നോക്കിയിട്ട് ‘പിള്ളേർ എവിടെ അവരെന്റെ വിളിക്കു എല്ലാരും കൂടി ഒരുമിച്ചു കഴിക്കാം , എത്ര നാളായി”
“അഞ്ചു മോൾ കതകടച്ചു കിടപ്പാണ് വയറു വേദനിക്കുന്നെന്നു , ഇളയ കാന്താരി എപ്പഴും മൊബൈൽ നോക്കികൊണ്ട്‌ ഇരുപ്പാണ് , പഠിത്തത്തിൽ ഒരു ശ്രദ്ധയും ഇല്ല, ഇനി എപ്പോൾ ആണ് അടുത്ത ഓരോരുത്തൻ ഒക്കെ വീട്ടിൽ കേറി വരുന്നതെന്നറിയത്തില്ല”, റാണിചോറ് വിളമ്പിക്കൊണ്ട് പറഞ്ഞു.
“ശേ പതുക്കെ, എല്ലാം തീർന്നു എന്ന് വിചാരിക്കരുത് , നിന്നോട് ഞാൻ പലതവണ പറഞ്ഞിട്ടുണ്ട് , വർത്തമാനം പറയുമ്പോൾ സൂക്ഷിക്കണമെന്ന് ” ജോർജ് കുട്ടി ഗൗരവം പൂണ്ടു.
“ഓ പിന്നെ നാട്ടുകാർക്കെല്ലാം അറിയാം, എന്നാലും ഇന്റച്ചായൻ ആള് പുലിയാ , ആ മൈരൻ ചെറുക്കനെ എവിടാ കൊണ്ട് കുഴിച്ചിട്ടത് ?” റാണിഒരു പൊരിച്ച മീൻ കൊണ്ട് വച്ച് ജോര്ജുകുട്ടിയെ ചന്തി കൊണ്ടൊന്നു തട്ടി.
“റാണി, ഞാൻ സമാധാനമായി ഒന്ന് ചോറുണ്ണട്ടെ, ഇതെന്താ കുട്ടിക്കളി ആണെന്നാണോ വിചാരം, ആ പയ്യനെ ഓർത്തു നീറി നീറി ഇരിക്കുന്ന ഒരു അച്ഛനും അമ്മയും ഉണ്ടെന്നു നീ ഓർക്കണം”
“ഓ പിന്നെ, അവരാണ് ഓർക്കേണ്ടത്, പിള്ളേരെ മര്യാദക്ക് വളർത്തണം, അവനൊക്കെ സീൻ പിടിക്കാൻ നടന്നു എന്റെ മോൾടെ സീനും കൊണ്ട് വന്നിരിക്കുന്നു ഭീഷണിപ്പെടുത്താൻ, ഇടി എത്രയാ നമ്മൾ കൊണ്ടത് , അഞ്ചു ആണെങ്കിൽ ഇപ്പോൾ ആരോടും മിണ്ടുന്ന പോലും ഇല്ല, എങ്ങിനെ തുള്ളിക്കളിച്ചു നടന്ന പെണ്ണാണ്, എന്നാലും അച്ചായൻ എന്നോട് ഒന്നു പറ , ആ ചെറുക്കനെ എവിടാ കൊണ്ട് പുതച്ചത്, എനിക്ക് അത് അറിയാഞ്ഞു ഉറക്കം വരുന്നില്ല. എന്റെ അപ്പച്ചൻ ചാണകം ചാരം ഒന്നും പിന്നെ വിട്ടിട്ടില്ല അവിടെ ചാണകക്കുഴി നിറഞ്ഞു ഒഴുകുവാണ്, ഞാൻ ചോദിച്ചു അപ്പച്ചാ ഈ ചാണകം എല്ലാം കൊണ്ട് പുരയിടത്തിൽ എങ്ങാനും തട്ടിക്കൂടെ, അപ്പോൾ അപ്പച്ചൻ പറയുവാ, എന്റെ പൊന്നു മോളെ ആ ജോർജുകുട്ടി ആ ചെറുക്കനെ എന്റെ ചാണകക്കുഴിയിൽ എങ്ങാനും കൊണ്ട് പുതച്ചൊന്നാ എന്റെ സംശയം , വല്ല പണിക്കാരും അത് കണ്ടു പിടിച്ചാൽ വയസാം കാലത്തു എനിക്ക് പോലീസിന്റെ ഇടി കൊള്ളാൻ മേല ”
“എന്നാ നീ നിന്റെ അപ്പച്ചനോട് പറഞ്ഞേര് ചാണകം ഒക്കെ വാരി തെങ്ങിനോ മറ്റോ ഇട്ടോളാൻ ”
“അയ്യോ സത്യം ആണോ , ജോർജൂട്ടി അപ്പോൾ അതിനകത്തില്ല അല്ലെ, കള്ളൻ പിന്നെ എവിടെ കൊണ്ട് കളഞ്ഞു, എന്നോടൊന്ന് പറ ”
“അതൊന്നും നീ അറിയണ്ട ആ ടോപ്പിക്ക് ഇവിടെ സംസാരിക്കാൻ പാടില്ല, പോലീസ് മണത്തു നടക്കുകയാണെന്നു ഓർമ്മ വേണം ”
“ആ പിന്നെ അയൽവക്കത് ഒരു പ്രേമിച്ചു കെട്ടിയ പാർട്ടികൾ വന്നു താമസം തുടങ്ങി, ഒരു ജോൺകുട്ടി വൈഫ് സരിതാ ജോൺ , ഒളിച്ചോടി കല്യാണം കഴിച്ചതാണ് , ഇന്നിവിട വന്നതായിരുന്നു , ഉപ്പ് ചോദിച്ചോണ്ട് ”
“ആരെയും അധികം അടുപ്പിക്കണ്ട , നമ്മൾ വേറെ ആരുമായും അധികം കൂട്ട് കൂടാതിരിക്കുന്നതാണ് നല്ലത് ”
“എന്ന് പറഞ്ഞാൽ ജോര്ജ്ജു കുട്ടി, ഇപ്പോൾ വീട്ടിലെ വരുന്നില്ല, സിനിമാകൊട്ടക എന്നും പറഞ്ഞു നടക്കുകയല്ലേ, ഇവിടെ പിള്ളേർ ആണേൽ മൂത്തത് എപ്പഴും മിണ്ടാട്ടമില്ലാതെ ഇരിക്കുന്നു, രണ്ടാമത്തേത് തരം കിട്ടിയാൽ മൊബൈൽ എടുത്തു കതകടച്ചിരിക്കുന്നു, ഞാൻ ഇവിടെ ആരോട് മിണ്ടും ?”
