“നടക്കുമെന്ന് തോന്നുന്നില്ല!”
പുഞ്ചിരി നിലനിർത്തിക്കൊണ്ട് അവൾ പറഞ്ഞു.
ഡെന്നിസ് അവളുടെ വിരലുകളില് പിടുത്തം വിട്ടു. പരാജിതനെപ്പോലെ അവളെ നോക്കി.
“ബട്ട് ..സിമോണ…സിമോണ പറഞ്ഞത് എന്നെ ..എന്നിട്ട് എന്താണ് ഇപ്പോൾ ഇങ്ങനെ…? എന്താണ് കാരണം?”
“നിങ്ങളെ കണ്ടാൽ ഏത് പെണ്ണിനും ഒന്ന് കെട്ടിയാൽ കൊള്ളാമെന്ന് തോന്നും..പക്ഷേ…”
അവൾ പുഞ്ചിരിയോടെ വീണ്ടും പറഞ്ഞു.
” പക്ഷേ…. എന്റെ ഭർത്താവ് സമ്മതിക്കുമെന്ന് തോന്നുന്നില്ല…”
ഡെന്നിസ് ഇരിപ്പിടത്തിൽ നിന്നുമെഴുന്നേറ്റു. അവളെ ചകിതമായ ഭാവത്തോടെ നോക്കി. അവളുടെ മുഖത്ത് പുഞ്ചിരിയേറി.
“പിന്നെ ഏറ്റവും പ്രധാന പ്രശ്നം അതല്ല…”
അയാളുടെ നിരുന്മേഷവും പാരാവശ്യവും നിറഞ്ഞ മുഖത്തിന്റെ സൗന്ദര്യത്തിലേക്ക് കണ്ണുകളെറിഞ്ഞ് അവൾ തുടർന്നു. ഡെന്നിസ് ആകാംക്ഷയോടെ അവളുടെ അടുത്ത വാക്കുകൾക്ക് കാതോർത്തു.
“സിമോണ സമ്മതിക്കില്ല…”
“ഏഹ്!”
ഡെന്നിസ് ഒന്ന് ഞെട്ടി.
“അപ്പോൾ….നിങ്ങൾ നിങ്ങളല്ലേ സിമോണ?”
Comments are closed.