വീടിനു വെളിയെ അവന്മാർ വന്നു.
ഞാൻ എല്ലാം എടുത്തു പുറപ്പെട്ടു.
അവന്മാരുടെ കൂടെ പോകുന്നു എന്നെ ഉള്ളു. മനസ്സ് മുഴുവൻ ഇത്തയുടെ ഓർമ്മകൾ ആയിരുന്നു.
നീയെന്താടാ ഒരു ഉഷാറില്ലാതെ എന്ന് വളരെ അടുത്ത ഫ്രണ്ട് എന്നോട് ചോദിക്കുകയുണ്ടായി.
ഒന്നും ഇല്ലെടാ എന്ന് പറഞ്ഞു ഞാൻ ചിരിക്കാനായി ശ്രമിച്ചു.
അപ്പോഴും ചിരി ഒരു കടമക്ക് വേണ്ടി എന്നപോലെ മാത്രമേ എന്റെ മുഖത്തു പ്രതിഫലിച്ചുള്ളൂ..
മനസ്സ് നിറയെ ഇത്തയും ഇത്തയുടെ ഓർമകളും മാത്രമായിരുന്നു..
ഓരോ സ്ഥലത്തു നിറുത്തുമ്പോഴും ഓരോരോ കാര്യങ്ങളിൽ ഏർപെടുമ്പോഴും ഞാനും അവരുടെ കൂടെ വന്നതാണല്ലോ എന്നത് കൊണ്ട് മാത്രം എല്ലാത്തിനും അവരുടെ കൂടെ കൂടി..
ഇടയ്ക്കു ഉമ്മ വിളിച്ചപ്പോഴും ഞാൻ മോളുടെ വിവരങ്ങൾ തിരക്കി.
അങ്കിലെ അങ്കിൽ എപ്പോഴാ വരികയെന്നുള്ള മോളുടെ ചോദ്യം എന്നെ വീണ്ടും സങ്കടത്തിലേക്കു കൊണ്ട് പോയി.
എന്തോ മോളെ കാണണം എന്നപോലെ മനസ്സ് കിടന്നു തുടിച്ചു.
വരേണ്ടിയിരുന്നില്ല എന്തെങ്കിലും പറഞ്ഞു ഒഴിഞ്ഞാൽ മതിയായിരുന്നു എന്ന് വരെ തോന്നിപ്പോയി..
എന്താടാ നിനക്കെന്തൊ പറ്റിയിട്ടുണ്ട് നീ ഇങ്ങിനെ അല്ലായിരുന്നു എന്ന് പറഞ്ഞോണ്ട് അവന്മാർ തിരക്കി കൊണ്ടിരുന്നു.
ഏയ്‌ ഒന്നുമില്ലെടാ എന്ന് പറഞ്ഞു ഞാനും ഒഴിഞ്ഞുമാറി.
അവന്മാർ വെള്ളവും അടിച്ചു പൂസായി ഓരോരുത്തരും എന്തൊക്കെയോ പറഞ്ഞോണ്ടിരുന്നു. ഞാനും വേറൊരുത്തനും കുടിക്കാത്തത് കൊണ്ട് ഞങ്ങൾ രണ്ടുപേരും മാത്രം സ്വായബോധത്തോടെ വണ്ടിയിൽ.
അവൻ ഡ്രൈവ് ചെയ്യുന്നത് നോക്കി ഞാൻ അവന്റെ അരികിൽ അവന്നു കമ്പനി കൊടുത്തോണ്ടിരുന്നു..
വൈകീട്ടാണ് ഞങ്ങൾ റിസോർട്ടിൽ എത്തിയത്.. എല്ലാവരും ഇറങ്ങി ബുക്ക്‌ ചെയ്തിരുന്നത് കൊണ്ട് പിന്നെ വേറെ ബുദ്ധിമുട്ട് ഒന്നും ഉണ്ടായില്ല.
മനോഹരമായ പ്രകൃതി കണ്ടു ആസ്വദിച്ചു ഞങ്ങൾ അവിടെ കൂടി.
എന്നോട് അടിക്കാൻ അവൻമാർ നിർബന്ധിപ്പിച്ചെങ്കിലും ഇത്തയോട് കൊടുത്ത വാക് എന്നെ അതിൽ നിന്നും പിന്തിരിപ്പിച്ചു..
അവന്മാർ അകത്തിരുന്നു അടി തുടങ്ങിയപ്പോൾ എനിക്കെന്തോ പുറത്തേക്കു പോകാൻ ആണ് തോന്നിയത്.
പുറത്തിറങ്ങിയ ഞാൻ ഫോൺ എടുത്തു. ആദ്യം ഇത്താക്ക് വിളിച്ചു
എന്തോ എനിക്കതിനാണ് അപ്പൊ തോന്നിയെ.
ഹലോ.
ആ പറയെടാ ഞങ്ങളെ ഓർമയുണ്ടല്ലേ അപ്പൊ.
