ലിസയ്ക്ക്. ഇപ്പോൾ റിട്ടയർമെന്റ് പ്രായം 90 ആണ്. 68 വയസ്സുണ്ടെങ്കിലും ശരീരം ചുളിവ് വീണിട്ടില്ല. കൃത്യമായ ഭക്ഷണം അതുപോലെ ശരീര പരിപാലനം ഒക്കെ കൊണ്ട് മനുഷ്യന്റെ യൗവ്വനം വർധിച്ചു. ഇന്നത്തെ ഒരു 35 കാരിയെ പോലെയേ ലിസയെ തോന്നു.
ദിയ : ” വൗ കിടിലൻ ഡ്രസ്സ്‌ ആണല്ലോ മാം. സെക്സി ആയിട്ടുണ്ട് ”
ലിസ : ” താങ്ക്യൂ എല്ലാവരും ഇരിക്ക്. എന്നിട്ട് ടാബുകൾ എടുക്കു ”
ടെക്സ്റ്റ്ബുക് ഒന്നും ഇല്ല. പേപ്പർ എഴുതാൻ ഉപയോഗിക്കുന്നത് തന്നെ നിർത്തി. ഇപ്പോ എല്ലാം ടാബുകൾ മിനി കമ്പ്യൂട്ടർ ഒക്കെ ആണ്.
ലിസ അവളുടെ ടാബ് തുറന്നു. അതിൽ നിന്നും ഒരു സ്ക്രീൻ പുറത്തേക്ക് പ്രൊജക്റ്റ്‌ ചെയ്തു വായുവിൽ നിന്നു. അതിൽ ഇന്ന് പഠിക്കാൻ ഉള്ള പടഭാഗങ്ങൾ ഉണ്ട്.
ലിസ : ” 2000 തിന് ശേഷം ഉള്ള കാലഘട്ടത്തിൽ ഉള്ള ചരിത്രം ഇന്ന് പഠിക്കാം ”
കുട്ടികൾ : ” യെസ് മാം ”
ലിസ : ” 2000 കാലഘട്ടം ഒക്കെ ആയപ്പോളേക്കും USA ലോകത്തിലെ ഏറ്റവും വലിയ ശക്തി ആയി. എന്നാൽ വൈകാതെ ചൈന അവരെ മറികടന്നു. ലോകം IT വിപ്ലവത്തിന് സാക്ഷ്യം വഹിക്കുകയായിരുന്നു. എന്നാലും ജനാധിപത്യവും സമത്വവും ഇല്ലാതിരുന്ന ചൈനയെ യൂറോപ്യൻ രാജ്യങ്ങൾ മറികടന്നു. പക്ഷെ ഈ കാലയളവിൽ മനുഷ്യന് ഏറ്റവും സന്തോഷം ഉണ്ടായിരുന്നത് സ്കാൻഡിനെവിയൻ രാജ്യങ്ങളിൽ ആണ്. ”
ജെനി : ” അത് എന്തുകൊണ്ടാണ് മാം ”
ലിസ : ” 500 വർഷം ഇപ്പുറത്തിരുന്നു സംസാരിക്കുമ്പോൾ നിങ്ങൾ വിശ്വസിക്കാത്ത രീതിയിൽ ആയിരുന്നു അന്ന് ലോകം ”
ജെനി : ” എന്താണെന്ന് പറയൂ മാം ഇന്ട്രെസ്റ്റ് ആവുന്നു ”
ലിസ : “അന്ന് മനുഷ്യർ തമ്മിൽ സ്നേഹം ഇല്ലായിരുന്നു. ”
എല്ലാവരും : ” ങേ ”
ലിസ : ” അതെ. ജാതിയുടെയും ലിംഗത്തിന്റെയും അടിസ്ഥാനത്തിൽ മനുഷ്യരെ വേർതിരിച്ചു കാണുന്നതായിരുന്നു അന്നത്തെ കാലഘട്ടം ”
അലോഷി : ” മനുഷ്യരെ വേർതിരിക്കാനോ. അതെങ്ങനെയാ മാം. നമ്മൾ എല്ലാവരും ഹോമോ സാപ്പിയൻസ് അല്ലെ ”
ലിസ : ” അലോഷി. താൻ ഇന്നത്തെ ചുറ്റുപാട് മാത്രം കണ്ടു വളർന്നത് കൊണ്ട് തനിക്ക് അത് പെട്ടെന്നു മസസ്സിലാവില്ല. ഞാൻ വിശദമായി പറയാം. ”
ലിസ : ” ഏറ്റവും കൂടുതൽ വേർതിരിവ് ഉണ്ടായിരുന്നത് നിറത്തിന്റെ പേരിൽ ആയിരുന്നു. കറുത്തവർ മോശവും വെളുത്തവർ ശ്രേഷ്ഠരും ആണെന്നാണ് അന്ന് വിശ്വസിച്ചിരുന്നത്. അല്ലെങ്കിൽ അങ്ങനെ കരുതുന്ന ആളുകൾ നിറയെ ഉണ്ടായിരുന്നു. അതിനെ ചരിത്രത്തിൽ നമ്മൾ റേസിസം എന്ന് വിളിക്കും ”
ദിയ : ” അയ്യേ എന്തൊരു വൃത്തികെട്ട ആൾക്കാർ. നിറത്തിന്റെ പേരിൽ വേർതിരിവോ. ആലോചിക്കുമ്പോൾ തന്നെ പുച്ഛം തോന്നുന്നു. ”
ലിസ : ” അതെ ഇപ്പൊ നമ്മൾ അതൊക്കെ ഇല്ലാതാക്കി. ”
ദിയ : ” എന്റെ ഒരു മമ്മി വെളുത്തതും ഒരു മമ്മി കറുത്തതും ആണ് മിസ്. പക്ഷെ യാതൊരു വേർതിരിവും ഞാൻ കണ്ടിട്ടില്ല. ”
ലിസ : ” അത് കാലം മാറിയപ്പോൾ നിറത്തിൽ ഒന്നും വലിയ കാര്യം ഇല്ലെന്ന് തിരിച്ചറിഞ്ഞു. അതുകൊണ്ട് നമ്മൾ റേസിസം ഇല്ലാതാക്കി ”
