അതിന്റെ ഇടയിലേയ്ക്ക് സ്വാതി ഓടി വന്നു….
സ്വാതി: “അയ്യോ!.. ഏട്ടനെ ഒന്നും ചെയ്യല്ലേ!!..”
എന്ന് അവൾ പറഞ്ഞ് തീരും മുൻപേക്കും അബദ്ധത്തിൽ സലീമിന്റെ ആ കൂർത്ത മുനയുള്ള കഠാര സ്വാതിയുടെ നെഞ്ചിലേക്ക് ആഴ്ന്നിറങ്ങിയിരുന്നു… ഒരു നിമിഷം അവിടെയുള്ള എല്ലാവരും പതറി നിന്നു പോയി…
സ്വാതി ഒരു ഞെട്ടലോടെ പുറകിലേക്ക് മറിഞ്ഞു വീണതും ജയരാജ് പാതി മയക്കത്തോടെ അത് കണ്ട് സലീമിന്റെ നേർക്ക് ആക്രമിക്കാനായി വീണ്ടും എഴുന്നേൽക്കാൻ തുടങ്ങിയതും, സലീം പിന്നൊന്നുമാലോചിക്കാതെ ആ കത്തി എടുത്ത് വേഗത്തിൽ ഒരിക്കൽ കൂടി ആഞ്ഞ് വീശി ജയരാജിന്റെ കഴുത്തിൽ വെട്ടി മുറിച്ചു!….
അയാളും ഒരു പിടയലോടെ സ്വാതിയുടെ മേലേക്ക് മറിഞ്ഞു വീണു… രക്തത്തിൽ കുളിച്ചു കിടന്ന അവരെ രണ്ട് പേരെയും സലീം ഒരു വട്ടം കൂടി നോക്കിയ ശേഷം, അവൻ ജയരാജിന്റെ നെഞ്ചിലേക്ക് ആ കത്തി വീണ്ടും വീണ്ടും കുത്തിക്കയറ്റി ഇറക്കി.. അയാളുടെ മരണം ഉറപ്പു വരുത്തി…..
സോണിയമോൾ ഒച്ച കേട്ടുകൊണ്ട് പുറത്തേക്കു ഓടി വന്നു… അൻഷുൽ അവരെ നിറകണ്ണുകളോടെ നോക്കി ഇരുന്നു……
തുടരുമോ….?
നിങ്ങളുടെ സ്വന്തം,
ടോണി & രമേഷ് ബാബു ✍
Stay Safe.. Enjoy the Stories…
