“ᴍᴀɴᴀɢɪɴɢ ᴅɪʀᴇᴄᴛᴏʀ
Malavika ᴍᴇɴᴏɴ”
“മാളവിക …മ്മ് പേര് കൊള്ളാം.അല്ല ഇവരിനി ഞാനാണ് വന്നതെന്ന് അറിഞ്ഞില്ലേ..? എന്റെ പ്രാർത്ഥന ദൈവം കേട്ടോ..?” മാഡത്തിന്റെ ഭാഗത്ത്‌ നിന്നും ചോദ്യങ്ങളൊന്നും വരാത്തത് കൊണ്ട് ഞാനാലോചിച്ചു.
ഞാൻ മെല്ലെ അവരുടെ കയ്യിലിരിക്കുന്ന ഫയലിൽ പറ്റുന്ന പോലെ എത്തി നോക്കി. ആഹാ…എന്റെ സി. വി. ആണ് നോക്കുന്നത്..
“സോ.. യൂ ആർ ശിവപ്രസാദ് “മാഡം ഫയൽ മടക്കി ടേബിളിൽ വെച്ചുകൊണ്ട് ചോദിച്ചു.യാതൊരു പരിചയവും ഇല്ലാത്ത മുഖഭാവത്തോടെയാണവർ ചോദിച്ചത്.
“യ.. യെസ് മാം.”ഞാൻ ഉത്തരം നൽകി.
“എന്താ പഴയ കമ്പനി വിട്ടത്..?”
മാഡം മലയാളത്തിൽ സംസാരിച്ചതോടെ എന്റെ അടുത്ത കിളിയും പോയി. ഇവർ മലയാളി ആയിരുന്നോ…
“ങേ.. മാഡം മലയാളി ആയിരുന്നോ..?” ഞാൻ ചോദിച്ചു.
“Mr. ശിവപ്രസാദിനോട്‌ ഞാൻ ചോദിച്ചതിനുള്ള ഉത്തരം അതല്ലലോ.!”
പെണ്ണ് വീണ്ടും ഊക്കി വിട്ട് . വീണ്ടും ഞാനൊന്ന് പതറി.
“സോറി മാഡം.
പഴയ കമ്പനിയിൽ നിന്നാൽ എനിക്ക് വലിയ കരിയർ ഗ്രോത് ഒന്നും ഉണ്ടാകില്ല. അത് കൊണ്ട് പുതിയൊരു ഓപ്പർച്ചുനിറ്റിക്ക് വേണ്ടി ശ്രമിക്കുകയായിരുന്നു. അപ്പോഴാണ് ഇവിടെ വാക്കൻസി ഉള്ള കാര്യം അറിഞ്ഞത്. സോ ഐ അപ്ലിയ്ഡ്.”
“കരിയർ ഗ്രോത് നോക്കിയിട്ടാണോ, അതോ അവിടെ വല്ല പെണ്ണ് കേസും ഉണ്ടാക്കിയിട്ടാണോ ഇങ്ങോട്ട് വന്നത് ” ശബ്ദം അല്പം കടുപ്പിച്ചുകൊണ്ട് മാഡം ചോദിച്ചു.
അവർക്ക് അപ്പോൾ എന്നെ ഓർമയുണ്ടെന്ന് മനസിലായി .
“ന.. നോ മാഡം “വിക്കി വിക്കി ഞാൻ ഉത്തരം നൽകി.
“എഡോ താൻ എന്താ കരുതിയത് എനിക്ക് തന്നെ മനസ്സിലായില്ലെന്നോ..”
”
“സീ മിസ്റ്റർ ശിവ പ്രസാദ്, ഈ കമ്പനിയിൽ എറൗണ്ട് 60% സ്റ്റാഫും സ്ത്രീകൾ ആണ്. അവർക്കിടയിൽ തന്നെപ്പോലെ ഒരു ഞരമ്പനെ ഞാൻ എന്ത് വിശ്വാസത്തിൽ ജോലിക്ക് കയറ്റും “അല്പം സൗണ്ട് കൂട്ടി തന്നെ മാഡം ചോദിച്ചു.
“നോ മാം.. ഞാൻ ഒരു ഞരമ്പൻ ഒന്നുമല്ല.. എനിക്കും അമ്മയും പെങ്ങളും ഒക്കെ ഉണ്ട്.
