“ഏയ്‌..ഒന്നുമില്ല..നീ നിന്റെ മനസിനെ വരുതിയില്‍ നിര്‍ത്താന്‍ സദാ ശ്രദ്ധിക്കണം…അത്ര മാത്രമേ പറയുന്നുള്ളൂ…മനസ് കൈമോശം വരരുത്..”
“എന്നാല്‍ ഞാന്‍ പോട്ടെ അച്ചാ…കടയിലോട്ടു ചെല്ലട്ടെ..ഇന്നലെ ഉണ്ടായ പ്രശ്നത്തിന്റെ പേരില്‍ അച്ഛനെ ആരെങ്കിലും ഉപദ്രവിക്കാന്‍ വന്നാലോ….”
വാസു പോകാന്‍ എഴുന്നേറ്റു.
“ശരി മോനെ..ഞാന്‍ പ്രാര്‍ഥിക്കാം..നീ പോയിട്ട് വാ” അച്ചന്‍ അവനെ അനുഗ്രഹിച്ചിട്ട് യാത്രയാക്കി.
മുറിയിലേക്ക് കയറിയ ദിവ്യ വേഗം ഫോണെടുത്ത് രതീഷിന്റെ നമ്പരില്‍ വിളിച്ചു.
“എടാ രതീഷേ ഇത് ഞാനാ ദിവ്യ”
“എന്തിനാടീ നീ വിളിച്ചത്..എന്നെ ഇനിയും തല്ലുകൊള്ളിക്കാനോ..വേണ്ട..ഇനി നീയെന്നെ വിളിക്കുകയോ കാണുകയോ വേണ്ട…” രതീഷിന്റെ ഭയം കലര്‍ന്ന സ്വരം ദിവ്യയുടെ കാതുകളിലെത്തി.
“നിന്നെ കാണാന്‍ അല്ലേലും ഞാന്‍ വരില്ല…നിന്നോട് സംസാരിക്കാനുള്ള കൊതി കൊണ്ട് വിളിച്ചതുമല്ല..മറ്റൊരു അത്യാവശ്യകാര്യം പറയാനാണ്….നിന്റെ അച്ഛനെവിടെ? ജോലിക്ക് പോയോ?”
“ഉം പോയി..എന്താ?”
“അങ്ങേര് എസ് ഐയോട് വാസുവേട്ടന്‍ തല്ലിയ കാര്യം പറഞ്ഞു കൊടുത്തു….എസ് ഐ ഏട്ടനെ തേടി ഇവിടെ വന്നിട്ട് പോയതെ ഉള്ളു..ഭാഗ്യത്തിന് ഏട്ടനിവിടെ ഇല്ലായിരുന്നു..”
“വരട്ടെ..പിടിച്ചോണ്ട് പോയി അവന്റെ നടു ഒടിക്കട്ടെ അങ്ങേര്..അതിനെനിക്കെന്താ?”
“നിനക്ക് പ്രശ്നം ഉണ്ട് മോനെ..അതല്ലേ ഞാന്‍ ഉടന്‍ തന്നെ നിന്നെ വിളിച്ചത്…നീയൊരു കാര്യം ചെയ്യ്…നിന്റെ അച്ഛനെ വിളിച്ചു പറ വാസുവേട്ടനെതിരെ നല്‍കിയ പരാതി പിന്‍വലിക്കാന്‍…”
“ഹും..ഞാന്‍ കുറെ പറയും..ഒന്ന് പോടീ… എസ് ഐ പൌലോസ് നിന്റെ വാസുവിന്റെ എല്ലൊടിക്കും..നീ കണ്ടോ..”
“എടാ വിഡ്ഢി..നീ എന്തറിഞ്ഞിട്ടാണ് സംസാരിക്കുന്നത്? അന്ന് നിന്റെ കൈയില്‍ നിന്നും പോയ മെമ്മറി കാര്‍ഡ് വാസുവേട്ടന്‍ മൊബൈലില്‍ ഇട്ടു കണ്ടു…അതില്‍ നിന്റെ ഒന്ന് രണ്ടു വീഡിയോകള്‍ ഉണ്ട്..ഒപ്പം നീ എടുത്ത നിന്റെ സ്വന്തം പെങ്ങളുടെ കുളിസീനും…വാസുവേട്ടനെതിരെ പോലീസ് കേസെടുത്താല്‍, ആ നിമിഷം ഈ വീഡിയോ നെറ്റില്‍ നീ കാണും…മനസ്സിലായോ..” ദിവ്യ അവനെതിരെ ബ്രഹ്മാസ്ത്രം തന്നെ തൊടുത്തു.
രതീഷ്‌ ഞെട്ടിപ്പോയി അത് കേട്ടപ്പോള്‍. തന്റെ ചെയ്തികള്‍ തനിക്കെതിരെ നിന്നു ഭീകരമായി പല്ലിളിക്കുന്നത് ഭീതിയോടെ അവനറിഞ്ഞു. തന്റെ പെങ്ങളുടെ വീഡിയോ അതിലുണ്ടെന്നുള്ള കാര്യം താന്‍ ഓര്‍ത്തില്ല! വേറെ ഏതൊക്കെ വീഡിയോ ഉണ്ടോ ആവോ!
“പോടി ചുമ്മാ നുണ പറയാതെ..” അവന്‍ അവള്‍ നമ്പരിടുകയാണോ എന്നറിയാനായി പറഞ്ഞു.
The Author
