ആനി പറഞ്ഞതും എമിലിയൊന്നാശ്വസിച്ചു .
”അപ്പോപ്പിന്നെ എന്നാ ചെയ്യും ആന്റീ “”
അന്നാമ്മ പ്രതീക്ഷ കൈവെട്ടവളെ പോലെ ആനിയെ നോക്കി .
“‘ നീ ക്യാനഡക്ക് പോണം . ഞാനും ഇവനും ചേച്ചിയും കൂടെ നാളെ രാത്രി ആരും അറിയാതെ ബാംഗ്ലൂർക്ക് പോകും . അല്ലാതെ യാതൊരു നിവൃത്തിയുമില്ല ഞാൻ നോക്കിയിട്ട് ”” ആനി മൂവരെയും മാറി മാറി നോക്കി .
“‘ഇല്ല ..ഞാൻ വരത്തില്ല .. ഡാഡിയെ അടക്കിയമണ്ണ് വിട്ട് ഞാനെങ്ങോട്ടും വരത്തില്ല “”
എമിലി പൊട്ടിക്കരഞ്ഞു
“‘ മമ്മീ ..എന്നതാ ഇത് ..കരയാതെ … നമ്മളെങ്ങോട്ടും പോകുന്നില്ല . അങ്ങനെ പോയാലും കാര്യമില്ലലോ . ബാംഗ്ലൂരും ആളുകൾ അന്വേഷിച്ചു വരും . ആദ്യം ബില്ല് മാറുന്ന കാര്യം നോക്കാം ആന്റീ …”” കറിയാച്ചൻ എണീറ്റ് എമിലിയുടെ അടുത്തുവന്നിരുന്നാശ്വസിപ്പിച്ചു .
“‘ആന്റീ … കഴിക്കാൻ എടുക്ക് .അന്നാമ്മേ ..നീയും ചെല്ല് അടുക്കളയിലേക്ക് …”‘
കറിയാച്ചൻ പറഞ്ഞപ്പോൾ അന്നാമ്മ അടുക്കളയിലേക്ക് നടന്നു .
“‘ അത് നോക്കുന്നുണ്ടെടാ കറിയാച്ചാ ..ആ ജോൺ സാറിനു തിരക്കായിരുന്നു ഞാൻ ചെന്നപ്പോ . നാളെ അയാളുടെ വീട്ടിലേക്ക് ചെല്ലാൻ പറഞ്ഞിട്ടുണ്ട് . അയാളെന്താ പറയുന്നെന്ന് നോക്കാം . തത്കാലം ബില്ല് മാറിക്കിട്ടുന്ന വരെയൊന്ന് മാറി നിക്കാമെന്നേ ഞാനും ഉദ്ദേശിച്ചുള്ളൂ ”’
ആനി പറഞ്ഞപ്പോൾ എമിലി എന്തോ പറയാനായി വാ പൊളിച്ചെങ്കിലും മകന്റെ സാന്നിധ്യം കൊണ്ട് മിണ്ടിയില്ല
…………………………..
കണാരൻ വരുമ്പോൾ ജോൺ ടൈംസ് ഓഫ് ഇന്ത്യയുടെ പേജുകളിലായിരുന്നു.
“അവിടെ നിക്കെടോ!”‘
സിറ്റൗട്ടിലേക്ക് കയറാൻ തുടങ്ങിയ കണാരനെ അയാൾ വിലക്കി.കണാരനാകട്ടെ ഒന്നും മനസ്സിലാകാതെ ജോണിനെ നോക്കി.
“അല്ല,ജോൺ സാറേ ഞാനൊരു കാര്യം പറയാൻ…”
“എന്നാകാര്യവാ?”
ജോൺ ഇരിപ്പിടത്തിൽ നിന്നും എഴുന്നേറ്റു.
“താൻ എന്നാ കാര്യം പളയാനാ രാവിലെ തന്നെ എഴുന്നള്ളീത്..?”
“എന്നാ ജോൺ സാറേ,രാവിലെ തന്നെ ഇത്ര കലിപ്പ്..എന്നാ പറ്റി?”
കാര്യമറിയാതെ കണാരൻ കണ്ണ് മിഴിച്ചു.
“ഒരൊറ്റ വീക്ക് ഞാനങ്ങ് വെച്ച് തരും പറഞ്ഞേക്കാം!”
കണാരന്റെ നേരെ കൈയുയർത്തി ജോൺ പറഞ്ഞു.
കണാരൻ ഒരു ചുവട് പിന്നോട്ട് വെച്ച് ജോണിനെ പേടിച്ചു നോക്കി.
“ശെടാ! ഇതെന്നാ കൂത്താന്നെ? എന്നാ പറ്റിയെന്ന് പറ …എന്റെ ജോൺ സാറേ …ഓഹ് …”” പെട്ടെന്ന് കാര്യം മനസ്സിലായത് പോലെ കണാരൻ ജോണിനെ നോക്കി.
“സാറാ …എമിലീടെ കാര്യത്തിനാണോ ഇത്ര ചൂടിൽ?”
