“കണ്ണേട്ടാ ..എന്ത് പണിയ ഈ കാണിച്ചേ…”
എന്റെ കയ്യിലെ ചോര കണ്ടു അഞ്ജു സങ്കടത്തോടെ വിതുമ്പി..അമ്മയും ഒപ്പം അലമുറ ഇടുന്നുണ്ട്…
അത് വരെ കണ്ട അച്ഛൻ ആയിരുന്നില്ല..ഞാൻ അങ്ങനെ ചെയ്യുമെന്ന് അങ്ങേരു വിചാരിച്ചു കാണില്ല..എന്നെ കൊലക്കു കൊടുത്ത ഭാവം..ആകെ തകർന്നു പോയ പോലെ !നെഞ്ചിൽ കൈവെച്ച അങ്ങേരു ഷോക്കേറ്റ പോലെ നിൽപ്പുണ്ട്…
എനിക്ക് അതും കൂടി കണ്ടപ്പോൾ ആകെ വല്ലാണ്ടായി …ഒപ്പം തല കറങ്ങുന്ന ഒകെ പോലെ തോന്നി…കുറച്ചു കഴിഞ്ഞപ്പോൾ ശരിക്കും ബോധം പോയി..അച്ഛന്റെ ബന്ധുക്കളിൽ ഒരാൾ വന്ന കാറിൽ അവരെന്നെ ഹോസ്പിറ്റലിലേക്ക് കൊണ്ടു പോയി..പേടി കൊണ്ടാണോ എന്തോ പോകും വഴിയേ എന്റെ ബോധം മങ്ങി .
ഹോസ്പിറ്റലിൽ എത്തിയതോകെ അവ്യക്തമായി ഓര്മ ഉണ്ട് . പിന്നെ ബോധം തെളിയുമ്പോ .ഐ .സി.യു . വിന്റെ ഉള്ളിൽ ആണ് . ഞാൻ പതിയെ കണ്ണ് മിഴിച്ചു നോക്കി…മുൻപേ നടന്ന സംഭവങ്ങളൊക്കെ മനസിൽ അപ്പോഴേക്കും ഉരുണ്ടു കയറി…ഞാൻ പെട്ടെന്ന് ഒരു ഞെട്ടലോടെ ഒന്ന് ഉയർന്നു…
“എന്താ..എന്താ ?”
ഞാൻ കിടന്ന ബെഡിന്റെ അടുത്തിരുന്ന ചെറുപ്പക്കാരിയായ പെൺകുട്ടി തിരക്കി. കക്ഷി നേഴ്സ് ആണ് !
“ഏയ് ഒന്നുമില്ല..”
ഞാൻ അതിനെ നോക്കി പതിയെ പറഞ്ഞു..പിന്നെ ചുറ്റും നോക്കി..ഷർട്ട് ഇടാതെയാണ് കിടത്തി..നെഞ്ചത്തും വയറ്റത്തും കയ്യിലുമൊക്കെ എന്തൊക്കെയോ വയറുകൾ ഘടിപ്പിച്ചിട്ടുണ്ട്..ഐ.സി.യു കിടക്കുമ്പോ സിനിമയിൽ കാണാറില്ലേ അതെ പോലെ ! പിന്നെ ബ്ലഡ് കയറ്റുന്നുണ്ട് ! കുറെ ഞാൻ കളഞ്ഞതാണല്ലോ..കുറച്ചു കേറട്ടെ ….
ഇടതു കയ്യിൽ ഒരു വെളുത്ത കോട്ടൺ തുണിയുടെ കെട്ട് ഉണ്ട് .
“ഭാഗ്യം ചത്തിട്ടില്ല..”
ഞാൻ സ്വയം അതിലേക്ക് നോക്കി പറഞ്ഞു നേഴ്‌സിനെ നോക്കി..
“ഞാൻ എങ്ങനെ ഇവിടെ ?”
ഞാൻ അടുത്തിരുന്ന നേഴ്സിനോട് പതിയെ തിരക്കി..
