“ഡാ “
ആ ഒരു വിളിയിൽ കൂടി നിന്ന എല്ലാവരും ഞെട്ടി, ഈ സമയം പാർവതി നടന്നു അവരുടെ അടുത്ത് എത്തിയിരുന്നു
“നിന്നോടൊക്കെ ഞാൻ ആദ്യമേ പറഞ്ഞതാ ഇത് ഇവിടെ വരുന്ന കുട്ടികളെ ഒന്ന് എല്ലാവരുമായി പരിചയപ്പെടാൻ മാത്രം ഉള്ള ദിവസമാണ്, അല്ലാതെ നിനക്കൊക്കെ വരുന്ന പെൺകുട്ടികളെ mentally abuse ചെയ്യാനുള്ള ദിവസമല്ല എന്ന് “
“സഖാവേ അത്… ഞങ്ങൾ വെറുതെ ആ കുട്ടിയോട് വീടും സ്ഥലവും ഒക്കെ ചോദിച്ചതേ ഉള്ളു, അതിനാണ് ഈ കുട്ടി കരയുന്നത് അല്ലാതെ ഞങ്ങൾ ഒന്നും ചെയ്തില്ല “
“എന്താ മോളുടെ പേര് “
അയാൾ ചോദിച്ചതും അവൾ പേര് പറഞ്ഞു
“ഗൗരി “
“എന്റെ പേര് റോയ്, ഇവിടെ എല്ലാവരും സഖാവ് റോയ് എന്ന് വിളിക്കും കുട്ടിക്കും അങ്ങനെ തന്നെ വിളിക്കാം “
അയാളുടെ ആ മാന്യമായ പെരുമാറ്റത്തിൽ തന്നെ അവളുടെ പേടി എല്ലാം പോയി
“അപ്പൊ ഇനി പറ, ഇവന്മാർ കുട്ടിയോട് എന്താ ചോദിച്ചത് “
“ആദ്യം പേരും സ്ഥലവും ചോദിച്ചു, അത് പറഞ്ഞു കഴിഞ്ഞപ്പോൾ ഇതിൽ ഒരു ചേട്ടനോട് i love you എന്ന് പറയാൻ പറഞ്ഞു. ഞാൻ പറ്റില്ല എന്ന് പറഞ്ഞപ്പോൾ എന്നെ ഒരുപാട് പേടിപ്പിച്ചു”
“ഇനി ഇവരിൽ നിന്നും ഒരു പ്രശ്നവും ഉണ്ടാവില്ല, അങ്ങനെ എന്തെങ്കിലും ഉണ്ടായാൽ കുട്ടി എന്റടുത്തു പറഞ്ഞാൽ മതി “
“ശരി ഏട്ടാ..,.,., അല്ല സഖാവേ “
അവളുടെ ആ ഏട്ടാ വിളി അയാളുടെ കണ്ണ് നിറച്ചു,
“മോൾക്ക്‌ എന്നെ ഏട്ടാ എന്ന് തന്നെ വിളിക്കാം, എനിക്കും ഉണ്ടായിരുന്നു ഒരു അനിയത്തി”
അത് പറയുമ്പോൾ അയാളുടെ സ്വരം ഇടറുന്നുണ്ടായിരുന്നു.. അയാൾ പിന്നെ വേറൊന്നും പറഞ്ഞില്ല
“അപ്പോ ഞാൻ ക്ലാസ്സിലേക്ക് പോട്ടെ ഏട്ടാ “
അവൾ അതും പറഞ്ഞു ക്ലാസ്സിലേക്ക് നടന്നു, അയാൾ അവിടെ കൂടി നിന്ന എല്ലാവരോടും ആയി പറഞ്ഞു
