__________________________________________________________
സീമ രാവിലെ 6 മണിക്ക് അലാറം വെച്ചിരുന്നു…. ഞങ്ങളുടെ ഉറക്കം ശരിയായില്ല…. അല്ലെങ്കിലും എങ്ങനെ ഉറങ്ങാനാണ്…..
ഇന്നാണ് ആ ദിവസം…. രണ്ടു മണിക്കൂറുകൾ കഴിഞ്ഞാൽ സീമ എന്നിൽ നിന്നു ദൂരെ…..
സീമ വേഗം ബാത്‌റൂമിൽ കയറി…. ഞാനും എണീറ്റു മറ്റേ ബാത്‌റൂമിൽ പോയി….
കുളി കഴിഞ്ഞു സീമ അടുക്കളയിൽ കയറി ചായയും ബ്രെഡ്‌ ഓംലെറ്റും തയ്യാറാക്കി…. ഞാൻ ഇറങ്ങുമ്പോൾ സീമ അടുക്കളയിൽ നിന്നു കരയുവായിരുന്നു… എന്നെ കണ്ടതും ആൾ റൂമിലേക്ക് പോയി…
ഞാൻ ചെല്ലുമ്പോ ഞാൻ വാങ്ങി കൊടുത്ത ഒരു സാരി ചുറ്റി നിന്നു…. ഞാൻ ഡോറിൽ ചാരി നിന്നു സീമയെ നോക്കി…. പെട്ടെന്ന് തന്നെ സീമ ഒരുങ്ങി……..ബാഗുകൾ ഞാൻ റെഡി ആക്കി സോഫയിൽ വെച്ചു…
ഞാൻ ചെന്നു ഡ്രസ്സ്‌ മാറി…. സീമ തന്റെ മുടിയിൽ നോക്കി നിൽപ്പായിരുന്നു…ഡൽഹിയിൽ വന്നു ഒരുപാട് മാറ്റങ്ങൾ വന്നിരുന്നു…
ഞാൻ : എന്താ നോക്കുന്നെ
സീമ : മുടി…
സീമ മുടി മെടഞ്ഞു കെട്ടി….. പിന്നെ ചെയ്തതാണ് എന്നെ ഏറ്റവും വിഷമിപ്പിച്ചത്…. എന്റെ മുന്നിൽ നിന്നു എന്നെ നോക്കി
സീമ : ഏട്ടാ സോറി….
കണ്ണുകൾ മുഴുവൻ നിറഞ്ഞിരുന്നു….
ഞാൻ കെട്ടിയ താലി ഊരി സീമയുടെ ഹാൻഡ് ബാഗിൽ വെച്ചു…. എന്നിട്ട് ദാസേട്ടൻ കെട്ടിയ പഴയ താലി എടുത്തണിഞ്ഞു….
സീമ വന്നേനെ കെട്ടിപിടിച്ചു കുറെ കരഞ്ഞു…
ചോദ്യങ്ങളോ ഉത്തരങ്ങളോ ഇല്ലാതെ ഉള്ള കരച്ചിൽ….. ഒപ്പം ഞാനും….. ഒന്നും സംസാരിക്കാൻ നാവു പൊങ്ങുന്നുണ്ടായിരുന്നില്ല……
പെട്ടെന്ന് എന്റെ ഫോൺ ബെല്ലടിച്ചു….. ദാസേട്ടനാണ്
ഞാൻ : ഹലോ ദാസേട്ടാ
ദാസേട്ടൻ : ആഹ് അഖി… ഇറങ്ങിയോ…
ഞാൻ : ഇല്ല ഇറങ്ങാൻ നിക്കുന്നു
ദാസേട്ടൻ : ആഹ് ഓക്കേ…. അവൾ ആദ്യമായാണ് ഫ്ലൈറ്റിൽ
ഞാൻ : അതൊന്നും പേടിക്കാനില്ല…. ഉച്ചയോടെ നാട്ടിൽ എത്തും
ദാസേട്ട : മോനെ…. നന്നിയുണ്ട്….. ഒരുപാട്….. നീയില്ലായിരുന്നെങ്കിൽ…
ഞാൻ ലൗഡ്സ്പീക്കറിൽ ആണിട്ടിരുന്നത്… സീമയും കേൾക്കുന്നുണ്ടായിരുന്നു…
ഞാൻ : അയ്യോ അതിന്റെ ആവശ്യമുണ്ടോ നമ്മൾ തമ്മിൽ
ദാസേട്ടൻ : എന്നാലും…. നീയുള്ള ധൈര്യത്തിലാണ് ഞാൻ അവളെ വിട്ടത്… നീ നന്നായി നോക്കുമെന്നും അറിയാം… പിന്നെ അവൾ അവിടെ വന്നിട്ട് നിനക്ക് ബുദ്ധിമുട്ടായില്ല എന്നു കരുതുന്നു
