പപ്പയ്ക്ക് അത്യവശ്യമായി ഒരു മിറ്റിംഗ് വന്നു. കുറച്ച് കഴിഞ്ഞു വരും… പിന്നെ ചിന്നുവിന്‍റെ അമ്മയ്ക്കെന്തോ അസുഖമാണെന്ന് പപ്പ പറഞ്ഞു. ഇപ്പോ എങ്ങനെയുണ്ട്…..
അമ്മയ്ക്ക് ഇപ്പോ കുഴപ്പമൊന്നുമില്ല…. സുഖമായിരിക്കുന്നു…. ചിന്നു മറുപടി നല്‍കി…
ഹാ…. ഗുഡ്…. പിന്നെ ഗ്രിഷ്മയ്ക്ക് കുടിക്കാനെന്താ വേണ്ടത്….. നീതു ചോദിച്ചു….
ഒന്നും വേണ്ട മേഡം…. ചിന്നു ചിരിയോടെ അത് നിരസിച്ചു….
മാഡം….. വാതിലില്‍ നിന്ന് ഒരു സ്ത്രി ശബ്ദം വന്നു… ചിന്നുവും നീതുവും അങ്ങോട്ട് നോക്കി.
പ്രിയയാണ്….
എന്താ പ്രിയ…. നീതു ചോദിച്ചു….
ഗ്രിഷ്മ മാഡം കൊണ്ടു വന്ന ഇന്‍റര്‍വ്യൂവിനുള്ള ആള്‍ എത്തിയിട്ടുണ്ട്…. എന്ത് ചെയ്യണം മാഡം….
ഓ…. കയറി വരാന്‍ പറയു…. പപ്പ എന്നോട് പറഞ്ഞിരുന്നു…. നീതു പ്രിയയോടായി പറഞ്ഞു.
ശരി മാഡം…. പ്രിയ മറുപടി നല്‍കി തിരിച്ചുപോയി….
എന്നാല്‍ മാഡം ഞാനങ്ങോട്ട് മാറി തരാം…. ഇന്‍റര്‍വ്യൂ കഴിഞ്ഞിട്ട് വരാം…. ചിന്നു നീതുവിനോടായി പറഞ്ഞു…..
ഹേയ് അത് വേണ്ട…. താന്‍ കൊണ്ടുവന്ന ആളല്ലേ…. അപ്പോ പിന്നെ തനിക്ക് അറിയണ്ടേ അയളുടെ ക്വളിഫിക്കേഷന്‍സ്….. നീതു ചോദിച്ചു….
മാഡം എന്നാലും അത്…..
ഒരെന്നാലും ഇല്ല…. ഗ്രിഷ്മ ഇപ്പോ എന്‍റെ പപ്പയുടെ ഗസ്റ്റാണ്…. അപ്പോ എനിക്ക് ഇറക്കി വിടാന്‍ പറ്റില്ല…. നീതു ഒരു ചിരിയോടെ പറഞ്ഞു…. ചിന്നു തിരിച്ചും ഒരു ചിരി നല്‍കി….
അപ്പോഴെക്കും ഡോര്‍ തുറക്കുന്ന ശബ്ദം അവിടെ കേട്ടു. രണ്ടുപേരും വീണ്ടും അങ്ങോട്ട് ശ്രദ്ധിച്ചു. ഡോര്‍ തുറന്ന് ഫയലുമായി വരുന്ന കണ്ണനോട് ചിന്നു ചിരിച്ച് കാണിച്ചു. എന്നാല്‍ കണ്ണന്‍റെ മുഖത്ത് ടെന്‍ഷനായിരുന്നു. മുഖം എന്തോ പേടിക്കുന്നത് പോലെ അവള്‍ക്ക് തോന്നി. ചിന്നു നീതുവിനെ നോക്കി. വൈഷ്ണവിനെ കണ്ട് ചിരിച്ചുകൊണ്ടിരുന്ന നീതുവിന്‍റെ മുഖം കറുത്തിരിളുന്നത് ചിന്നു കണ്ടു.
ഇവനാണോ താന്‍ കൊണ്ടുവന്ന ആള്‍…. നീതു അല്‍പം അമര്‍ഷത്തോടെ ചിന്നുവിനോടായി ചോദിച്ചു….
ചിന്നുവിന്‍റെ മുഖത്തെ ചിരിയും മാഞ്ഞിരുന്നു. അവള്‍ അതെ എന്ന അര്‍ത്ഥത്തില്‍ തല കുലുക്കി…. വൈഷ്ണവ് അപ്പോഴെക്കും ചിന്നുവിനടുത്തുള്ള ചെയറിനടുത്തെത്തിയിരുന്നു. തല താഴ്ത്തിയാണ് കണ്ണന് അവിടെ നിന്നിരുന്നത്….
ഹും…. വന്നയാളെ നിര്‍ത്തി ബുദ്ധിമുട്ടിക്കുന്ന ശീലം ഞങ്ങളുടെ കമ്പനിയ്ക്കില്ല. അതുകൊണ്ട് ഇരിക്ക്…. നീതു കണ്ണന് മുന്നിലുള്ള ചെയര്‍ ചൂണ്ടി അല്‍പം ദേഷ്യഭാവത്തോടെ പറഞ്ഞു. കണ്ണന് അതുപോലെ അനുസരിച്ചു. നീതു ചിന്നുവിന് നേരെ തിരിഞ്ഞു….
നിനക്ക് നാണമില്ലേ ഗ്രിഷ്മേ….. ഇവന്‍റെ കുടെ നടക്കാന്‍…..
എനിക്ക് മാഡം ഉദ്ദേശിച്ചത് മനസിലായില്ല…. ഇത്രയും നേരം സംശയത്തോടെ നിന്ന ചിന്നു നീതുവിനോട് ചോദിച്ചു….
ലുക്ക് ഗ്രിഷ്മ…. ഇവന്‍ മുന്‍പും ഇവിടെ ഇന്‍റര്‍വ്യൂന് വന്നിട്ടുണ്ട്…. ഇവന്‍റെ പഴയ കഥകള്‍ അറിയാവുന്നത് കൊണ്ട് അന്നേ ഞാന്‍ പപ്പയോട് പറഞ്ഞ് ഇവനെ ഒഴുവാക്കിയതാണ്….. നീതു ചിന്നുവിനോട് പറഞ്ഞു….
