സ്വാതി : അപ്പോൾ അതിനാണ് അല്ലെ അവളു ഇതിലെ എല്ലാം മുഖം വീർപ്പിച്ചു നടന്നെ…
ഞാൻ ചിരിച്ചു…
ഞാൻ : ചേച്ചി ആരോടും പറയണ്ട….
അവൾ ഒരു കള്ള ചിരിയോടെ..
സ്വാതി : ഇല്ലാ.. ദേ നിന്റെ പെണ്ണ് എന്നെ നോക്കി ദഹിപ്പിക്കുന്നു….
ഞാൻ തിരിഞ്ഞു നോക്കിയപ്പോൾ അവൾ കൈ കെട്ടി നോക്കി നിക്കുന്നു..
സ്വാതി അവൾക്ക് നേരെ നടന്നു.. ഞാൻ സ്വാതയുടെ കൂടെ നടന്നു…
“എന്താടി ഇങ്ങനെ നോക്കി പേടിപ്പിക്കുന്നെ….. നിന്റെ ചെറുക്കനെ ഞാൻ കടിച്ചു കൊല്ലുവൊന്നും ഇല്ലാ…”
ഒരു ദേഷ്യഭാവത്തിൽ..സ്വാതി അമൃതയോട് പറഞ്ഞു …
അതിനു മറുപടി ആയി അവൾ എന്നെ നോക്കി പേടിപ്പിച്ചു…
സ്വാതി : അവനെ നോക്കി പേടിപ്പിക്കുവൊന്നും വേണ്ട…
ഒരു ആക്കിയ ചിരിയോടെ സ്വാതി അമൃതയെ നോക്കി പറഞ്ഞു..
“സ്വാതി…”
ഹരിത ചേച്ചി സ്വാതിയെ ദൂരെന്ന് വിളിച്ചു…
സ്വാതി : ഞാൻ ഇപ്പോൾ വരാം
സ്വാതി ഹരിതയുടെ അടുത്തേക്ക് നടന്നു…
ഞാൻ : ഞാൻ ഒന്നും പറഞ്ഞില്ല…സ്വാതി ചേച്ചി തന്നെ കണ്ടുപിടിച്ചതാ…
സ്വാതി പോയി കഴിഞ്ഞു ഞാൻ അമൃതയോടു പറഞ്ഞു…
അമൃത.. ഇപ്പോളും ദേഷ്യത്തോടെ നോക്കുവാണ്..
ഞാൻ : നീ വാ നമ്മക്ക് വല്ലതും കഴിക്കാം…
അവൾ അനങ്ങാതെ നിന്നു…
ഞാൻ : എന്താടി….
അവളുടെ മുഖത്തെ ഭാവം ഒരു മാറ്റവും ഇല്ലാ..
ഞാൻ ഒരു ചിരിയോടെ അവളുടെ മുഖത്തു നോക്കി പറഞ്ഞു.
“നിന്റെ കൈ ഇങ്ങു നീട്ടിക്കെ…”
അവൾ ഒരു അനക്കവും ഇല്ലാതെ.. നിന്നു…
ഞാൻ ബലം പിടിച്ചു അവളുടെ കൈ നീട്ടി.. എന്നിട്ട് എന്റെ കൈ അവളുടെ ഉള്ളംകൈയിൽ വെച്ചു…
“ ഡി… നമ്മൾ തമ്മിൽ ഒത്തിരി നാളത്തെ പരിജയം ഒന്നും ഇല്ലാ.. പക്ഷെ കണ്ട അന്നു മുതൽ എനിക്ക് നിന്നോട് അതിരില്ലാത്ത സ്നേഹം ആണ്…അത് നീ എന്റെ കൂടെ ഉള്ള അത്രേം നാളും അതുപോലെ കാണും…
