ഞങ്ങളുടെ അടുത്ത് നിന്നിരുന്ന മഞ്ജുസിനെ നോക്കി ഞാൻ ചിരിയോടെ പറഞ്ഞു .
“വേണ്ട മോനെ ….”
മഞ്ജുസ് അതുകേട്ടു എന്നെനോക്കി കണ്ണുരുട്ടി . പക്ഷെ അപ്പോഴേക്കും തങ്കത്തേരിന്റെ അന്നൗൺസ്‌മെന്റ് വന്നു . അതോടെ എല്ലാവരുടെയും ശ്രദ്ധ അങ്ങോട്ടായി .
ശരണം വിളികളോടെയും , കൂപ്പുകൈകളോടെയും പലരും ബാലമുരുകന്റെ എഴുന്നള്ളത് ഭക്തിപുരസ്സരം ആദരവോടെ നോക്കി കണ്ടു . കൂട്ടത്തിൽ ഞങ്ങളും . അതൊക്കെ അവസാനിച്ചു പിന്നെ സാവധാനം ആണ് ഞങ്ങൾ മല ഇറങ്ങിയത് . ക്ഷേത്രം വകയുള്ള അന്നദാനവും കഴിച്ച ശേഷമാണ് ഞങ്ങൾ തിരിച്ചിറങ്ങിയത് .
താഴെയെത്തിയ ഉടനെ അച്ഛനും മഞ്ജുസിന്റെ അച്ഛനും ചെറിയച്ഛനും കൂടി മറ്റൊരു വഴിക്ക് നീങ്ങി . അവർ ബാറിൽ പോയി ഒന്ന് മിനുങ്ങാനുള്ള പ്ലാനിൽ ആണ് . അതുകൊണ്ട് തന്നെ ഞങ്ങളോട് റൂമിലോട്ടു പൊയ്ക്കൊള്ളാൻ പറഞ്ഞു . അവരങ്ങു എത്തിക്കോളാമെന്നും പറഞ്ഞു . മൂന്നുപേരും അന്നദാനത്തിനും കൂടിയിരുന്നില്ല . രണ്ടെണ്ണം വിട്ട ശേഷമേ ഭക്ഷണം കഴിക്കുന്നുള്ളു എന്ന നിലപാടിൽ ആണ് അവര് . താഴെ കാത്തുനിന്ന ഞങ്ങളുടെ ട്രാവലറിന്റെ ഡ്രൈവറും അവരോടൊപ്പം കൂടിയിട്ടുണ്ട് .
അതോടെ അവരെ കാക്കാതെ ഞങ്ങള് റൂമിലോട്ടു നീങ്ങി .
“നിന്റെ തന്തപ്പിടി നല്ല അടി ആണോ ?”
ഞാൻ നടക്കുന്നതിനിടെ മഞ്ജുസിനോട് തിരക്കി .
“ഏയ്..വല്ലപ്പോഴും മാത്രേ ഉള്ളു ..വല്ല ഫങ്ക്ഷന് ഒക്കെ വന്നാൽ കഴിക്കും ”
മഞ്ജുസ് പയ്യെ പറഞ്ഞു കയ്യും വീശി നടന്നു .
“അതുശരി ..അപ്പൊ നിന്റെ അച്ഛൻ കുടിക്കുന്നതിനു നിനക്കു കൊഴപ്പം ഇല്ല …ഞാൻ വല്ലപ്പോഴും കുടിച്ചാലേ പ്രെശ്നം ഉള്ളു അല്ലെ ?”
ഞാൻ അവളുടെ ആറ്റിട്യൂട് കണ്ടു ഞാൻ ദേഷ്യപ്പെട്ടു .
“ആഹ്..അതെ ..തല്ക്കാലം നീ അങ്ങനെ കുടിക്കണ്ട”
മഞ്ജുസ് ഗൗരവത്തിൽ തന്നെ പറഞ്ഞു .
“അതെന്തു വർത്താനം ആണ് മോളെ ..ഇങ്ങനെ ഫങ്ക്ഷന് ഒകെ വരുമ്പോ ഞാനും രണ്ടെണ്ണം അടിക്കട്ടെ ”
ഞാൻ അവളെ നോക്കി പുരികം ഇളക്കി .
“വേണ്ട ….”
മഞ്ജുസ് തീർത്തു പറഞ്ഞു .
“ഈ ഡാഷ് മോള് കാരണം ഒരു ഫ്രീഡവും ഇല്ലാലോ മുരുകാ…”
ഞാൻ പെട്ടെന്ന് മഞ്ജുസിന്റെ കയ്യിൽ നുള്ളികൊണ്ട് ആരോടെന്നില്ലാതെ പറഞ്ഞു .
“അതിനു നീ കഴിക്കില്ലലോ പിന്നെന്താ പ്രെശ്നം ?”
എന്റെ സംസാരം കേട്ട് മഞ്ജുസ് ചിരിച്ചു .
“അതില്ല..എന്നാലും ഫ്രെണ്ട്സ് ഒകെ നിര്ബന്ധിക്കുമ്പോ ”
