റെഡ്ഢി ചുറ്റും തിരഞ്ഞു കൊണ്ട് ചോദിച്ചു.
““ സാറിവിടെ ഉണ്ടായിരുന്നു. മകന് പനി കൂടി ഹോസ്പിറ്റലിൽ അഡ്മിറ്റ് ആയെന്ന് ഫോൺ വന്നപ്പോൾ പോയതാണ്.””
അത് കേട്ട റെഡ്ഢിയുടെ മുഖം ചുളിഞ്ഞു. അയാൾ ആകെ നിരാശനായ പോലെ തോന്നി.
ശില്പയും സങ്കടത്തിലായി.
രണ്ടുപേരുടെയും മുഖം മാറിയത് കണ്ട സുന്ദർ അവരെ ആശ്വസിപ്പിച്ചു.
““ നിങ്ങൾ പേടിക്കേണ്ടാ. നിങ്ങൾ വന്നാൽ ഒരു ഫോട്ടോഷൂട്ട് നടത്തി വക്കാൻ എന്നോട് പറഞ്ഞിട്ടുണ്ട്. വലിയ പ്രശനങ്ങൾ ഒന്നുമില്ലെങ്കിൽ വൈകിട്ടത്തേക്ക് തിരിച്ചു വരാം എന്നാണ്. പറഞ്ഞത്. വൈകിട്ട് ഹൈദരാബാദ് പോകാൻ നിന്ന എന്നെ അതിനാണ് ഇവിടെ പിടിച്ചിരുത്തിയത്.””
ശിൽപക്ക് ആശ്വാസം ആയെങ്കിലും റെഡ്ഢി അപ്പോഴും നിരാശയിൽ ആയിരുന്നു.ഇപ്പോൾ അവിടെ അവർ മൂന്ന് പേരും പിന്നെ ഗേറ്റിൽ വാച്ച്മാനും മാത്രമേ ഉള്ളു എന്ന് സുന്ദർ പറഞ്ഞു.
സുന്ദർ ശില്പയെ നോക്കി. ശില്പ അയാളെ നോക്കി പുഞ്ചിരിച്ചു.
“ “ ഇത് തന്നെ ആണോ ആള്? വീഡിയോയിൽ കണ്ടപ്പോൾ വേറൊരു ലുക്ക്‌ ആയിരുന്നല്ലോ?
ഓ.. ചിലപ്പോൾ സ്പെക്സ് വച്ചതിന്റെ ആകും. അഭിനയം വളരെ നന്നായിരുന്നു കേട്ടോ ””
സുന്ദർ അവളുടെ തോളിൽ തട്ടി അഭിനന്ദിച്ചു.
തന്റെ അഭിനയം സുന്ദർ രാമൻ കണ്ടിരിക്കുന്നു. അത് അയാളെപ്പോലൊരു ടെക്‌നിഷന് ഇഷ്ടപ്പെട്ടിരിക്കുന്നു. ശിൽപയുടെ സന്തോഷം പറഞ്ഞറിയിക്കാൻ പറ്റാത്തത്ര വലുതായിരുന്നു.
“ “എന്നാ പിന്നെ നമുക്ക് പൂൾ ഏരിയയിലേക്ക് പോകാം. ലൈറ്റ് പോകാറായി””
സുന്ദർ ഹാളിന്റെ സൈഡിലെ വാതിൽ തുറന്ന് പൂൾ ഏരിയയിലേക്ക് നടന്നു. പിന്നാലെ ശില്പയും റെഡ്‌ഡിയും.
പൂൾ സൈഡിൽ സുന്ദർ നേരത്തെ ക്യാമറയും മറ്റും തയ്യാറാക്കി വച്ചിരുന്നു.
“ “ ഡ്രസ്സ്‌ മാറ്റുന്നതിന് മുൻപ് നമുക്ക് ട്രയൽ ഷോട്സ് എടുത്ത് നോക്കാം. ലൈറ്റ് എക്സ്പോഷർ ഒക്കെ എത്രവേണമെന്ന് അപ്പോൾ പിടികിട്ടും. താൻ….. എന്താ നടികർ തിലകത്തിന്റെ പേര്?””
തന്നെ നടികർ തിലകമെന്നു ചെല്ലപ്പേര് വിളിച്ചത് ഇഷ്ടപ്പെട്ട ശില്പ ചിനുങ്ങിക്കൊണ്ട് പേര് പറഞ്ഞു.
“ “ ശില്പ””
“ “ ശില്പ… നല്ല പേരാണല്ലോ…
എന്നാ ശില്പ അങ്ങോട്ട് നിന്നേ.””
ശില്പ പൂളിന്റെ വക്കിൽ നിന്നു. പക്ഷേ വെപ്രാളത്തിൽ അവൾ കാല് തെറ്റി പൂളിലേക്ക് വീണു.
