അത്യവശ്യം സ്കിൽസും കയ്യിലുണ്ട് . അതുകൊണ്ട് ഒരു മത്സരത്തിനൊക്കെ നിന്നാൽ അവള് ഈസി ആയിട്ട് ജയിക്കും .ഒരിക്കൽ ബെറ്റ് വെച്ച് തോറ്റതിൽ പിന്നെ ഞാൻ അവളെ വെല്ലുവിളിച്ചിട്ടില്ല.
അല്ലെൽത്തന്നെ എന്നെ പറഞ്ഞാൽ മതി . എനിക്ക് മര്യാദക്ക് ഡ്രൈവിംഗ് പഠിപ്പിച്ചു തന്നത് തന്നെ അവളാണ് . അങ്ങനെയുള്ള അവളെ വെല്ലുവിളിച്ച ഞാൻ ആണ് ശരിക്കു മണ്ടൻ ! മഞ്ജുസിന്റെ കാറിനെ ഓവർടേക്ക് ചെയ്തു പോയ നിമിഷത്തിൽ ആ ഓർമ്മകൾ എന്റെ മനസിലേക്ക് ഓടിയെത്തി .
എന്തായാലും അങ്ങനെ ഉച്ചയോടെ ഞങ്ങൾ വീട്ടിലെത്തി . അന്ന് കോളേജ് പ്രവർത്തി ദിവസമാണ് .പക്ഷെ മഞ്ജുസ് ലീവ് എടുത്തിരിക്കുകയാണ് . പുള്ളിക്കാരി കല്യാണം കഴിഞ്ഞതിൽ പിന്നെ ഇടക്കിടെ ലീവ് ആണെന്ന് കോളേജിൽ തന്നെ സംസാരം ഉണ്ട് . ഹാഫ് ഡേ ലീവ് എടുത്തു ഉച്ചക്ക് ശേഷം ജോയിൻ ചെയ്യാം എന്ന് പ്ലാൻ ഉണ്ടായിരുന്നെങ്കിലും പിന്നീടതും വേണ്ടെന്നു വെച്ചു.
എന്തായാലും കാറിൽ നിന്നിറങ്ങിയ ഉടനെ ഞാൻ സ്വന്തം വീട്ടിലേക്ക് കയറാതെ ബീനേച്ചിയുടെ വീട്ടിലേക്കാണ് ഓടിപ്പോയത് . കിഷോർ അന്ന് രാവിലെ എത്തിയിട്ട് എന്നെ വിളിച്ചിട്ടുണ്ടായിരുന്നു . അതുകൊണ്ട് തന്നെ അവൻ വീട്ടിൽ കാണുമെന്നും എനിക്കുറപ്പാണ് .
“ഡാ നീ ഇതെങ്ങോട്ടാ ?”
എന്റെ ഇറങ്ങിയുള്ള ഓട്ടം കണ്ടു മഞ്ജുസിന്റെ കാറിൽ നിന്നിറങ്ങിയ അച്ഛൻ വിളിച്ചു ചോദിച്ചു .
“കിഷോർ വന്നിട്ടുണ്ട് …ഞാൻ ഒന്ന് കണ്ടേച്ചും വരാം ”
ഞാൻ ഒന്ന് നിന്നുകൊണ്ട് ആവേശത്തോടെ വിളിച്ചു പറഞ്ഞു .
“എന്നെ കാണാൻ പോലും ഇവൻ ഇങ്ങനെ ഓടുന്നത് ഞാൻ കണ്ടിട്ടില്ല ”
എന്റെ പോക്ക് കണ്ടു മഞ്ജുസ് ആരോടെന്നില്ലാതെ പറഞ്ഞു ചിരിച്ചു .
“അത് നോക്കണ്ട മോളെ …അവര് ചെറുപ്പം തൊട്ടേ വല്യ കൂട്ടാ”
എന്റെ അമ്മയാണ് അതിനുള്ള മറുപടി പറഞ്ഞത് .
ഞാൻ നേരെ കിഷോറിന്റെ വീടിന്റെ ഗേറ്റും കടന്നു മുറ്റത്തേക്ക് കയറി . ഉമ്മറത്ത് ആരും
