അതിനു ശേഷം സലിം അവളുടെ മുഖത്തു നോക്കാൻ നിൽക്കാതെ വേഗം സോണിയമോളെയും കൂട്ടി സ്കൂളിലേക്ക് പോയി.. സ്വാതി തന്റെ ജോലികളിലേക്കും…
ജയരാജിന് MLA സ്ഥാനം നഷ്ടമാകുന്നു…
ജയരാജ് മന്ത്രിയുടെ ഓഫീസിൽ ചെന്ന്
മന്ത്രിയുമായി വലിയ തർക്കം ഉണ്ടാക്കുന്നു.. അയാളുടെ കൂടെ സലീമും രമേഷും ഉണ്ടായിരുന്നു..
അന്നു വൈകിട്ട് വളരെ വിഷമത്തോടെ വീട്ടിൽ തിരിച്ചു വന്ന ജയരാജ് സോഫയിൽ വന്ന് ഇരുന്നു.. സലീമും, രമേഷും പിന്നെ ജയരാജിന്റെ ശങ്കിടികൾ എല്ലാവരും കൂട്ടമായി ഇരുന്ന് ആ മന്ത്രിയെ എങ്ങനെ വക വരുത്താം എന്ന് അവിടെയിരുന്ന് ആലോചിക്കാൻ തുടങ്ങി..
രമേഷ്: “അണ്ണാ! അയാളെ അങ്ങനെ വിട്ടാൽ പറ്റില്ല.. ഇത്രയും നാൾ അയാൾക്ക് വേണ്ടി മുദാവാക്യം വിളിക്കാനും, പോസ്റ്റർ ഒട്ടിക്കാനും, അങ്ങേർക്ക് എതിരായി പ്രവർത്തിച്ച എല്ലാണ്ണത്തിനെയും വകവരുത്താനും, അണ്ണനെ അയാൾ ശരിക്കും ഉപയോഗിക്കുക ആയിരുന്നു.. ഇപ്പോൾ അയാൾ എവിടെ നിന്നോ വന്ന ആ സിനിമാ കോമഡി നടന് വേണ്ടി സീറ്റ് കൊടുക്കാൻ തീരുമാനിച്ചില്ലേ!.. കൊല്ലണ്ടേ ആ നായിന്റെ മോനെ അപ്പോ??..”
സലീം: “അതേ അണ്ണാ.. എല്ലാത്തിനെയും ഇന്ന് ഇരുട്ടി വെളുക്കുന്നതിന് മുൻപ് തന്നെ കൂട്ടത്തോടെ യമപുരിയ്ക്ക് അയക്കണം..”
ജയരാജ്: “ഏയ്.. നിങ്ങൾ എടുത്തുചാടി ഒന്നും ചെയ്യണ്ടടാ.. സമയം വരുമ്പോൾ ഞാൻ പറയാം..”
രമേഷ്: “ഉം ശരി അണ്ണാ.. അണ്ണൻ ഒരു വാക്ക് പറഞ്ഞാൽ മതി, അയാളെ നമ്മുക്ക് വരച്ച വരയിൽ നിർത്താം..”
ജയരാജ്: “ഉം.. സമയമാവട്ടെ..”
അപ്പോഴേയ്ക്കും സ്വാതി എല്ലാവർക്കും ചായയുമായി വന്നു.. ചായ വാങ്ങി കുടിച്ചുകൊണ്ട് ജയരാജ് പറഞ്ഞു..
ജയരാജ്: “ആ സ്വാതി, ഞാനാ ഡോക്റെ കണ്ടിരുന്നു.. അദ്ദേഹം നാളെ അൻഷുലിനെ ചെക്ക് അപ് ചെയ്യാൻ വരുന്നുണ്ട് എന്ന് അറിയിച്ചിട്ടുണ്ട്..”
സ്വാതി: “അതെയോ.. ശരി ഏട്ടാ..”
എല്ലാവരും ചായ കുടിച്ച ശേഷം യാത്ര പറഞ്ഞു പോയി..
പിറ്റേ ദിവസം രാവിലെ…
