അവളോട് ഞാൻ ചെയ്തത് തെറ്റാണ് എന്നെനിക്കറിയാം. പക്ഷെ എല്ലാം ചെയ്തു കഴിഞ്ഞിട്ട് ഒന്നും അറിയാത്തത് പോലെ അവളുടെ ഒപ്പം വീണ്ടും ഞാൻ ചെന്നാൽ അതായിരിക്കാം വലിയ ചതി. അവളെ മനസിലാക്കാതെ അവളോട് പക തീർക്കാൻ അവളുടെ ചേച്ചിയെ ഉപയോഗിച്ചത് നെറികെട്ട പരുപാടി ആയിപ്പോയി. ഏത് നശിച്ച സമയത്തു ആണോ എനിക്ക് അതിന് മനസ്സ് വന്നത്. അന്ന് രാത്രി എനിക്ക് ഉറക്കം വന്നില്ല. അതിനിടയിൽ പദ്മയുടെ രണ്ട് മിസ്സ്‌ കോളും എനിക്ക് വന്നിരുന്നു..
പിറ്റേന്ന് വീണ്ടും അവൾ വിളിച്ചപ്പോൾ ആണ് എനിക്ക് കോൾ എടുക്കാൻ തോന്നിയത്.. ഞാൻ മനഃപൂർവം കോൾ എടുക്കാഞ്ഞത് ആണെന്ന് അവൾക്ക് മനസിലായിരുന്നു..
‘എന്ത് പറ്റി.. കുറ്റബോധം ആണോ..? ഇന്നലെ വിളിച്ചിട്ട് റിപ്ലൈ ഒന്നൂല്ല..?
‘ഞാൻ ലച്ചുവിനെ കണ്ടിരുന്നു. ഞങ്ങൾ സംസാരിച്ചിരുന്നു..’
‘ഓ.. എന്നിട്ട് അവൾ എന്ത് പറഞ്ഞു..?
പദ്മ ചോദിച്ചു
‘അവൾ… അവൾ ശരിക്കും അവനൊപ്പം പോയതല്ല. അത് ശരിക്കും അവൾ അവനെ പറ്റിക്കാൻ വേണ്ടി ചെയ്തത് ആണ്.. അവളുടെ സ്വഭാവം നല്ലത് പോലെ അറിയാവുന്ന ആളായിരുന്നു ഞാൻ.. പക്ഷെ ഞാൻ ഈ കാര്യത്തിൽ അവളെ ഗസ് ചെയ്തത് തെറ്റി പോയി.. അവളുടെ ഭാഗത്തു തെറ്റില്ല..’
‘എനിക്ക് ഒന്നും മനസിലാകുന്നില്ല. നീ എന്താ പറയുന്നത്..?
കാര്യം മനസിലാകാതെ പദ്മ ചോദിച്ചു..
അവൾക്ക് മുഴുവൻ കാര്യവും വിശദീകരിച്ചു കൊടുക്കാൻ എനിക്ക് കുറച്ചു സമയം വേണ്ടി വന്നു. മുഴുവൻ കേട്ടപ്പോൾ അവൾക്കും ലച്ചു പറഞ്ഞത് സത്യം ആവാനേ വഴിയുള്ളു എന്ന് തോന്നി. കാരണം അങ്ങനെ ഒക്കെ ലച്ചു ചെയ്യുമെന്ന് അവൾക്കും അറിയാം. പക്ഷെ അത് ഊഹിക്കാൻ ഞങ്ങൾക്ക് രണ്ട് പേർക്കും കഴിഞ്ഞില്ല..
‘ഇനിയിപ്പോ തന്റെ ഡിസിഷൻ എന്താ..?
അവൾ എന്നോട് ചോദിച്ചു
‘ എനിക്ക് ഒന്നിലും ഇപ്പൊ ഒരു ഡിസിഷൻ എടുക്കാൻ പറ്റുന്നില്ല.. പക്ഷെ നമ്മൾ ഇനിയും… അത് ശരിയല്ല…’
പദ്മയോട് അത് ഞാൻ പറഞ്ഞു
‘ഓക്കേ. ഐ അണ്ടർസ്റ്റാൻഡ്.. ബട്ട്‌ പ്രോമിസ് മീ.. നമ്മൾ തമ്മിൽ ഇങ്ങനെ ഒന്ന് ഉണ്ടായി എന്ന് ഒരിക്കലും അവൾ അറിയരുത്…’
