നന്ദലീല

Nandaleela

കുളിരുള്ള പ്രഭാതം, കാലത്തെ തൊട്ടടുത്തുള്ള ദേവീക്ഷേത്രത്തിൽ നിന്നുള്ള ഉച്ചഭാഷിണിയിൽ സുപ്രഭാതവും കേട്ടു പാതി മയക്കത്തിൽ മടിപിടിച്ചു കിടന്ന നന്ദുവിന്റെ ചെവിയിൽ ആരോ പിടുത്തമിട്ടു.

“ടാ ചേട്ടാ എണീക്ക് . നിനക്കിന്നു പോകണ്ടേ ചെറിയച്ഛന്റെ വീട്ടിലേക്ക് ?”.

പെങ്ങളാണ്, അമ്മൂന്ന് എല്ലാവരും സ്നേഹത്തോടെ വിളിക്കുന്ന നന്ദന. ഇപ്പൊ Degree പഠിക്കുന്നു . പെങ്ങളെന്നതിനു ഉപരി നന്ദുവിന് അവൾ ഒരു കൂട്ടുകാരിയെ പോലെ ആണ്. അതിന്റെ സ്വാതന്ത്ര്യം മുഴുവൻ അവൾ നല്ലപോലെ മുതലാക്കുന്നുമുണ്ട്.

“കുറച്ചു കൂടി കിടക്കട്ടെ എന്റമ്മു, രാത്രി ലേറ്റ് ആയാ വന്നു കിടന്നേ “, നന്ദു പുതപ്പു ഒന്നുടെ തലയിലേക്ക് വലിച്ചിട്ടു കിടന്നു.

“അയ്യടാ മതി ഉറങ്ങിയേ, ദേ സഖിമാരിപ്പോൾ കണ്ണിലെണ്ണയും ഒഴിച്ചു കാത്തിരിപ്പുണ്ടാവും, കാർമുകിൽവർണന്റെ വരവും നോക്കി “. അല്പം കളിയാക്കലോടെ അവൾ നന്ദുവിന്റെ പുതപ്പു വലിച്ചു തറയിലേക്ക് എറിഞ്ഞു.

ചെറിയമ്മയുടെ അനിയത്തിമാരായ സജിതയുടെയും രജിതയുടെയും കാര്യമാണ് അവൾ പറഞ്ഞത്. നന്ദുവിനോട് അവർക്കുള്ള അടുപ്പം അല്പം കൂടുതലാണെന്നുള്ളത് ബന്ധുക്കളിൽ എല്ലാവരുടെയും ഇടയിൽ ഒരു സംസാര വിഷയം തന്നെയാണ്.

“ദേ പെണ്ണേ, നീ എന്റെ കയ്യിന്നു ഇന്ന് മേടിക്കും കേട്ടോ “. ഒരു ചെറു ചിരിയോടെ നന്ദു അമ്മുവിന്റെ നേരെ കൈ പൊക്കി.

“അയ്യടാ, ചെക്കന്റെ ഒരു നാണം കണ്ടില്ലേ, പോയി കുളിച്ചു റെഡിയാകാൻ നോക്ക്, അമ്മ ബ്രേക്ഫാസ്റ് റെഡി ആക്കിട്ടുണ്ട്. പിന്നെ അച്ഛൻ ആക്ടിവയും കൊണ്ടു ഓഫീസിൽ പോകാമെന്നു പറഞ്ഞു, ചേട്ടൻ കാറെടുത്തു പോവാനെന്നാ അച്ഛൻ പറയുന്നേ. ഇത്രേം ദൂരം പോകണ്ടേ ”

“ഹാ ഓക്കേ, എന്നാൽ ഞാൻ കുളിച്ചിട്ടു വരാം, നീ എന്റെ ഡ്രെസ്സൊക്കെ ഒന്ന് എടുത്തു വച്ചേ ” അമ്മുവിന് പണിയും കൊടുത്തു നന്ദു ഹാങ്ങ്റിൽ കിടന്ന ടവലും എടുത്തു കുളിമുറിയിൽ കയറി.

നന്ദുവിന്റെ മനസ്സിൽ സജിതയുടെയും രജിതയുടെയും മുഖങ്ങൾ മാറി മാറി തെളിഞ്ഞു വന്നു. സജിത നന്ദുവിനെക്കാളും ഒരു വയസ്സ് മൂത്തതാണ്, രജിത ഒരു വയസ്സ് ഇളയതും. രണ്ടാളും നേരെ വിപരിത സ്വഭാവമുള്ള ക്യാരക്ടർ. സജിത പഠിച്ച കള്ളിയാണ്. ഒരു സ്ലിം ബ്യൂട്ടി. അല്പം നല്ല ചുറ്റിക്കളിയൊക്കെ ഉണ്ട് അവളുടെ കൈയിൽ. ആരെ കണ്ടാലും ചാടി കയറി വീഴുന്ന സ്വഭാവം. ഒരു ബെല്ലും ബ്രേക്കും ഇല്ലാത്ത പെണ്ണ്.