പിന്നെ ശ്യാമിനെ ക്ഷണിച്ചു . അവൻ കേക്കിന്റെ പാക്കെറ്റുമായി മുന്നോട്ടു നടന്നു . പിന്നെ ഒത്ത നടുക്കുള്ള ടേബിളിനു മീതെ ആയി കൊണ്ട് വെച്ചു കൊണ്ട് പാക്കെറ്റ് അഴിച്ചു .
ഒരു വെളുത്ത നിറത്തിലുള്ള കേക്ക് ആയിരുന്നു. അതിനു മീതെ നല്ല ഡിസൈനിൽ പൂക്കളും പിങ്ക് കളറിൽ വരച്ചു ചേർത്തിട്ടുണ്ട്…പിന്നെ “ഹാപ്പി ബർത്ഡേ ഡിയർ മഞ്ജു മിസ് ” എന്ന കുറിപ്പ് കറുത്ത നിറത്തിൽ കേക്കിനു മീതെ എഴുതി ചേർത്തിട്ടുണ്ട് !
അവൾ അതിലേക്ക് കൗതുകത്തോടെയും , സന്തോഷത്തോടെയും നോക്കി . പിന്നെ എല്ലാവരെയും ആയി അടുത്തേക്ക് ചെല്ലാനായി ക്ഷണിച്ചു .
ശബ്ദം ഒന്നും ഉണ്ടാക്കരുതെന്നു എല്ലാരേയും ചട്ടം കെട്ടി മഞ്ജുസ് കേക്ക് കട്ട് ചെയ്യാൻ ഒരുങ്ങി .
“പിന്നെ ..ഇതെടുത്തു ദേഹത്തൊന്നും തേക്കരുത് ട്ടോ ..”
അവളൊരു മുന്നറിയിപ്പ് പോലെ ആദ്യമേ ജാമ്യം എടുത്തു.
“ഏയ് അതൊന്നുമില്ല..മിസ് എളുപ്പം മുറിക്ക് “
കൂട്ടത്തിൽ ചിലർ തിരക്ക് കൂട്ടി കൊണ്ട് പറഞ്ഞു . ഞാനും ശ്യമും അവൾക്കരികിലേക്ക് നീങ്ങി നിന്നു . മഞ്ജുസിനെ കണ്ടിട്ട് എനിക്കെന്റെ നിയന്ത്രം നഷ്ടപെടുന്ന പോലെ തോന്നി. നല്ല സെക്സി ലൂക്കാണ് അവളെ സെറ്റ് സാരിയിൽ കാണാൻ . കൂടാതെ അവളുടെ വല്ലാത്തൊരു മണവും !
ഒരുവിധം ഞാൻ കടിച്ചു പിടിച്ചു നിക്കവേ മഞ്ജുസ് കേക്ക് കട്ട് ചെയ്തു .
അതോടെ എല്ലാരും കയ്യടിച്ചുകൊണ്ട് “ഹാപ്പി ബര്ത്ഡേ മഞ്ജു മിസ് ” എന്നൊക്കെ ഈണത്തിൽ പാടി . അവൾ ചിരിയോടെ സാരിത്തലപ്പ് വയറിലേക്ക് ചേർത്ത് പിടിച്ചു ശരീരം മറച്ചുകൊണ്ട് കേക്ക് മുറിച്ചു കൊണ്ട് നിവർന്നു.
അതിൽ നിന്നും ഒരു കഷ്ണം എടുത്തു അവൾ ആർക്കു കൊടുക്കണം എന്ന ഭാവത്തിൽ എല്ലാവരെയും നോക്കി .
ഞാനും ശ്യാമും ആയിരുന്നു അവളുടെ ഏറ്റവും അടുത്ത് നിന്നിരുന്നത് . അതുകൊണ്ട് തന്നെ ഊഴം ഞങ്ങള്ക്കായിരുന്നു .
അവളുടെ കയ്യിലുണ്ടായിരുന്നതിൽ നിന്നു ഒരു കഷ്ണം പൊട്ടിച്ചു ശ്യാം തന്നെ മഞ്ജുസിന്റെ വായിലേക്ക് വെച്ചു നൽകി . ഞാൻ മുൻകൈ എടുക്കാൻ നിന്നില്ല . ഞങ്ങൾ ക്‌ളാസിൽ കീരിയും പാമ്പും ആണെന്ന് പൊതുവെ സംസാരം ഉള്ളതാണ് . അതങ്ങനെ തന്നെ നിൽക്കുന്നതാണ് നല്ലത് .
ഞാൻ സ്വല്പം ഗ്യാപ് ഇട്ടു നിന്നു . അവളതു കഴിച്ചു കൊണ്ട് ബാക്കിയുള്ളത് ക്‌ളാസ്സിലെ ഒരു പഠിപ്പിയായ പെൺകുട്ടിക്ക് നൽകി . പിന്നെ ഞങ്ങളുടെ ഗിഫ്റ്റും സമ്മാനിച്ചു . ബാക്കിയുള്ള കേക്കൊക്കെ കയ്യൂക്കുള്ളവൻ കാര്യക്കാരൻ എന്ന പോലെ ഓരോരുത്തരായി തോണ്ടിയും മുറിച്ചും എടുത്തു .
