അങ്ങനെ വളര്‍ച്ചയുടെ പടവില്‍ സാമിന് ഒരു പേര് വീണു, ഇരട്ട!!!
സാസംസണ്‍ സായിപ്പ് ബ്രിട്ടനിലേക്ക് തിരികെ പോയി വിവാഹം കഴിച്ചു. അവിടുത്തെ ഒരു പ്രമാണിയുടെ മകളെയാണ് വിവാഹം കഴിച്ചത്.
ബ്രിട്ടീഷുകാര്‍ ഇന്ത്യവിട്ടിട്ടും നല്ലവനായ സാംസണ്‍ സായിപ്പ് മൂന്നാറില്‍ പിടിച്ചു നിന്നത് തൊഴിലാളികള്‍ക്ക് ദൈവതുല്യനായതിനാലാണ്. ഒപ്പം മാറി മാറി ഭരിച്ച ഇടത്-വലത് സര്‍ക്കാരുകളുടെ ഉറ്റതോഴനും ആയിരുന്നു.
സിസിലിയും സാമും ചാക്കോയും സാംസണ്‍ സായിപ്പിനൊപ്പം എപ്പോഴും ഉണ്ടായിരുന്നു. അങ്ങനെ ചാക്കോയും കേരളത്തില്‍ അറിയപ്പെടുന്ന ഒരു തേയിലത്തോട്ടം മാനേജരായി അറിയപ്പെട്ടു തുടങ്ങിയിരുന്നു.
ഇരട്ടയെന്ന ഇരട്ടപ്പേരുമായി സാം വളര്‍ന്നപ്പോഴേക്കും ചാക്കോ ഒരു മാനേജരായി അറിയപ്പെട്ട് തുടങ്ങിയിരുന്നു. എങ്കിലും സാസംസണ്‍ സായിപ്പ് മൂന്നാര്‍ വിട്ടതോടുകൂടി അവര്‍ക്ക് മൂന്നാറില്‍ നിന്ന് മാറേണ്ടി വന്നു.
കാരണം അത്രയും നാള്‍ സാംസണ്‍ സായിപ്പിനൊപ്പമായിരുന്ന ചാക്കോയെ സ്വന്തം വീട്ടില്‍പോലും കയറ്റിയില്ല… മറ്റൊന്നുമല്ല, ചാക്കോ ആ നാളുകളില്‍ സ്വന്തം കൂടപ്പിറപ്പുകളെ ഒക്കെ മറന്നിരുന്നു.
സത്യത്തില്‍ ചാക്കോ മന#ഃപൂര്‍വ്വം അങ്ങനെ ചെയ്തതല്ലോ.
ഇരട്ടലിംഗവുമായി പിറന്ന മകന്‍ സ്വന്തം വീട്ടുകാര്‍ക്ക് മുന്നില്‍ നാണക്കേടോടെ ജീവിക്കുന്നത് കാണുവാന്‍ കരുത്തില്ലാത്തതിനാല്‍ അയാള്‍ വീട്ടുകാരില്‍ നിന്ന് അകന്നു കഴിഞ്ഞിരുന്നതാണ്.
ഇപ്പോള്‍ ചാക്കോയും കുടുംബവും മൂന്നാറില്‍ നിന്ന് യാത്ര പറഞ്ഞു.
കോട്ടയം പട്ടണത്തില്‍ തന്നെ ഒരു ഇരുനിലക്കെട്ടിടം സ്വന്തമായി വാങ്ങി ചാക്കോ. ഒപ്പം ബേക്കര്‍ ജംക്ഷനില്‍ ഒരു കടമുറി സ്വന്തമായി വാങ്ങി അവിടെ തേയിലയുടെയും മറ്റ് മലഞ്ചരക്കുകളുടെയും ഹോള്‍സെയില്‍ കച്ചവടം തുടങ്ങി.
സിസിലിയെ പഴയെ നേഴ്‌സിംഗ് ബലത്തില്‍ കോട്ടയത്തെ കാപ്പാന്‍സ് ആശുപത്രിയില്‍ നേഴ്‌സിംഗ് അസ്സിസ്റ്റന്റായി ജോലിക്കും കയറ്റി.
കോട്ടയത്തെ ഇംഗ്ലീഷ് മീഡിയം സ്‌കൂളില്‍ പഠിച്ച് സാമും വളര്‍ന്നു.
2008 ആഗസ്റ്റ് 12
രാത്രി എട്ട് മണി.
കോട്ടയം സ്‌കൈ ഹോട്ടല്‍.
സാമിന്റെ പതിനെട്ടാം പിറന്നാള്‍ ആഘോഷങ്ങള്‍ തുടങ്ങിയിട്ട് അരമണിക്കൂര്‍ മാത്രമേ ആയിട്ടുള്ളു. മൂന്നാറില്‍ നിന്ന് സ്ഥലം മാറി വന്നശേഷം ഒരു വര്‍ഷംകഴിഞ്ഞാണ് സാമിനെ സ്‌കൂളില്‍ ചേര്‍ത്തത്. അതിനാല്‍ 18 വയസ് പൂര്‍ത്തിയിട്ടും സാം പ്ലസ്ടു വിദ്യാര്‍ത്ഥിയാണ്.
