ലിസ : ” അന്നൊക്കെ സ്ത്രീകൾക്കും പുരുഷന്മാർക്കും വേറെ വേറെ ബാത്രൂം ആയിരുന്നു. ”
ആലോഷി : ” അതെന്തിനാ മാം ”
ലിസ : ” അത് അങ്ങനെ ആയിരുന്നു. പിന്നീട് ഒരേ ബാത്‌റൂം ഉപയോഗിച്ചാലും ഒന്നും സംഭവിക്കില്ല എന്ന് മനസിലായപ്പോൾ ഒന്നാക്കി. അപ്പൊ പറഞ്ഞു വന്നത്. ഈ രണ്ടു ബാത്‌റൂമിലും ട്രാൻസിനെ കയറ്റില്ല. രണ്ടിടത്തും നിന്നും തുറിച്ചു നോട്ടങ്ങളും കളിയാക്കലും ലഭിക്കും. അന്നത്തെ സ്ത്രീകളുടെ വിചാരം അവർ സ്ത്രീകളെ ഉപദ്രവിക്കും എന്നാണ്. പുരുഷന്മാരുടെ വിചാരം ലോകത്തുള്ള ട്രാൻസ് എല്ലാവരും വേശ്യകൾ ആണെന്നാണ് ”
ദിയ : ” കഷ്ടം ”
ലിസ : ” അന്ന് ഇന്ത്യയിൽ ട്രാൻസ് ജൻഡേഴ്സിനെ ഒരു ജോലിയിലും ആരും പ്രവേശിപ്പിക്കില്ല. അവര് വേശ്യവൃത്തി നടത്തിയോ തെണ്ടിയോ ആണ് ജീവിച്ചത്. നിങ്ങൾ കെട്ടിട്ടുണ്ടാകുമല്ലോ റെയിൽവേ എന്നൊരു സാധനത്തെ പറ്റി. ”
അലോഷി : ” ഉണ്ട് മാം. പണ്ട് ഉണ്ടായിരുന്ന യാത്ര സൗകര്യം അല്ലെ ”
ലിസ : ” അതെ. അന്ന് ട്രെയിനിൽ ഒക്കെ ഭിക്ഷ യാചിച്ചാണ് അവര് കഴിഞ്ഞു പോന്നത്. അവർക്ക് മറ്റൊരു ജോലിയും ആരും കൊടുക്കില്ല ”
ദിയ : ” മാം ഇത്രയും വെറുപ്പും അറപ്പും ആയിരുന്നോ അന്നത്തെ മനുഷ്യരുടെ ഉള്ളിൽ ”
ലിസ : ” അതെ ധാർമികത എന്നത് കലാകാലമായി മികച്ചു വരുന്ന ഒരു സാധനം ആണ്. അന്നത്തെ കാലത്തെ ആൾക്കാരുടെ വിചാരം അവരായിരുന്നു ഏറ്റവും മികച്ച ആളുകൾ എന്ന് ”
അലോഷി : ” എന്ത് കാരണം കൊണ്ടാണ് മാം ട്രാൻസിനും സ്ത്രീകൾക്കും കഷ്ടത അനുഭവിക്കേണ്ടി വന്നത് ”
ലിസ : ” അതോ ഭൂരിപക്ഷം ആളുകളും അന്ന് സ്ത്രീയോ പുരുഷനോ ആയിരിക്കും. ട്രാൻസ് വളരെ കുറവാണ്. അതുകൊണ്ട് അവര് പൂർണത ഇല്ലാത്തവർ ആണെന്ന് ഭൂരിപക്ഷത്തിന് തോന്നി. സ്ത്രീകളുടെ കാര്യം ഞാൻ നേരത്തെ പറഞ്ഞല്ലോ. വേട്ടയാടുന്ന കാലത്ത് പുരുഷന് ഉണ്ടായിരുന്ന കായികമായ മേൽകോയ്മ. അതുപോലെ പ്രസവ കാലഘട്ടം ഒക്കെ അന്ന് സ്ത്രീയ്ക്ക് ഒരു തുണ അനിവാര്യം ആക്കി. അതുകൊണ്ട് പുരുഷനെ അനുസരിക്കാൻ ബാധ്യസ്ത ആയി. അത് പിന്നീട് തുടർന്നു പോന്നു.”
അലോഷി : ” ശെരിക്കും 2000 കാലത്തൊക്കെ ഉള്ളവർ ഒക്കെ ഒരുപാട് മോശം ആയിരുന്നു അല്ലെ ”
ലിസ : ” എല്ലാവരും അല്ല. ചിലരൊക്കെ ഇതൊക്കെ തെറ്റാണ് എന്ന് അന്നേ പറഞ്ഞിരുന്നു. സമൂഹം അവരെ ഒറ്റപ്പെടുത്തി. എന്തായാലും കുട്ടികളെ ഇനിയും ഇതിനെക്കുറിച്ച് പറയാനുണ്ട്. ഞാൻ അടുത്ത ദിവസം തുടരാം ബൈ ”
കുട്ടികൾ : ” ബൈ ”
ലിസ പോയതിന് ശേഷം ദിയ അലോഷിയുടെ അടുത്ത് വന്നിരുന്നു.
ദിയ : ” ഞാനും നീയും 2000ത്തിൽ ജനിച്ചെങ്കിൽ നീ എന്നോട് അങ്ങനെ ഒക്കെ ചെയ്യുമോടാ ”
ആലോഷി : ” പോടീ ഞാൻ അത്ര ചെറ്റ അല്ല.”
ദിയ : ” ഒരു പക്ഷെ നിന്റെ അപ്പൂപ്പന്റെ അപ്പൂപ്പന്റെ അപ്പൂപ്പന്റെ അപ്പൂപ്പൻ എന്റെ അമ്മൂമ്മയുടെ അമ്മൂമ്മയുടെ അമ്മൂമ്മയുടെ അമ്മൂമ്മയോട് അങ്ങനെ ചെയ്തിട്ടുണ്ടാകും ”
അലോഷി : ” അതിന് ഞാൻ ഇപ്പൊ എന്ത് ചെയ്യാനാ ദിയ ”
ദിയ : ” നീ ഒന്നും ചെയ്യണ്ട. ഉമ്മ്മ്മ്മ്മ്മ്മ്മ്മ്മ്മ ”
അവസാനിച്ചു
