“ഡാ ദേവു വരുന്നു നേരെ ഇരിക്ക് ” ഞാൻ പെട്ടന്നു നേരെ ഇരുന്നു… ദേവു വണ്ടിയുടെ ചാവിയും കറക്കി ഒരു കയ്യിൽ ഹെൽമെറ്റ്‌ ആയി പെട്ടന്നു തന്നെ അടുത്തേക്ക് വന്നു ഞാൻ ചാവിക്ക് വേണ്ടി കൈ നീട്ടിയതും അവൾ ഒരുകാൽ പൊക്കി എന്റെ മുന്നിൽ കയറിയിരുന്നു….
“ബാക്കിലേക്ക് നീങ്ങടാ കിച്ചൂ ” ഹേ ഇവളെന്താ ഈ കാണിക്കുന്നേ..
” ദേവു നീയെന്താക്ക…”
” അല്ല നമുക്ക് പോവണ്ടേ… ” അവൾ നിസാരമായി ചോദിച്ചു…
“നീയോടിക്കാനോ…” ബാക്കിൽ നിന്ന അച്ചു ചോദിച്ചു….
“അതേ….. നീങ്ങടാ കിച്ചൂ…”ദേവു പറഞ്ഞു..
“ദേവു നീ കളിക്കല്ലേ ട്ടോ… കാറോടിക്കുന്ന പോലെയല്ല.അതും മൂന്നളാ ഉള്ളത്…ഇങ്ങനെയാണെങ്കിൽ ഞാൻ ഇല്ല
“അച്ചു ചെവി പൊട്ടുന്ന പോലെ പറഞ്ഞതും ദേവു ചെറുതായി തിരിഞ്ഞു എന്നെ നോക്കി…
“പ്ലീസ് കിച്ചൂ ഞാൻ ഒന്ന് ഓടിച്ചോട്ടെ… ഇന്നലെ ഞാൻ നിനക്ക് കാർ തന്നില്ലേ… നീ ഒന്ന് സഹായിച്ചാൽ മതി….” ദേവുവിന്റെ അപേക്ഷ സ്വരം ഞാൻ ചിരിക്കുക മാത്രമാണ് ചെയ്തത്. ആ സ്വപ്നം കണ്ടതുമുതൽ ദേവു എനിക്കെന്തോ സ്പെഷ്യൽ ആണ് അവളെ ഒന്നിൽ നിന്നും തടയാൻ തോന്നുന്നില്ല…. ദേവു സന്തോഷം കൊണ്ടു ഉമ്മ എന്ന് പറഞ്ഞു തിരിഞ്ഞു.ഞാൻ അച്ചുവിന്റെ കൈ പിടിച്ചു നീങ്ങാൻ പറഞ്ഞു…
“കിച്ചൂ അവളുടെ തുള്ളലിനു നീ കൂടെ നിൽക്കല്ലേ ട്ടോ ”
