ബ്രാ കച്ചവടക്കാരന് ഒരാശ

എന്നെ കണ്ടതും ഷിയാസ് സർ വിളിച്ചു വരൂ വരൂ രാവിലെ ഞാനിത്തിരി തിരക്കിലായിപ്പോയി ..

നീയെന്നെ കുത്തുപാളയെടുപ്പിക്കുമല്ലോടാ…

നിൻ്റെ ബ്രോഷർ കണ്ട വൈഫ്  ഏതൊക്കെയോ മാർക്ക് ചെയ്ത് അതെല്ലാം ഉടനെ വേണമെന്നാണ് പറയുന്നത്..

എൻ്റെ മനസ് നിറഞ്ഞു. .. ഭാഗ്യം കണി മോശമായില്ല.

എന്താ ഷിയാസേ… എന്താ സംഭവം ജോർജ് സാർ തിരക്കി.. ബാഗിൽ നിന്ന് ഇന്നലെ കൊണ്ടുപോയ ബ്രോഷർ എടുത്ത് ഷിയാസ് സർ മേശപ്പുറത്തിട്ടു .. ജോർജ് സർ അത് മറിച്ച് നോക്കി. .. കൊള്ളാമല്ലോ.. സംഗതി നീയും ഇതുമായി എന്ത് ബന്ധം?

സർ എൻ്റെ ഒരു സുഹൃത്ത് ഈ കമ്പനിയുടെ സെയിൽസിൽ ഉണ്ട് നമ്മൾ ഓർഡർ കൊടുത്താൽ ഉടനെ സാധനം കൊരിയർ ചെയ്ത് തരും ,എറണാകുളത്ത് അവർക്ക് വെയർഹൗസ് ഉണ്ട്. എന്തെങ്കിലും ഒരു സൈഡ് പരിപാടി തുടങ്ങുന്നമെന്ന് ഞാൻ പറഞ്ഞപ്പോൾ അവൻ റെക്കമൻ്റ് ചെയ്തതാണീ ബിസിനസ്.. ഹൈ ക്വാളിറ്റി ബ്രാൻഡഡ് പ്രൊഡക്റ്റുകളാണ് .. ഞാൻ ഗ്യാരണ്ടി .. ഒറ്റ ശ്വാസത്തിൽ ഒരു തട്ടു തട്ടി..

എന്നാൽ ഞാനീ ബുക്ക് ഒന്ന് കൊണ്ടു പോകുന്നു. മിസിസിനെ കാണിച്ച് അവൾക്ക് വല്ലതും വേണോയെന്ന് ചോദിക്കട്ടെ.. ശരി ജോർജ് സാർ..

ഷിയാസ് സർ ടിക്ക് ചെയ്ത പ്രൊഡക്റ്റുകളുടെ നമ്പർ ഞാൻ നോട്ട് ചെയ്തു.. സർ നാളെയെത്തിക്കാം..

ok ടാ ക്യാഷ് വല്ലതും ഇപ്പോൾ വേണോ?

വേണ്ട സർ നാളെ മതി.

ഞാൻ കണക്ക് കൂട്ടി നോക്കി എൻ്റമ്മോ.. എണ്ണായിരം രൂപയുടെ സാധനങ്ങളാണ് ഓർഡർ ചെയ്തിരിക്കുന്നത്. നൈറ്റ് ഡ്രസ് ,ബ്രാ, പാൻ്റീസ് എല്ലാമെടുത്തിട്ടുണ്ട്.. ഞാൻ ഉടനെ ഓർഡർ ശശിയേട്ടൻ്റെ കമ്പനിയിലേക്ക് വാട്സാപ്പ് ചെയ്തു.പത്ത് മിനിറ്റ് കഴിഞ്ഞില്ല ശശിയേട്ടൻ എന്നെ വിളിച്ചു. എടാ അരുണേ കൈനീട്ടം കലക്കിയല്ലോ.. ഇപ്പോൾ തന്നെ സംഘമിത്രയിൽ സാധനം കൊടുത്തുവിട്ടേക്കാം.

ആരാ ചേട്ടാ ഈ സംഘമിത്ര..

എടാ പൊട്ടാ മുനമ്പം എറണാകുളം ഓടുന്ന ബസാണ് സംഘമിത്ര.. അതിലെ കണ്ടക്ടർ കമ്പനിയെത്താറാകുമ്പോൾ നിന്നെ വിളിക്കും അന്നേരം അവനൊരു 50 രൂപാ കൊടുത്ത് നീ പാക്കറ്റ് വാങ്ങിക്കോ നമ്മള് തമ്മിൽ പിന്നെ കണക്ക് പറയാം..

വൈകിട്ട് തേവരയിൽ പോയി സാധനം വാങ്ങാമെന്നാണ് കരുതിയത്.. അതിന് ഇങ്ങനെ ലളിതമായ ഒരു പരിഹാരമുണ്ടല്ലേ.. അങ്ങോട്ടുമിങ്ങോട്ടും രാത്രി വണ്ടിയോടിക്കുന്നത് ഒഴിവായിക്കിട്ടി. ഞാൻ കമ്പനിയിലെ സെക്യൂരിറ്റി ചേട്ടൻ്റെ കയ്യിൽ രൂപാ കൊടുത്തേൽപ്പിച്ചു. സംഘമിത്ര ബസ് വരുമ്പോൾ ഒരു കവർ തരും ഈ കാശ് കൊടുത്തത് മേടിക്കണമെന്ന് പറഞ്ഞേൽപ്പിച്ചു.