന്നെ മനസ്സിന് കുറച്ചൊരു ആശ്വാസം കിട്ടാനാണെങ്കിൽ …അവൻ ആ അരുൺ ചത്ത് മലച്ചു കിടക്കുന്നതു കാണണം ,അതിനു വേണ്ടി …..അറിയാലോ .അതിനു വേണ്ടി മാത്രമാണ് ഞാൻ ജീവിക്കുന്നത് , ഒരു കാര്യം സത്യമാണ് മോള് വന്നതോടെ എന്തോ മനസ്സിന്റെ ഭാരമൊന്നു കുറഞ്ഞിട്ടുണ്ട് ,ജീവിതത്തിൽ ഇനിയൊരിക്കലും സംഭവിക്കില്ലെന്ന് കരുതിയതാണ് എന്റെ മോൾക്കൊപ്പമുള്ള ജീവിതം ,കുറച്ചു ദിവസത്തേക്കാണ് ,എങ്കിലും അതിനു നിന്നോടും നിന്റെ അഞ്ജുചേച്ചിയോടും എന്നും കടപ്പെട്ടിരിക്കും …”

”ഹ ഹ …..സാഹിത്യഭാഷയൊക്കെ വരുന്നുണ്ടല്ലോ …”

”കളിയാക്കേണ്ട , ഉള്ളിൽ നിന്ന് വന്നത് പറഞ്ഞു പോയതാണ് ….പിന്നെ എവിടെയാ ഇപ്പോൾ? വന്നാൽ നല്ല ചിക്കൻ കറിയും ദോശയുമുണ്ട് ,,,പിന്നെ ആവോലി വറക്കാനായി എടുത്തു വച്ചിട്ടുണ്ട് ,ഉച്ചയൂണും ഇവിടെ നിന്നാകാം …”

”ആഹാ ,ഇതെല്ലം എവിടെ നിന്നൊപ്പിച്ചു ?”

”വേറെയെവിടെ നിന്ന് ? നിന്റെ അഞ്ജുച്ചേച്ചി കൊച്ചിന് വല്ലതും വച്ചുണ്ടാക്കികൊടുക്കാൻ പറഞ്ഞു രാവിലെ എത്തിച്ചു തന്നതാ …..വേണ്ട വേണ്ടാന്നു പറഞ്ഞിട്ട് കേൾക്കണ്ടേ ,,പാവം ലോകത്തു വേറെയാരും എന്നോടിങ്ങനെ ………”