“ഇനി നമ്മുടെ ജിമ്മിലെ കക്ഷിയെ വല്ലോം ആണോ ഓര്‍ത്തോണ്ടിരിക്കുന്നെ?…..”
സീതയെ ഞെട്ടിച്ചുകൊണ്ട് സിനി ചോദിച്ചു… പുല്ല്… ഈ പിശാചിന് മനസ്സു വായിക്കാന്‍ ഉള്ള കഴിവ് വല്ലോം ഉണ്ടോ?…
സീത ലേശം മുന്‍പേ നടന്നിരുന്നതുകൊണ്ട് സിനിക്ക് അവളുടെ ഭാവമാറ്റം കാണാന്‍ കഴിഞ്ഞില്ല.. ഭാഗ്യം…
ഭക്ഷണം കഴിച്ചുകൊണ്ടിരുന്നപ്പോ സിനി വീണ്ടും ടോപ്പിക് എടുത്തിട്ടു…
“എടീ.. നിനക്കൊരു കാര്യം കേള്‍ക്കണോ?… ഇന്ന് ഞാന്‍ ജിമ്മീന്നിറങ്ങുമ്പോ നമ്മുടെ സാറാമ്മ പിടിച്ചു… ഞാന്‍ അയാടടുത്തു കറങ്ങുന്നത് അവര് കണ്ടാരുന്നു… എന്താ ഋത്വിക് റോഷന്റെ ചുറ്റും ഒരു ചുറ്റിക്കളിയെന്നൊരു ചോദ്യം…..”
“അയ്യോ?… പണിയായോ?…എന്നിട്ട്?…..” സീത പരിഭ്രമിച്ചു… ബാങ്ക് ജീവനക്കാരിയായ സാറാമ്മ ഗോസ്സിപ്പിന്റെ രാജ്ഞിയാണ്…
“പിന്നേ…. എന്തോന്ന് പണിയാവാന്‍?… അവരോടു പോയി പണി നോക്കാന്‍ പറ.. ഹും” സിനിക്കൊരു കുലുക്കോം ഇല്ല…
“നീയെന്തു പറഞ്ഞു?….” സീതക്ക്‌ പക്ഷെ സമാധാനമായില്ല….
“എന്ത് പറയാന്‍?.. നിങ്ങളൊക്കെ നോക്കീട്ടു നടന്നില്ലല്ലോ? ഇനി ഞാനൊന്ന് പയറ്റി നോക്കട്ടെന്ന് പറഞ്ഞു!!! കക്ഷി ചമ്മി നാശമായി…. ഹി ഹി…”
“ഹോ.. നിന്നെ സമ്മതിച്ചു….” സീത ചിരിച്ചു…
“പിന്നല്ലാതെ?.. നമ്മക്ക് പേടിയുണ്ടെന്ന് തോന്നുമ്പഴാ ഇവറ്റകള്‍ക്ക് കൃമികടി കൂടുന്നേ… ങ്ങ്ഹാ.. അന്നേരം അവര് രസമുള്ളൊരു കാര്യം പറഞ്ഞു… നിനക്ക് കേക്കണോ?…. ഹി ഹി…”
“എന്തേ?….” സീതയ്ക്ക് ആകാംഷയായി…
“അതേ.. കക്ഷി ആകെ ജിമ്മില്‍ ശ്രധിക്കാറുള്ളത് ആ അഞ്ജലീനേം പിന്നെ നിന്നേം ആണെന്ന്….” സിനി ചിരിച്ചു…
സീതയ്ക്ക് പെട്ടെന്ന് എന്തോപോലെ വന്നു.. സന്തോഷമോ, നാണമോ.. എന്തോ ഒരു പ്രത്യേക ഫീല്‍.. അവള്‍ ചുവന്നു… അഞ്ജലി ജിമ്മിലെ ആസ്ഥാന സുന്ദരിയാണ്.. വെളുത്തുതുടുത്ത ആപ്പിള്‍ പോലെയൊരു പെങ്കൊച്ച്… അവിവാഹിതയാണ്.. അതിസുന്ദരിയും.. അവളെയും കെട്ടി ഒരു പ്രസവം കഴിഞ്ഞ തന്നെയും താരതമ്യം ചെയ്തുവെന്ന് കേട്ടത് സീതയ്ക്കങ്ങ് സുഖിച്ചു.. പ്രത്യേകിച്ചും അയാള്‍!!!… ശ്ശോ..
എങ്കിലും അത് മുഖത്തു കാണിക്കാന്‍ പാടില്ലല്ലോ?…
“ഓ പിന്നേ…… അവര് നിന്നേ ചൊറിയാന്‍ പറഞ്ഞതാവും… ഞാന്‍
