പ്രകൃതി മനോഹരമാണ് രാജി , പ്രകൃതിയും ശക്തിയും ചേര്‍ന്നാണ് പുതുലോകം സൃഷ്ടിക്കുന്നത്. അതാണ്‌ ജീവിതത്തിലെ യാഥാര്‍ത്ഥ്യം. അതൊക്കെ മോള്‍ക്ക് കുറച്ചു കാലം കൂടി കഴിയുമ്പോള്‍ മനസിലാവും. അന്ന് ശക്തി കൂടെ വേണം എന്ന് മോള്‍ക്ക് ആഗ്രഹം തോന്നുമ്പോള്‍ ജീവിതം കൂടുതല്‍ ശോഭയേകും.
ഇത്രയും തന്റെ നാവില്‍ നിന്നും വീണ ഉടന്‍ തന്നെ അടുത്ത ചോദ്യം രാജിയില്‍ നിന്നും വന്നു.. എന്താ ടീച്ചര്‍ ഈ ശക്തി ?
അതൊക്കെ പിന്നെ പറഞ്ഞു തരാം , ഇപ്പോള്‍ തന്നെ എല്ലാം അറിഞ്ഞാല്‍ നീ ശക്തിയെ ഇപ്പോള്‍ തന്നെ തേടി പോകുമല്ലോ അതൊന്നും വേണ്ടട്ടോ.
എന്നാലും പറ ടീച്ചറെ..
വെറുതെ ഇരി രാജി , അതൊന്നും ഇപ്പോള്‍ അറിയേണ്ട അയ്യെടാ പെണ്ണിന് അറിയാതെ വയ്യേ ?
പെട്ടെന്ന് , രാജിയുടെ മുഖം വാടി, സോറി ടീച്ചര്‍ ഞാന്‍ കൂടുതല്‍ സ്വതന്ത്ര്യം എടുത്തു അല്ലെ ? ഇനി അങ്ങനെ ഒന്നും ഉണ്ടാവില്ല
അയ്യേ , ഇതെന്താ കൊച്ചു കുട്ടികളെ പോലെ , പറഞ്ഞു തരില്ല എന്നല്ല പറഞ്ഞത് പിന്നെ പറഞ്ഞു തരാം . ഇപ്പോള്‍ കഥ പറഞ്ഞിരുന്നാല്‍ രാത്രി ഭക്ഷണം കഴിക്കാന്‍ ഒന്നുമുണ്ടാവില്ല. ഞാന്‍ അടുക്കളയിലേക്ക് പോവട്ടെ . നീ ചെന്ന് പ്രാര്‍ത്ഥിച്ച് പഠിക്കാന്‍ നോക്കിക്കേ . ഇനി നീ ക്ലാസ്സില്‍ മിടുക്കിയായി ഇരുന്നില്ല എങ്കില്‍ എന്നെ എല്ലാവരും കുറ്റം പറഞ്ഞു കളിയാക്കും . അത് വേണോ ?
വേണ്ട ടീച്ചര്‍ .. രാജി തന്റെ പാവാട നേരെയാക്കി എഴുന്നേറ്റ് പതിയെ റൂമിലേക്ക് പോകാന്‍ നടന്നു .
പത്മിനി അവള്‍ നടന്നു നീങ്ങുന്നത് നോക്കി … പതിയെ എഴുന്നേറ്റ് പുറകെ നടന്നു.
സമയം 8 മണി .. ഹാളിലെ ക്ലോക്ക് കിളി ചിലച്ചു , അതിന് പിന്നാലെ രാജി ഭക്ഷണം കഴിക്കാന്‍ വാ… എന്ന പത്മിനിയുടെ വിളിയും രാജിയുടെ കാതുകളില്‍ പതിച്ചു. താന്‍ വായിച്ച് കൊണ്ടിരുന്ന ബുക്ക് മടക്കി വെച്ച് അടുക്കളയ്ക്ക് അടുത്തുള്ള തീന്‍ മേശയില്‍ ചെന്നിരുന്നു. പത്മിനി നല്ല ചൂടുള്ള ചപ്പാത്തിയും , കിഴങ്ങ് കറിയും കൊണ്ടുവന്ന് വെച്ചു. രാജിയുടെ മുന്നിലേക്ക് പ്ലേറ്റ് നീക്കി വെച്ച് ചപ്പാത്തിയും കറിയും ഇട്ടുകൊടുത്തു.
മ്മ്മ്ഹ..കഴിക്ക് … ചൂട് പോകുന്നതിനു മുന്‍പേ പത്മിനി അടുത്തുള്ള കസേരയില്‍ ഇരുന്നു.
