കാര്യം ഒന്നും ഞാൻ അവനോടു പറയാൻ നിന്നില്ല . ഒരത്യാവശ്യ കാര്യം ഉണ്ടായിരുന്നു എന്ന് മാത്രം പറഞ്ഞു . റിങ് ഞാൻ പാന്റ്സിന്റെ പോക്കെറ്റിലിട്ടുകൊണ്ട് മഞ്ജുസിനായി കോളേജിന് വെളിയിൽ , പതിവ് സർവേ കല്ലിനു അടുത്ത് കാത്തു നിന്നു .
സ്വല്പം വൈകിയാണ് അവൾ വന്നത് . വഴിയോരത്തു ഞാൻ നിക്കുന്നത് കണ്ട മഞ്ജുസ് പതിവ് പോലെ എന്റെ ഓരം ചേർന്ന് നിർത്തി..
“നീ പോയില്ലേ ?”
അവൾ ഗ്ലാസ് താഴ്ത്തി എന്നെ നോക്കികൊണ്ട് തിരക്കി .
“ഇല്ല ..ഞാൻ മഞ്ജുസിനെ കാത്തു നിന്നതാ…”
ഞാൻ പതിയെ പറഞ്ഞു .
“മ്മ്…എന്തിനാ ?”
അവൾ കള്ളച്ചിരിയോടെ തിരക്കി.
“അതൊക്കെ പറയാം..ഞാൻ കൂടി കേറട്ടെ “
ഞാൻ സംശയത്തോടെ അവളെ നോക്കി.
“മ്മ്…”
അവൾ തലയാട്ടി.
അതോടെ ഞാൻ ഡോർ തുറന്നുകൊണ്ട് കാറിനകത്തേക്ക് കയറി. ബാഗ് ഊരി മടിയിലും വെച്ചു. അവളെന്നെ അടിമുടി സംശയ ദൃഷ്ടിയോടെ നോക്കിയ ശേഷം കാർ പതുക്കെ മുന്നോട്ടെടുത്തു .
“മഞ്ജുസ് ഇന്ന് എന്ത് പണിയ കാണിച്ചേ ..”
ഞാൻ ഒരു നിമിഷത്തെ മൗനത്തിനു ശേഷം സംസാരിച്ചു തുടങ്ങി.
“മ്മ്..എന്ത് പറ്റി”
അവൾ എന്നെ ചെരിഞ്ഞു നോക്കികൊണ്ട് തിരക്കി .
“കുന്തം ..ക്‌ളാസ്സിലിരുന്നു എന്ന പണിയ കാണിച്ചേ..ഞാൻ എത്ര കഷ്ടപ്പെട്ട കൺട്രോൾ ചെയ്തെന്നു അറിയോ “
ഞാൻ ചിരിയോടെ പറഞ്ഞു.
“ഓ…നിനക്കു കണ്ട്രോൾ ഉണ്ടോന്നു നോക്കാൻ വേണ്ടി തന്നെയാ ചെയ്തത്..”
അവളും വിട്ടില്ല .
“ഓ പിന്നെ..”
ഞാൻ മുഖം വക്രിച്ചുകൊണ്ട് പറഞ്ഞു.
അവളതു കണ്ടു ചിരിച്ചുകൊണ്ട് കാർ ഓടിച്ചു ഇരുന്നു .
