അപ്പൊ തന്നെ വിമലിനോട് പറഞ്ഞിട്ട് നിങ്ങളെ വിളിക്കാൻ ആളു വിടുക ആയിരുന്നു … സത്യത്തിൽ ഇങ്ങനെ ഒരു സോങ്ങ് ഏതെങ്കിലും തമിഴ് നടിയെ കൊണ്ട് ചെയ്യിക്കാമെന്ന് ആയിരുന്നു നിശ്ചയിച്ചിരുന്നത് .. പക്ഷേ എൻറെ ഒറ്റ ഒരാളുടെ നിർബന്ധമാണ് ജയശ്രീയെ ഇപ്പോൾ ഇവിടെ എത്തിച്ചത് “
“അവസ്ഥ അല്ലേ സാർ മനുഷ്യരെക്കൊണ്ട് ഓരോന്നു ചെയ്യിക്കുന്നത്.. സിനിമയിൽ തിളങ്ങി നിന്ന കാലത്തും , എന്തിന് അഭിനയത്തിന്റെ തുടക്ക കാലത്ത് പോലും ഇങ്ങനെ ഗ്ലാമറസായി ഒരു സോങ്ങ് ഞാൻ ചെയ്തിട്ടില്ല … നിത്യ വൃത്തിക്ക് വകയില്ലാത്ത അവസ്ഥയിൽ അതും ചെയ്യാൻ തയ്യാറായാണ് ഞാൻ വന്നിരിക്കുന്നത് “
പ്രൊഡ്യൂസർ നോട് ജയശ്രീ പറഞ്ഞു.
‘ അപ്പോൾ അങ്ങനെയാണ് കാര്യം .. പഴയ നടി ജയശ്രീയുടെ ഗ്ലാമർ സോങ്ങ് ചിത്രത്തിൽ വെച്ചിരിക്കുകയാണ് ‘
ഞാൻ മനസ്സിൽ ചിന്തിച്ചു.
ചായ കുടിച്ച കപ്പും മടിയിൽ നിന്ന് , കണക്ക് എഴുതിക്കൊണ്ടിരുന്ന ഡയറിയും ടീ പ്പോയുടെ മുകളിലേക്ക് വെച്ചു കൊണ്ട് ലൂസായ ലുങ്കി ഒന്നു മുറുക്കി ഉടുത്ത് കൊണ്ട് കിഴവൻ പ്രൊഡ്യൂസർ പതുക്കെ ചെയറിൽ നിന്നും എഴുന്നേറ്റു.
“അപ്പൊ .. എങ്ങനെയാണ് കാര്യങ്ങൾ .. സമയം ആറു മണി കഴിഞ്ഞു എട്ടരയ്ക്ക് നിനക്ക് ലൊക്കേഷനിൽ എത്തണം വിത്ത് മേക്കപ്പ് .. കലാ പരിപാടിയിലേക്ക് കടക്കുക അല്ലെ.. “
എടുത്തടിച്ച പോലെയുള്ള പ്രൊഡ്യൂസറുടെ സംസാരത്തിൽ ജയശ്രീ യില് നിന്നും ശക്തമായ എതിർപ്പ് ഞാൻ പ്രതീക്ഷിച്ചു
“സാർ രാത്രിയിൽ ഒരു മണിക്ക് അവിടെ നിന്നും പുറപ്പെട്ടതാണ് ഞാൻ ഒന്ന് ഫ്രഷ് ആയിക്കോട്ടെ ബ്രഷ് പോലും ചെയ്തിട്ടില്ല .. “
ജയശ്രീയുടെ മറുപടി കേട്ട് ഞെട്ടിയത് ഞാനായിരുന്നു.
“കുളിച്ചൊരുങ്ങി കുറി തൊട്ട് വരാനൊന്നും ഇനി സമയമില്ല പെണ്ണേ…”
