“ശരി, മുതലാളി പള്ളിയിലോട്ട് പൊക്കോ. ഞാനെത്താം”
“ശരി അച്ചോ”
അദ്ദേഹം പള്ളിയിലേക്ക് പോയപ്പോള്‍ അച്ചന്‍ വേഷം മാറാനായി ഉള്ളിലേക്ക് കയറി.
മുതലാളി അസ്വസ്ഥതയോടെ പള്ളിയുടെ മുന്‍പിലെ ബെഞ്ചില്‍ അച്ചനെയും കാത്തിരുന്നു.
അന്ന്, അച്ചന്‍ പറഞ്ഞ വസ്തുതകള്‍ കുര്യന്‍ മുതലാളിയെ അതിയായി ഉലച്ചിരുന്നു. സ്വന്തം കുടുംബത്തിലുള്ളവര്‍ മാന്യരും നല്ലവരും വ്യക്തിശുദ്ധി ഉള്ളവരും ആണെന്നായിരുന്നു അദ്ദേഹത്തിന്‍റെ ധാരണ. എന്നാല്‍ തന്റെ മകളും മകനും മരുമകളും ഒരേപോലെ ഭോഗപ്രിയരും വഴിതെറ്റി ജീവിക്കുന്നവരുമാണ് എന്ന അറിവ് അദ്ദേഹത്തിന്‍റെ മനസ്സിനെ പാടെ തകര്‍ത്തു. പണം ഉണ്ടാക്കാനുള്ള ഓട്ടത്തിനിടയില്‍ വീട്ടില്‍ എന്തൊക്കെയാണ് സംഭവിക്കുന്നത് എന്ന് താന്‍ ശ്രദ്ധിച്ചില്ല. മോളിക്ക് വീട്ടില്‍ ഇരിക്കാനോ അവിടുത്തെ കാര്യങ്ങള്‍ നോക്കാനോ നേരമില്ല. തനിക്ക് ബിസിനസ് കാര്യങ്ങള്‍ ഒഴിഞ്ഞിട്ടും നേരമില്ല. ജൂബി ഒരു വഴിപിഴച്ച പെണ്ണാണ് എന്ന് തനിക്ക് വിശ്വസിക്കാന്‍ സാധിക്കുന്നില്ല!
ഷെറിന്‍ അച്ചനെക്കണ്ട് തെറ്റുകള്‍ ഏറ്റുപറഞ്ഞത് അദ്ദേഹത്തിന്‍റെ മനസ്സിനെ മറ്റൊരു തരത്തിലാണ് പക്ഷെ സ്വാധീനിച്ചത്.
അച്ചന്‍ പറഞ്ഞ വിവരങ്ങളറിഞ്ഞു വീട്ടിലെത്തിയ മുതലാളി അച്ചനെ കണ്ട വിവരം ആരെയും അറിയിച്ചില്ല. ഷെറിനൊഴികെ മുതലാളി അച്ചനെ കണ്ടിട്ടുണ്ട് എന്ന് ആര്‍ക്കും അറിയുകയുമില്ലായിരുന്നു. അവള്‍ പോലും ഫാദര്‍ ജയിംസ് വിളിച്ച് അതെപ്പറ്റി പറഞ്ഞതുകൊണ്ടാണ് അതറിഞ്ഞത്.
സ്വന്തം കഴപ്പ് തീര്‍ക്കാനുള്ള ചെയ്തികള്‍ ഡാഡി അറിഞ്ഞിട്ടുണ്ട് എന്ന് പക്ഷെ ജൂബി മനസ്സിലാക്കിയില്ല. അതുകൊണ്ട് അവള്‍ സാധാരണമട്ടില്‍ത്തന്നെ ആയിരുന്നു. ഷെറിന്‍ മനപ്പൂര്‍വ്വം മുതലാളിയുടെ മുന്‍പില്‍ നിന്നും മാറിനടന്നു. അദ്ദേഹത്തെ അഭിമുഖീകരിക്കാന്‍ അവള്‍ക്ക്സാധിച്ചില്ല. എങ്കിലും തന്നോട് അതെപ്പറ്റി ഒന്നും ചോദിക്കാഞ്ഞതിനാല്‍ അദ്ദേഹം തന്നോട് ക്ഷമിച്ചു എന്നുതന്നെ അവള്‍ കണക്കുകൂട്ടി. അതോടെ ആ വലിയ മനസ്സിനോടുള്ള അവളുടെ ആരാധന, പരിധികള്‍ ലംഘിക്കുകയും ചെയ്തു.
പക്ഷെ ചില തീരുമാനങ്ങള്‍ കുര്യന്‍ മുതലാളി എടുത്തു കഴിഞ്ഞിരുന്നു.
അതിന്റെ ഒന്നാം പടിയായി ഏതാണ്ട് അഞ്ചുദിവസങ്ങള്‍ കഴിഞ്ഞപ്പോള്‍ മോളി വഴി മുതലാളി മുജീബിനെ പറഞ്ഞുവിട്ടു. അത് അദ്ദേഹത്തിന്‍റെ തീരുമാനമാണ് എന്ന് ഒരാളും അറിഞ്ഞില്ല. പോലീസില്‍ നിന്നും അവന് ക്രിമിനല്‍ ബാക്ക്ഗ്രൌണ്ട് ഉണ്ടെന്ന് തനിക്ക് വിവരം കിട്ടിയിട്ടുണ്ട് എന്നും, അതുകൊണ്ട് അവന്റെ കണക്ക് സെറ്റില്‍ ചെയ്തേക്കാനും മുതലാളി അവളോട്‌ പറഞ്ഞു. സംഗതി ആരോടും പറയണ്ട എന്ന് പോലീസ് പറഞ്ഞിട്ടുണ്ട് എന്നും അദ്ദേഹം ഓര്‍മ്മിപ്പിച്ചു. അങ്ങനെയാണ് മുജീബ് പോയത്.
ജൂബിക്ക് മമ്മിയുടെ ആ തീരുമാനത്തോട് കടുത്ത എതിര്‍പ്പുണ്ടായി. അവളത് അപ്പന്റെ മുന്‍പില്‍ അവതരിപ്പിക്കുകയും ചെയ്തു.
“നല്ലപോലെ പണിയെടുക്കുന്ന ആ ചെക്കനെ എന്തിനാ ഡാഡി പറഞ്ഞു വിട്ടത്”
