“അഭീ പോയി ഒരു ബെഡ്ഷീറ് എടുത്തോണ്ട് വന്നു ഇവനെ പുതപ്പിക്ക് ..” ഞാൻ അവളോട് പറഞ്ഞു. ഉടനെ അവൾ ഓടി പോയി ബെഡ്ഷീറ്റ് എടുത്തോണ്ട് വന്നു ധനീഷിനെ പുതപ്പിച്ചു.. എന്നിട്ട് എന്നെ നോക്കി.. ഞാൻ അവളെ നോക്കി ചിരിച്ചു… ” അഭീ എന്നാൽ നീ വാതിൽ അടച്ചിട്ട് പോയി ഉറങ്ങി കൊള്ളൂ.. ഗുഡ് നൈറ്റ്..” ഞാൻ വാതിൽ തുറന്നു പുറത്തേക്കിറങ്ങി.. അവന്തിക ചിരിച്ചു കൊണ്ട് വാതിൽ അടച്ചു.. ” ഇവൾക്കിത് പെട്ടെന്ന് എന്ത് പറ്റി ?” എന്നും ചിന്തിച്ചു കൊണ്ട് ഞാൻ മെല്ലെ എന്റെ വീട്ടിലേക്ക് നടന്നു..
പിറ്റേന്ന് ഞായറാഴ്ചയായിരുന്നു… ഒരു 9 മണി വരെ ഞാൻ കിടന്നുറങ്ങി… കാളിങ് ബെൽ കേട്ടാണ് ഞാൻ ഉണർന്നത്… കവിളത്തു കയ്യും വച്ചിരിക്കുന്ന ധനീഷിനെ ആണ് ഞാൻ കണ്ടത്… ” ഇന്നലെ ഏതോ പരനാറി എനിക്കിട്ട് പെരുക്കി ” അവൻ എന്നെ നോക്കി പറഞ്ഞു.. ഞാൻ ചിരിച്ചു.. ” ആ പരനാറി ഞാൻ തന്നെയാണ്.. ” . ധനീഷ് എന്നെ വിശ്വാസം വരാത്ത പോലെ നോക്കി.. ” അപ്പൊ അഭി പറഞ്ഞത് സത്യമാണല്ലേ.. ഇനി എന്ത് ഡിസിപ്ലിനറി ആക്ഷൻ ആണാവോ വരാൻ പോവുന്നത്… ” അവൻ അകത്തേക്ക് കടന്നു.. ഒരു ക്യാരിയർ ടേബിളിൽ വച്ച്.. ” ബ്രേക്ക് ഫാസ്റ് ആണ്.. വേഗം കഴിക്കു.. എനിക്ക് നിന്നോട് വളരെ പ്രധാന പെട്ട ഒരു കാര്യം പറയാൻ ഉണ്ട്.. “
ഞാൻ അവനെ ഒന്ന് നോക്കി. എന്നിട്ടു മെല്ലെ പല്ലു തേച്ചു ക്യാരിയർ തുറന്നു ബ്രേക്ക് ഫാസ്റ്റ് എടുത്തു കഴിച്ചു.. കൈ കഴുകി വന്നു.. എന്നിട്ട് അവൻ കൊണ്ട് വന്ന ഫാസ്കിൽ നിന്നും ചായയും എടുത്തു കൊണ്ട് സോഫയിൽ ഇരുന്നു.. ” ശരി പറ.. എന്താ ഇത്രക്കും വലിയ പ്രധാന പെട്ട കാര്യം.. “
ഞാൻ നോക്കിയപ്പോ ടെൻഷൻ കൊണ്ട് നഖം കടിക്കുന്ന ധനീഷിനെ ആണ് കണ്ടത്.. ” അതെങ്ങനെയാ പറയേണ്ടത് എന്നെനിക്കറിയില്ല.. പക്ഷെ ഞാൻ പറഞ്ഞു തീരുന്നതു വരെ നീ ഇടയിൽ കയറി ഒന്നും സംസാരിക്കാൻ പാടില്ല.. പിന്നെ ഇത് കേട്ടതിനു ശേഷം നീ എന്നെയോ അഭിയേയോ വെറുക്കരുത്.. “
ഞാൻ നെറ്റി ചുളിച്ചു.. ” ശരി.. പറ എന്താ പ്രശ്നം.. “
ധനീഷ് മെല്ലെ പറയാൻ തുടങ്ങി.. ” എങ്ങനെയാ തുടങ്ങണ്ടേ എന്നെനിക്കറിയില്ല.. ഇതൊന്നും ഒരാളും പുറത്തു പറയാൻ ആഗ്രഹിക്കുന്ന കാര്യങ്ങളും അല്ല.. പക്ഷെ വേറെ വഴിയില്ലാത്തതു കൊണ്ടും നീ ആയതു കൊണ്ടും മാത്രം ഞാനിതു പറയുന്നു എന്നെ ഉള്ളൂ.. “
