അവൻ അവളെയും കൊണ്ട് കുളത്തിന്റെ അരികിലേക്ക് നടന്നു……
“ശ്രീക്കുട്ടി മോള് പോയി തോർത്തും മാറാൻ ഉള്ളതും കൊണ്ടുവാ…. ഞാൻ ഇന്ന് കുളത്തിൽ കുളിക്കാൻ പോകുകയാ….. “
“അത് ഇപ്പൊ എന്താ പെട്ടന്ന് ഇങ്ങനെ ഒരു മോഹം…… “
അവൻ പറഞ്ഞത് അനുസരിച്ചു തോർത്തും വസ്ത്രങ്ങളും എടുക്കാനായി തറവാട്ടിലേക്ക് നടക്കവേ പ്രിയ വിജയോട് ആയി ചോദിച്ചു…..?
“ഒന്നുല്ല എന്റെ പെണ്ണെ എനിക്ക് ഇപ്പൊ ഇങ്ങനെ തോന്നി…. അത് നിന്നോട് പറഞ്ഞു….. അത്രേം ഉള്ളൂ “
അങ്ങനെ വിജയ് കുളത്തിലേക്കും പ്രിയ വീട്ടിലേക്കും നടന്നു……..
വിജയ് പടിക്കെട്ടുകൾ ഇറങ്ങി വെള്ളത്തിൽ കാലിറക്കി കൊണ്ട് അവസാനത്തെ പടിയിൽ ഇരുന്നു…….
“അച്ചു എവിടെ പ്രിയ മോളേ…… “
തൊടിയിൽ നിന്നും ഒറ്റക്ക് നടന്നു വരുന്ന പ്രിയയെ കണ്ട് ഊർമിള അവളോടായി ചോദിച്ചു….
“ഏട്ടൻ കുളത്തിന്റെ അവിടെ ഉണ്ട്…… എന്നോട് തോർത്ത്‌ എടുത്തു കൊണ്ട് വരാൻ പറഞ്ഞു…… അവിടെ കുളിക്കാൻ പോവുകയാണത്രെ…. “
“ഈ അച്ചുന്റെ ഓരോ കാര്യം “
പ്രിയ ഒന്ന് ചിരിച്ചു കൊണ്ട് അകത്തേക്ക് കയറി….അവരുടെ മുറിയിൽ ചെന്ന് തോർത്തും അവന് മാറാൻ ഉള്ള വസ്ത്രങ്ങളും ആയി തിരിച്ചു പോവാൻ മുറ്റത്തേക്ക് ഇറങ്ങി.
“പ്രിയ മോളേ……. മോൾ ഇറങ്ങേണ്ടട്ടോ…… പരിചയം ഇല്ലാത്തവർക്ക് കുറച്ചു പ്രയാസം ആണ് അതിൽ കുളിക്കാൻ….. “
പ്രിയയോട്‌ ആയി ഊർമിള പറഞ്ഞു.
“ശരിയമ്മേ…. “
അവൾ തിരികെ കുളത്തിൽ എത്തിയപ്പോൾ വിജയ് കുളത്തിൽ ഇറങ്ങിയിരുന്നു…… അവന്റെ വസ്ത്രങ്ങൾ അവൻ അഴിച്ചു കല്പടവിൽ വെച്ചാണ് കുളത്തിൽ ഇറങ്ങിയത്….
“വാ ശ്രീക്കുട്ടി…… ഇങ്ങിട് വാ “
വെള്ളത്തിൽ നിന്നു കൊണ്ട് വിജയ് പ്രിയയെ കൈ കാണിച്ചു വിളിച്ചു.
“ഞാൻ ഇല്ല അച്ചേട്ടൻ കുളിച്ചോ…. “
അവൾ ചിരിച്ചു കൊണ്ട് ഏറ്റവും അവസാനത്തെ പടിയിൽ ഇരുന്നു കൊണ്ട് അവന് മറുപടി നൽകി.
“ഇങ്ങിട് വന്നേ പെണ്ണെ…… “
