ഞാന്‍ അറിയാതെ ചിരിച്ചു പോയി. ആ മുഖം കാണുമ്പോ പാവം തോന്നുന്നുണ്ട്..കുറച്ചു കളിപ്പിച്ചിട്ട് അങ്ങ് സമ്മതിച്ചേക്കാമെന്ന് മനസ്സിലുറച്ചു.
ഞാന്‍ ഡ്രൈവിംഗ് പഠിച്ചത് നാട്ടില്‍ തന്നെയുള്ള ഒരു ഡ്രൈവിംഗ് സ്കൂളില്‍ നിന്നാണ്. അന്നും കുഞ്ഞേച്ചി വല്ലാതെ താല്പര്യം കാണിച്ചിരുന്നു.
പക്ഷെ, അച്ഛനും ഏട്ടത്തിയമ്മയും സമ്മതിച്ചില്ല. അതിനൊരു കാരണമുണ്ട്. ഞങ്ങളുടെ നാട്ടില്‍ ഡ്രൈവിംഗ് സ്കൂള്‍ നടത്തുന്ന ചേട്ടന്‍ ആളൊരു വഷളനാണ്. സ്ത്രീകളെയും അയാള്‍ തന്നെയാണ് പഠിപ്പിക്കുന്നത്‌. ആ സമയത്തൊക്കെ അയാളുടെ കൈ സ്ത്രീകളുടെ തുടയിലാവും ഉണ്ടാവുക. അതിന്റെ പേരില്‍ മുന്‍പ് ചില പ്രശ്നങ്ങളൊക്കെ ഉണ്ടായിട്ടുണ്ട്. അതൊക്കെ അറിയാവുന്നതിനാലാണ് ഏട്ടത്തിയമ്മ കുഞ്ഞേച്ചിയെ അങ്ങോട്ട്‌ വിടാതിരുന്നത്. പിന്നെ മായന്നൂരോ കാലടിയിലോ പോണം. എന്‍റെ എക്സാം കഴിഞ്ഞിട്ട് എന്‍റെയൊപ്പം വിടാമെന്നൊക്കെ ഏറ്റിരുന്നതാണ്. അപ്പോഴേക്കും കൊറോണ കേരളത്തിലൊക്കെ പടര്‍ന്നു തുടങ്ങിയിരുന്നതിനാല്‍ അതും നടന്നില്ല.
“എന്താ ഒരു ഒച്ചപ്പാടൊക്കെ..എന്താ കാര്യം..ഞാനും കൂടെ കേക്കട്ടെ..!”
ഇടനാഴിയില്‍ നിന്നു ഏട്ടത്തിയമ്മയുടെ ശബ്ദമുയര്‍ന്നു. ആ സ്വരം കേട്ടപ്പോ ഞാന്‍ പെട്ടെന്ന് കാലുകള്‍ വലിച്ച് മടക്കി വെച്ചു. ബര്‍മുഡയില്‍ വല്ല മുഴുപ്പും ബാക്കിയുണ്ടെങ്കില്‍ കണ്ടാല്‍ മോശമാണ്.
ആകാംക്ഷ നിറഞ്ഞൊരു ചിരിയോടെ അവര്‍ ഞങ്ങളുടെ അടുത്തേയ്ക്ക് വന്നു.കയ്യില്‍ അലക്കാനിട്ട എന്‍റെ കുറച്ചു തുണികളുമുണ്ട്.
“ഇവിടൊരു തല്ലു നടന്നപോലുണ്ടല്ലോ..!’ കളിയായി പറഞ്ഞു കൊണ്ട് കുഞ്ഞേച്ചിയുടെ അടുത്തിരുന്നു. കുഞ്ഞേച്ചി വിസ്തരിച്ച് തന്നെ എല്ലാം പറഞ്ഞു.
“അതാണോ ഇത്ര വലിയ കാര്യം…”
ഏട്ടത്തിയമ്മ ഉറക്കെ ചിരിച്ചു.
“ആദ്യം വണ്ടി വരട്ടെ…എന്നിട്ടല്ലേ ഡ്രൈവിംഗ് പഠിക്കലൊക്കെ..അപ്പൊ ഇവന്‍ തന്നെ പഠിപ്പിച്ചോളും..ല്ലേടാ അമ്പുട്ടാ..!”
കുഞ്ഞേച്ചിയോടുള്ള സഹതാപം നിറച്ച് കൊണ്ട് ,’സമ്മതിക്കെടാ’എന്ന ഭാവത്തില്‍ ഏട്ടത്തിയമ്മ എന്നെ നോക്കി.
പിന്നെ എനിക്ക് അപ്പീലിനുള്ള അവസരമില്ല. എന്‍റെ ഏട്ടത്തിയമ്മ ഒരു വാക്ക് പറഞ്ഞാ കിണറ്റിലും ചാടും. ഞാന്‍ സമ്മതിച്ച പോലെ പോലെ തലയിളക്കി.
കുഞ്ഞേച്ചി അവിശ്വസനീയതയോടെ എന്നെ നോക്കി. അവളുടെ കണ്ണുകളില്‍ വല്ലാത്തൊരു അമ്പരപ്പ് തെളിഞ്ഞു. അത്രയും നേരം പരിശ്രമിച്ചിട്ടും നടക്കാത്ത കാര്യം ഏട്ടത്തിയമ്മയുടെ ഒറ്റ വാക്കില്‍ ഞാന്‍ സമ്മതിച്ചത് അവള്‍ക്ക് ശരിക്കും ക്ഷീണമായി.
അതേ അമ്പരപ്പോടെ ദേഷ്യം മുറ്റിയ ഒരു കൂര്‍ത്ത നോട്ടം അവളെന്‍റെ നേര്‍ക്കെറിഞ്ഞു. ചെറിയൊരു പന്തികേട് പോലെ ആ മുഖത്തു കണ്ടപ്പോള്‍ ഞാന്‍ ഒന്നുമറിയാത്തത് പോലെ പറമ്പിലേക്ക് നോട്ടം മാറ്റിക്കളഞ്ഞു.
