നാട്ടില്‍ ഒന്നുമായില്ലെങ്കില്‍ എന്ത് ചെയ്യണമെന്ന ആലോചനയില്‍ ആയിരുന്ന ഞാന്‍ കതകു തുറക്കുന്ന ശബ്ദം കേട്ടാണ് ചിന്തയില്‍നിന്നുണര്‍ന്നത് .. പതിയെ എഴുന്നേറ്റു
ഹാളിലെ അരണ്ട വെളിച്ചത്തില്‍ അമ്മാമ അടുക്കള വാതില്‍ തുറന്നിറങ്ങി പോകുന്നത് കണ്ടു ഞാന്‍ പിന്നാലെ ചെന്നു . ഭാഗ്യം അമ്മാമ പൂട്ടാതെയാണ് ഇറങ്ങിയത് .. സാധാരണ അടുക്കള വാതിലാണ് പൂട്ടുകയെന്നു അമ്മാമ പറഞ്ഞും ചെയ്തു കണ്ടും ഞാന്‍ മനസിലാക്കിയിരുന്നു … മുറ്റത്തിറങ്ങിയ അമ്മാമ ഇന്നലെ ഞാന്‍ വന്ന വഴിയെ കയറുന്നത് കണ്ടു അല്‍പം അകലം വിട്ടു പിന്തുടര്‍ന്നു. കയറ്റം കയറി ഇടത്തെക്കിറങ്ങിയ അമ്മാമയുടെ പുറകെ ഞാനും ഇറങ്ങി .. അമ്മാമയുടെ കയ്യില്‍ റാന്തല്‍ പോലെയുള്ള എമര്‍ജന്‍സി വിളക്ക് ഉണ്ടായിരുന്നു … തപ്പി തടഞ്ഞെങ്കിലും അതിന്‍റെ വെട്ടം എനിക്കും വഴി തെളിച്ചു
അല്‍പം കൂടി ഇറങ്ങിയപ്പോള്‍ മങ്ങിയ വെട്ടം വരുന്ന ഒരു വീട് കണ്ടു.. ഇന്നലെ വന്ന വഴി അത് കണ്ടിരുന്നെങ്കിലും അയല്‍വക്കം ആണെന്നാണ്‌ കരുതിയത് .അമ്മാമ അങ്ങോട്ട്‌ തന്നെയാണു നടക്കുന്നത് .. അല്‍പം ചെന്നപ്പോള്‍ ചാണകത്തിന്‍റെ മണം വന്നു തുടങ്ങി ..
അമ്മാമയുടെ പുറകെ ചെന്ന് നിന്നത് സാമാന്യം വലിയൊരു തൊഴുത്തിന്റെ മുന്നിലാണ് .. വെളിച്ചം കണ്ടത് കൊണ്ടാവാം മജീദ്‌ തൊഴുത്തിന്റെ പുറകില്‍ നിന്ന് കടന്നു വന്നു
