നുരഞ്ഞു പൊന്തുന്ന തണുത്ത ബിയർ കുപ്പി ചുണ്ടിലേക്ക് മുട്ടിച്ച് ഒരു കവിൾ സോമരസം നുകർന്ന് ബാൽക്കണിയിൽ ഇരിക്കുമ്പോൾ തണുത്ത കാറ്റ് ഷിൽനയുടെ മുടിയിഴകളെ തൊട്ടുരുമ്മി പറന്നകന്നു. ഇച്ചിരി കൈപ്പുണ്ടെങ്കിലും ഈ ഒരു സുവർണ നിമിഷങ്ങളുടെ സന്തോഷത്തിൽ അതൊക്കെ തേൻരുചിയായി ആസ്വദിച്ച് ഷിൽനയും ബിയർ ബോട്ടിൽ നുണഞ്ഞുകൊണ്ട് എന്റെ അരികിൽ ഇരിക്കുന്നുണ്ട്. ഒരു ബോട്ടിൽ കുടിക്കാനുള്ള ത്രാണിയൊന്നും എന്തായാലും എന്റെ പെണ്ണിന് ഉണ്ടാവില്ലെന്നറിയാം. പക്ഷെ ഞാൻ പ്രതീക്ഷിച്ചതിലും കൂടുതൽ അവൾ കുടിച്ചിറക്കി. പകുതിയെങ്കിലും അകത്തായപ്പോൾ തന്നെ പെണ്ണിന്റെ മട്ടും ഭാവവും മാറിത്തുടങ്ങി.
: ഇനി എന്റെ മോള് കുടിക്കണ്ട… മതി മതി, ബാക്കി ഞാൻ അടിച്ചോളാം
: ആയില്ല.. കുറച്ചുകൂടി കുടിക്കട്ടെ
: വേണ്ട…. ഇനി കുടിച്ചാൽ നീ ചിലപ്പോ കിടക്കും. എനിക്ക് ഇങ്ങനെ വേണം എന്റെ പെണ്ണിനെ
: you know one thing…
: അയ്യോ വേണ്ട….. ഇനി നിനക്ക് ഇംഗ്ലീഷൊക്കെ വരും. മോള് വന്നേ, നമുക്ക് അകത്ത് പോകാം. തണുക്കാൻ തുടങ്ങി
: ഞാൻ പറയട്ടെ… എന്തിനാ അകത്ത് പോകുന്നെ ഇവിടെ കിടന്നൂടെ
: എടി പോത്തേ.. ഇവിടെ കിടക്കാൻ ആണോ നീ കിടക്കയും പുതപ്പുമൊക്കെ വാങ്ങി വന്നത്
: ഓഹ്.. ടെറസിൽ പോണം അല്ലെ.. എന്ന വാ പോകാം
: എന്റെ മുത്തേ, നീ നല്ല തരിപ്പാ, നമുക്ക് ഇന്ന് റൂമിൽ കിടക്കാം. എന്നിട്ട് നല്ല ബോധത്തിൽ നാളെ ടെറസിൽ പോകാം
: you are my sweetheart…. നീ എന്ത് പറഞ്ഞാലും ഞാൻ കേൾക്കും
: ദൈവമേ… ഇത്രേം പവർഫുൾ സാധനം ആണോ ഇവൾ വലിച്ചു കയറ്റിയത്.. ഏട്ടനൊക്കെ മാറി നീ ആയല്ലോ
: ചക്കരേ… നിനക്ക് വിഷമം ആയോട…
: നീ വന്നേ…
ഷീകുട്ടിയെ അവളുടെ ഇടുപ്പിലൂടെ കയ്യിട്ട് ചേർത്തുപിടിച്ച് അകത്തേക്ക് പോയി. ഇവളെ ഇനി ഹാളിൽ ഒന്നും ഇരുത്തിയാൽ ശരിയാവില്ല.. നേരെ കിടക്കയിലേക്ക് തന്നെ വിടാം. കിടക്കയിൽ മലർത്തി കിടത്തിയ ഉടനെ അവൾ എന്നെ വലിച്ച് ദേഹത്തേക്കിട്ടു. കെട്ടിപിടിച്ച് മുഖത്ത് മുഴുവൻ മുത്തം തന്ന് കെട്ടിപിടിച്ച് കിടന്ന് ഓരോന്ന് പറയുന്നുണ്ട്. മിക്കപ്പോഴും വായിൽ ഇംഗ്ലീഷ് കയറി വരുന്നുണ്ട്. ഇത് മറ്റേ സിനിമയിൽ സലിം കുമാറ് കഞ്ചാവ് കൊടുത്തപോലായല്ലോ ദൈവമേ…
: ഏട്ടാ….
: ഉം… പറ
