പല സ്ഥലങ്ങളുടെ പെയിന്റിങ്ങുകൾ പ്രിന്റ് ചെയ്ത കർട്ടനുകൾ ഒന്നിന് പുറകിലൊന്നായി വിരിച്ചിട്ടിരിക്കുന്നത് ആനി നോക്കി . അത്യാവശ്യം നല്ലൊരു സ്റ്റുഡിയോ ആയിരുന്നു അത് . അവിടെ നിന്നുള്ള വാതിൽ തുറന്നപ്പോൾ റൂമിൽ മേക്കപ്പ് സാധനങ്ങളൂം അതിനുമുന്നിൽ വലിയ കണ്ണാടിയും , ആ മുറിയിൽ നിന്ന് കയറാൻ പറ്റുന്നപോലെ ഒരു ചെറിയ ബാത്റൂമും ഉണ്ടായിരുന്നു .അതീയിടെ കൂട്ടി പിടിച്ചതായി ആനിക്ക് തോന്നി . ആനി വീണ്ടും ഹാളിൽ എത്തി , കർട്ടനു പിന്നിൽ താൻ കണ്ട വാതിൽ തുറന്നു . അതൊരു മുറിയിലേക്കാണ് തുറന്നത് . അവിടെ കുറെ കാലിയായ കാർഡ്ബോർഡ് ബോക്സുകളാണ് ഉണ്ടായിരുന്നത് . ആത് അടുക്കി വിരിച്ചിട്ട് , ഒരു പില്ലോയും കണ്ടപ്പോൾ കറിയാച്ചൻ അവിടെ വിശ്രമിക്കുന്നതാണ് എന്നവൾക്ക് തോന്നി . ആ മുറിക്ക് പുറകിലായി ചെറിയൊരു കിച്ചനും അതിനോട് ചേർന്ന് ഒരു ബാത്റൂമും ഉണ്ടായിരുന്നു . കിച്ചൻ ഒന്ന് നന്നാക്കിയെടുത്താൽ ഇപ്പോൾ താമസിക്കുന്ന വീട് വിൽക്കേണ്ടി വന്നാലും ഇവിടെ താമസിക്കാമല്ലോയെന്നവൾ ചിന്തിച്ചു .
“‘ആന്റീ ….ആനിയാന്റീ ..”” കറിയാച്ചന്റെ വിളികേട്ടവൾ തിരികെ ഹാളിലെത്തിയപ്പോൾ അവനും അവിടെയെത്തിയിരുന്നു .
“”‘കൊള്ളാമല്ലോടാകൊച്ചേ നിന്റെ സ്റ്റുഡിയോ . വെഞ്ചരിപ്പ് കഴിഞ്ഞോടിയതാ ഞാൻ ബാംഗ്ലൂർക്ക് . ഇവിടെ നമുക്ക് വേണേൽ താമസിക്കുകയും ചെയ്യാമല്ലോ “”
“‘ അതെ .. കുറച്ചു ദിവസം താമസിക്കാനുള്ള സൗകര്യമൊക്കെയുണ്ട് . ആന്റിയെന്താ ഉദ്ദേശിക്കുന്നെ . മുകളിലെ വീട് വിൽക്കാമെന്നാണോ പ്ലാൻ ? ”” കറിയാച്ചന് അവളെ നോക്കി .
“‘ഹേ …അതൊക്കെ ലാസ്റ്റ് നിമിഷം . നമുക്കൊന്ന് പൊരുതി നോക്കാടാ കറിയാപ്പി .. ആട്ടെ നിന്റെ ക്ലയന്റ് ചീത്ത പറഞ്ഞോ ?”’
” ങേ ..അതോ ..ഹേയ് ഇല്ലില്ല …അതവര് ഫേസ്ബുക്കിലിട്ട ഫോട്ടോസാ . അവരും കണ്ടിരുന്നെന്ന് . അവർക്ക് പരാതിയൊന്നുമില്ല . സംസാരത്തിൽ നിന്ന് ഹാപ്പിയാണെന്നു തോന്നി .””
“‘ ശെരിയാടാ ..അതൊന്നും ഇപ്പഴത്തെ കാലത്ത് വിദേശരാജ്യങ്ങളിൽ അത്ര ഹോട്ട് ഒന്നുമല്ല . ബാംഗ്ലൂര് പോലും ഇതിലും ഹോട് ഡ്രസ്സ് ഇട്ട് നടക്കുന്നു . ഇതുപക്ഷേ ഇവിടെയായത് കൊണ്ടാ .”” ആനി കംപ്യൂട്ടറിന്റെ മുന്നിലെ ചെയറിലിരുന്നു .
“‘കാണിച്ചേ ആ ഫോട്ടോസ് “”
“‘ആന്റീ ..അത് “‘ കറിയാച്ചൻ ഒന്ന് പരുങ്ങി .
“‘ കാണിക്കടാ …ഏതായാലും അതിന്റെ രണ്ടുമൂന്ന് ഫോട്ടോസ് ഞാൻ കണ്ടു . “”
ആനി പറഞ്ഞപ്പോൾ കറിയാച്ചന് മോണിറ്റർ ഓണാക്കി .
“‘ ഇതെവിടാടാ സ്ഥലം … സൂപ്പറായിട്ടുണ്ടല്ലോ …”‘
“‘ ഇത് ഇവിടുന്ന് പത്തു പതിനഞ്ചു കിലോമീറ്റർ പോകുമ്പോൾ ഒരു വെള്ളച്ചാട്ടം ഉണ്ട് ആന്റീ .അവിടെയാ . ഇതൊക്കെ നമ്മുടെ സ്റുഡിയോയാ . “”’ കറിയാച്ചൻ ഓരോന്നും കാണിച്ചു പറഞ്ഞുകൊടുത്തു .
“”‘ ഇതിൽ ബാംഗ്ളൂരിലൊക്കെയുള്ള സാധാരണ വേഷമല്ലേ ഉള്ളൂ ..നീ പഠിച്ചിടത്തും ഇതൊക്കെ സർവ്വസാധാരണമല്ലേ ..പിന്നെന്താ ?”
“‘അതല്ല ..അത് വേറെയുണ്ട് “‘
Comments are closed.