ഞാൻ റൂമിലേക്ക് പോയി, വാതിൽ തുറന്ന് അകത്തുകയറി ഇന്നലെ ഇട്ടു കൊണ്ടുവന്ന ഡ്രസ്സ് എടുത്ത് നനച്ച് വെച്ചു. ബ്രഷും പേസ്റ്റുമെടുത്തു വന്ന് തുണി കഴുകാൻ എടുത്തപ്പോൾ, അതാ ഒരാൾ അകത്തേക്ക് കയറി വരുന്നു. ബാത്റൂമിന് നേരെ വന്നു.
സീത: ഹലോ ! എന്താണ് ഇവിടെ പരിപാടി.
ഞാൻ പെട്ടെന്നുതന്നെ ഡ്രസ്സ് ബക്കറ്റിലിട്ട് പുറത്തേക്കിറങ്ങി.
ഞാൻ: ഏയ് ഒന്നുമില്ല, കുളിക്കാമെന്ന് കരുതി. കുളിക്കാൻ കൂടുന്നോ?
സീത: പിന്നെന്താ?
എൻറെ കയ്യിൽ കയറി പിടിച്ചു ബാത്ത്റൂമിനകത്തേക്ക് വലിച്ചു.
ഞാൻ: ചോദിച്ചത് ഞാൻ പിൻവലിച്ചേ. ഞാൻ കുളിച്ചിട്ട് അങ്ങോട്ട് വരാം സീത പൊയ്ക്കോ.
സീത: അങ്ങനെ ഞാൻ പോകുന്നില്ല, പുറം തേച്ചു തരാൻ ആരെങ്കിലും വേണ്ടേ?
ഞാൻ: ഇത്രയും നാളും ഞാൻ എങ്ങനെയാണോ തേച്ചത് അതുപോലെ ചെയ്തോളാം.
സീത: അതുപോലെ അല്ലല്ലോ ഇപ്പോൾ. അവിടുത്തെ അമ്മ പ്രത്യേകം പറഞ്ഞിട്ടുണ്ട്, ചേട്ടൻ്റെ കാര്യങ്ങൾ നോക്കണമെന്ന്.
ഞാൻ: ശരി. പുറം തേക്കാൻ ആകുമ്പോൾ വിളിക്കാം, അതുവരെ അവിടെ പോയിരുന്നോ ളു.
സീത: ഞാനിവിടെ നിൽക്കുന്നത് കൊണ്ട് എന്താണ് കുഴപ്പം.
ഞാൻ: ഒരു കുഴപ്പവുമില്ല. ഇവിടെത്തന്നെ നിന്നോളൂ. സമയം പോയി, ഇനി വൈകിട്ട് കുളിക്കാം. വാ നമുക്ക് പോയി ഭക്ഷണം കഴിക്കാം. ഇന്ന് ക്ലാസിൽ പോകണ്ടേ, ഒരുമിച്ച് ഇറങ്ങാം എന്നാണല്ലോ ഇന്നലെ പറഞ്ഞത്.
ഞാൻ ബ്രഷ് ചെയ്തു കഴിഞ്ഞ് വായ കഴുകി തിരിച്ചിറങ്ങി.
സീത: അത് ശരിയാണല്ലോ, വാ നമുക്ക് പോകാം. അല്ല മാഷേ, എന്തിനാണ് ഇങ്ങോട്ട് വന്നത്? അവിടെ തന്നെ കുളിക്കാമായിരുന്നല്ലോ. ഇവിടെ ഇരിക്കുന്ന ചേട്ടൻറെ എല്ലാ സാധനങ്ങളും ഇന്ന് വൈകുന്നേരം വരുമ്പോൾ വീട്ടിൽ കൊണ്ടുവന്നു വയ്ക്കണം. അല്ലയെങ്കിൽ എൻറെ എല്ലാം എടുത്തു കൊണ്ട് ഞാൻ ഇങ്ങു പോരും.
ഞാൻ: ഏതായാലും അവർ വന്നു സംസാരിക്കട്ടെ, അതുവരെ ഞാൻ ഇവിടെ നിൽക്കാം.
സീത: എന്തിന്, അവർ ഔപചാരികമായി വന്നു സംസാരിക്കുന്നു എന്ന് മാത്രം. അതിൽ കൂടുതൽ ആയിട്ട് ഒന്നും അതിൽ കരുതേണ്ട.
ഞാൻ തമാശക്ക് ആണെങ്കിലും ഗൗരവത്തിൽ തന്നെ.
ഞാൻ: വല്ല സ്ത്രീധനത്തിൻ്റെ പ്രശ്നത്തിൽ തെറ്റിപ്പിരിഞ്ഞാലോ?
സീത വളരെ ലാഘവത്തോടെ ചോദിച്ചു.
സീത: ചേട്ടനെ എത്രയാണ് സ്ത്രീധനം വേണ്ടത്? പറഞ്ഞോളൂ.
ഞാൻ: എനിക്ക് വേണ്ടത്……….
The Author
