മ്മ്മ്മ്…. അനു റൂമിലേക്ക് നടന്നു പിന്നാലെ ഞാനും…
ഇതെങ്ങോട്ടാ?
അല്ല ഞാനും….
അയ്യടാ….. മോൻ പോയേ ഞാൻ നോക്കി എടുത്തോളാം.
കുറച്ച് നേരത്തെ കാത്തിരിപ്പിനു ശേഷം ഒരു മുന്തിരി കളർ ചുരിദാറും ഇട്ട് കൊണ്ട് അവൾ പുറത്തേക്ക് വന്നു….
പോവാം?
ഞാൻ അവളെ തന്നെ നോക്കിനിന്നു…. ബോഡിയോട് പറ്റി നിൽക്കുന്ന ആ ചുരിദാറിൽ അവളുടെ ശരീരഭംഗി എടുത്ത് കാണിക്കുന്നുണ്ടായിരുന്നു, അവൾ യൂണിഫോമിലേതിനേക്കാൾ പതിൻമടങ്ങു സുന്ദരി ആയത് പോലെ തോന്നി…
അതേ ഇതെന്താ നോക്കുന്നെ?
ഒന്നുല… വാ പോവാം…
ഞാൻ അവളെയും കൊണ്ട് കോഴിക്കോട് ജില്ലയിലെ ബാലുശ്ശേരിക്കടുത്തുള്ള വയലട വ്യൂ പോയിന്റിലേക്ക് വെച്ചു പിടിച്ചു, തീരെ ചൂട് ഇല്ലാത്ത ഇളം വെയിൽ കണങ്ങൾ മുഖത്തു അടിച്ചു കൊണ്ടിരുന്നു, തോളിൽ താടിയൂങ്ങി കലപില സംസാരിച്ചു കൊണ്ടിരിക്കുന്ന അവളുടെ മുടിഴിയകൾ കാറ്റിൽ പാറി നടക്കുന്നുണ്ട് . ബൈക്കിന്റെ വേഗതയിൽ എത്തിയ കാറ്റ് അവളുടെ കണ്മഷി എഴുതിയ ഇളം ബ്രൗൺ കണ്ണിനെ ചെറുതായി കലക്കിയിട്ടുണ്ട്.
അനൂ… നിനക്ക് കഴിക്കാൻ വല്ലതും വേണോ?
വേണ്ട… കുടിക്കാൻ എന്തെങ്കിലും കിട്ടിയാൽ നന്നായിരുന്നു.
ഞാൻ ഒരു കടയിൽ നിർത്തി വെള്ളം വാങ്ങി അനുവിന് കൊടുത്തു.
ഒന്നര മണിക്കൂർ റൈഡ് ന് ശേഷം ഞങ്ങൾ അവിടെ എത്തി. ബൈക്ക് സൈഡ് ആക്കി ഞങ്ങൾ പതിയെ നടന്നു തുടങ്ങി, വർക്കിംഗ്‌ ഡേ ആയത് കൊണ്ട് ആൾക്കാർ ഒട്ടും തന്നെ ഇല്ലായിരുന്നു, ഞങ്ങളെ കൂടാതെ അഞ്ചോ ആറോ കപിൾസും ഒരു ഫാമിലിയും മാത്രമേ ഉണ്ടായിരുന്നുള്ളൂ.
ഞങ്ങൾ കൈകൾ ചേർത്തു പിടിച്ചു നടക്കാൻ തുടങ്ങി, കുറച്ചതികം ദൂരം നടന്നു വെയിൽ കുറവുള്ള ഒരു മരത്തിനു ചുവട്ടിലായി ഇരിപ്പുറപ്പിച്ചു. ശല്യപ്പെടുത്താൻ കമ്മെന്റുകളോ ചൂഴ്ന്നു നോക്കാൻ കഴുകൻ കണ്ണുകളോ ഇല്ലാത്തത് ഞങ്ങളെ ഞങ്ങളുടേതായ ലോകത്ത് സ്വസ്ഥമാക്കി. ഇളംകാറ്റിൽ അവൾ എന്റെ തോളിൽ തല ചാഴിരുന്നുകൊണ്ട് ഞാൻ അവളുടെ കൈ കളിൽ വിരലുകൾ ഓടിച്ചു കൊണ്ടിരുന്നു . ഇളം കാറ്റിന്റെ മൂളിച്ച മാധുര്യമേറിയത് പോലെ തോന്നി, അവളെ ചേർത്ത് പിടിച്ചു കൊണ്ട് ലോകം മുഴുവൻ കിട്ടിയവന്റെ അഹങ്കാരത്തോടെയും സന്തോസത്തോടെയും വിശേഷങ്ങളും ആഗ്രഹങ്ങളും സ്വപ്നങ്ങളും പങ്കുവെച്ചിരുന്നു.
എത്രനേരം അങ്ങനെ ഇരുന്നെന്ന് അറിയില്ല ,
ഏട്ടാ… പോവാം?
സമയം എത്രയായി?
