തൃഷ്ണ
Thrishna
”’ എവിടെ കറങ്ങി നടക്കുവായിരുന്നെടാ ഇത് ”’
മുറ്റത്തേക്ക് ബൈക്ക് കയറ്റി നിർത്തിയതേ വാതിൽ തുറന്ന് പുറത്തേക്ക് വന്ന കാവേരി ചോദിച്ചതും മഹേഷ് അന്തം വിട്ടവ നോക്കി നിന്നു .
” എന്താടാ ഇത് ? ..നീയിങ്ങനെ ആദ്യം കാണുന്നതുപോലെ നോക്കി നിക്കാതെ അകത്തേക്ക് വാ ” കാവേരി വന്നവന്റെ കൈ പിടിച്ചു .
” ചേച്ചിയെപ്പോ വന്നു ? ” അവൻ സന്തോഷം കൊണ്ട് അവളെ കെട്ടിപ്പിടിച്ചു വട്ടം കറക്കിക്കൊണ്ട് ചോദിച്ചു …
” ഹഹഹ …. വിടടാ ..എടാ വിടടാ മഹി … നടുവൊടിയുമേ ” അവന്റെ കൈകളിൽ കിടന്ന് പിടഞ്ഞുകൊണ്ട് കാവേരി പൊട്ടിച്ചിരിച്ചു
” പിന്നെ നടു ഒടിയുന്നൊരു സാധനം … അഞ്ചുവർഷം മുമ്പത്തെപ്പോലെ തന്നെ ചേച്ചിയിപ്പോഴും .. ഒരു മാറ്റോമില്ല ” മഹേഷ് അവളെ നിലത്തു നിർത്തിയിട്ട് തലമുടിയിലൂടെ വിരലോടിച്ചു പറഞ്ഞു .
” നീ പക്ഷെ വല്ലാണ്ട് മാറി … താടിയും മീശയുമൊക്കെ വന്നു ” കാവേരി അവന്റെ കുറ്റിത്താടിയിലൂടെ വിരലോടിച്ചിട്ട് നിറുകയിൽ ചുംബിച്ചു .
” എത്രവർഷം കൊണ്ട് വരുന്നതാടാ ..എന്നിട്ടിങ്ങനെ ഊരുചുറ്റലാണോ പണി . ”
” ഓഹ് … തന്നെയിരുന്ന് ബോറടിച്ചു ചേച്ചി .അമ്മയാണേൽ തൊഴിലുറപ്പെന്നും അയൽകൂട്ടമെന്നും പറഞ്ഞു പോയാൽ ഏത് സമയത്താണോ വരുന്നതെന്ന് അറിയില്ല ”
ഇരുവരും കൂടെ ഹാളിലെ സോഫയിൽ ഇരുന്ന് സംസാരിക്കാൻ തുടങ്ങി . അപ്പോഴും കോർത്തിണക്കിയ കൈകൾ വിട്ടിരുന്നില്ല .അത്രയധികം ഗാഢമായ അടുപ്പമായിരുന്നു ചേച്ചിയും അനിയനും അവരുടെ അമ്മയും തമ്മിൽ .
” അമ്മയെ ചേച്ചി കണ്ടില്ലേ ? ഇന്ന് തൊഴിലുറപ്പ് ഇല്ലാരുന്നല്ലോ ?”
” ഞാൻ വന്നിട്ടാടാ പോയെ ..മൂന്നുമണിക്ക് അയൽക്കൂട്ടത്തിന്റെ കൂട്ടായ്മ ഉണ്ടെന്ന് ”
” ഹമ് … ഇനിയെങ്കിലും അടങ്ങിയിരിക്കാൻ പറഞ്ഞാൽ കേൾക്കില്ല . ഇപ്പൊ തൊഴിലുറപ്പിനൊക്കെ പോകണ്ട വല്യ കാര്യവുമുണ്ടോ ?”
