“എന്ത് ഭംഗിയാ എന്റെ പെണ്ണെ….” ദേവു അറിയാതെ പറഞ്ഞതാണോ എന്ന് ഞാൻ വിചാരിച്ചു പോയി അത് അവളുടെ വായിൽ നിന്ന് വന്നപ്പോ..
അച്ചു സംശയം മാറാതെ എന്റെ മുഖത്തേക്ക് നോക്കി ആ നോട്ടത്തിന് എന്റെ അഭിപ്രായ മാറിയാനാണെന്ന് അറിഞ്ഞതുകൊണ്ട് ഞാൻ ഒന്നും പറഞ്ഞില്ല വെറുതെ അവളെ വട്ടു പിടിപ്പിക്കാൻ….
“പോവാം…” ഞാൻ അച്ചുവിനെ നോക്കാതെ പറഞ്ഞു ആ മുഖം ഒന്ന് വാടിയോ അറിയില്ല…
പാർക്കിങ്ങിൽ എത്തിയപ്പോ. ദേവുവിന് വാശി എന്റെ ബുള്ളറ്റിൽ പോയാൽ മതിയെന്ന്….
“ദേവു നീ കളിക്കാതെ കാർഎടുത്തേ… ഒന്നാമതെ കൊറോണയ ചെക്കിങ്ങുമുണ്ട് ബൈക്കിൽ പോയാൽ ശെരിയാവില്ല ” അച്ചു ആ ശ്രമം നിരുത്സാഹപ്പെടുത്തി…
“കിച്ചൂ ഒന്ന് പറയെടാ പ്ലീസ് ഇല്ലേൽ ഞാനില്ല ” ദേവു വാശിയിൽ ഉറച്ചു നിന്നു… ഞാൻ അച്ചുവിനെ നോക്കി സമ്മതിക്കെന്നു തലയിട്ടിയപ്പോ അച്ചു ഒന്ന് അയഞ്ഞു… ദേവു അച്ചുവിന്റെ കവിളിൽ ഒരുമ്മകൊടുത്ത് കീ എടുക്കാൻ ഓടി…
അച്ചുവിന്റെ മുന്നിൽ ഞാൻ പെട്ടു..
അവളുടെ ഡ്രെസ്സിനെ കുറിച്ച് അഭിപ്രായം പറയാത്തതിൽ ഉള്ള ദേഷ്യമാണോ പെണ്ണിന്…
“ഡി ചേച്ചീ… ” ഞാൻ അവളെ ഒന്ന് വിളിച്ചു മൈൻഡ് ഇല്ല. ഓഹോ അങ്ങനെ ആണല്ലേ.. ഞാൻ എന്റെ സാരതി ക്ലാസ്സിൽ 350 കേറി ഇരുന്നു പാർക്കിങ്ങിൽ നിന്ന് പുറത്തെടുത്തു… ലോക്ക് ചെയ്യാൻ മറന്നു… അച്ചു അറിഞ്ഞാൽ എന്നെ കൊല്ലും അവൾ ഇപ്പോൾ ശ്രദ്ധിക്കാൻ വഴിയില്ല.ഞാൻ അതിൽ കേറി ഇരുന്നു അച്ചുവിനെ നോക്കി…എന്നെ ഒന്ന് നോക്കി പിന്നെ മുഖം കോട്ടി….ഇപ്പൊ കാണിച്ചു തരാമെടീ…ഞാൻ മനസ്സിൽ പറഞ്ഞു..
“അതേ ദേവു വന്നാൽ അവൾ ആദ്യം ഇരിക്കും .പിന്നെ ചിലർ അവസാനം ഇരിക്കേണ്ടി വരും ” ഞാൻ ആരോടെന്നില്ലാതെ പറഞ്ഞു പിന്നെ മിറർ അവളുടെ നേരെ തിരിച്ചു അതിലൂടെ അവളെ നോക്കി… കക്ഷിക്ക് മടിച്ചു നിന്നു പിന്നെ പതിയെ നടന്നു ആ മുഖത്ത് ചെറിയ നാണം..
