“അതും പറഞ്ഞു വിജയ് അവളുടെ ഇടുപ്പിൽ പിച്ചി….. “
“ആ….. ഏട്ടാ…. വിട് “
തന്റെ ഇടുപ്പിൽ പിച്ചിയ അവന്റെ കൈ തട്ടി മാറ്റാൻ ശ്രമിച്ചുകൊണ്ട് പ്രിയ പറഞ്ഞു…..
“എന്തിനടി നീ എന്നെ കളിയാക്കിയത് “
വീണ്ടും അവളുടെ ചുണ്ടിൽ ചിരി വിടർന്നു….
“പിന്നല്ലാതെ…… കല്യാണം കഴിഞ്ഞട്ടു ദിവസങ്ങൾ ആയുള്ള അപ്പൊ തന്നെ കുട്ടിയെ കുറിച്ച് ചിന്തിക്കാൻ തുടങ്ങി അതും പെൺകുട്ടി “
“ശ്രീ പറയുന്നത് കുട്ടികൾ വേണ്ട എന്നാണോ “
“ഏട്ടാ…… ദേ…… വേണ്ട ഞാൻ ഇനി മിണ്ടൂല “
അതും പറഞ്ഞു അവൾ അവനരികിൽ നിന്നും വീട്ടിലേക്കുള്ള വഴിയിലേക്ക് നടന്നു….
വിജയ് ഓടി അവളുടെ ഒപ്പം എത്തി…….. ശേഷം അവൻ അവളുടെ കൈയിൽ പിടിച്ചു നിർത്തി…..
“എന്റെ ശ്രീക്കുട്ടി ഏട്ടനോട് പിണക്കം ആണോ….. “
“എന്റെ കൈ വിട് എനിക്ക് പോണം “
അവൾ ഉറച്ച ശബ്ദത്തിൽ അവനോട് പറഞ്ഞു……
“വാവാച്ചി…… “
അവൾ ഒന്നും മിണ്ടാതെ നിന്നു……
“ഇപ്പൊ എന്റെ പെണ്ണിനെ കാണാൻ എന്ത് ഭംഗിയാ….. മുഖവും മൂക്കും കവിളും എല്ലാം ചുവന്നു….. ഹോ…… കെട്ടിപിടിച്ചു ഒരു ഉമ്മ തരാൻ തോന്നും “
“എനിക്ക് ആരുടേം ഉമ്മേം കുമ്മേം ഒന്നും വേണ്ട “
അവൾ കൃത്രിമ ദേഷ്യം മുഖത്തു വരുത്തി പറഞ്ഞു…….
“അയ്യോടി……നിന്നെ ഞാൻ ഉണ്ടല്ലോ…. “
“അതും പറഞ്ഞു വിജയ് പ്രിയയെ കൈകളിൽ കോരിയെടുത്തു…… “
“വിട്….. വേണ്ട…… “
അവൾ അവന്റെ കൈയിൽ കിടന്നു കുതറികൊണ്ട് പറഞ്ഞു….
“വാവാച്ചി…… നമുക്ക്‌ നിന്നെ പോലെയൊരു മാലാഖ കുഞ്ഞിനെ വേണം, അവളെ നമുക്ക്‌ സ്നേഹിച്ചും കൊഞ്ചിച്ചും ഒരു രാജകുമാരിയെ പോലെ വളർത്തണം “
അവൾ അവന്റെ കഴുത്തിൽ കൈ ചുറ്റി….. ഒരു നനുത്ത പുഞ്ചിരി അവൾ അവന് സമ്മാനിച്ചു….. ശേഷം അവൾ വിജയുടെ കുറ്റിരോമങ്ങൾ നിറഞ്ഞ കവിളിൽ അവളുടെ രക്തവർണമാർന്ന അധരങ്ങൾ അമർത്തി ചുംബിച്ചു.
