എനിക്ക് മാളുവിനോട് ഖേദം തോന്നിയെങ്കിലും,അവൾ ആ കരിങ്കുരങ്ങനെ പ്രേമിക്കുന്നതിൽ നല്ല ദേഷ്യവും ഉണ്ടായിരുന്നു,,
ഇപ്പോൾ എന്തായാലും അവരായിട്ടു പിടുത്തം തന്ന സ്ഥിതിക്ക് ഞാനും തുറന്നു സംസാരിക്കാൻ തീരുമാനിച്ചു,,
ഇവിടെ തെറ്റ് ചെയ്തത് അവരും,അവരെ കയ്യോടെ പിടിച്ചത് ഞാനുമായതിനാൽ,ഇപ്പോൾ കമാൻഡിങ് പൊസിഷനിൽ നിക്കുന്നത് ഞാൻ തന്നെയാണ്, ആ അവസരം ശരിക്കു മുതലെടുത്തു കൊണ്ട് ഞാൻ അല്പം കട്ടിയേറിയ ഭാഷയോടെ മാളുവിനെ ചോദ്യം ചെയ്യാൻ തുടങ്ങി,,
അല്ല പെണ്ണെ, നിനക്ക് കുറച്ചെങ്കിലും ബുദ്ധിയുണ്ടോ?? ഇത്രയും ആൾകാർ ഈ വീട്ടിലുള്ളപ്പോൾ ഇങ്ങനെ ഒരു പണിക്കു നിക്കാൻ? എങ്ങനേലും ആൾകാർ അറിഞ്ഞാൽ പിന്നെ ഈ നാടുമൊത്തം നീ നാറില്ലേ? അങ്ങനെയെന്തെങ്കിലും സംഭവിച്ചാൽ പിന്നെ നിൻറ്റെ അച്ഛനും അമ്മയും ജീവിച്ചിരിക്കും എന്ന് നിനക്ക് തോന്നുന്നുണ്ടോ??
കിട്ടിയ അവസരം മുതലെടുത്തു ഞാൻ മാളുവിന്‌ നേരെ ഇങ്ങനെ ചോദ്യശരങ്ങൾ അയച്ചു കൊണ്ടേയിരുന്നു,,,
എൻ്റെ ഓരോ ചോദ്യത്തിനും മാളു കരച്ചിലിന്റെ വോള്യം കൂട്ടിയതല്ലാതെ മറുപടിയൊന്നും തരുന്നുണ്ടായിരുന്നില്ല,,, അവളുടെ ആ നിസ്സഹായാവസ്ഥ കണ്ടിട്ടാവാം കിച്ചു എന്നോട് സംസാരിക്കാൻ തുടങ്ങിയത്,,
കിച്ചു: ആ,, വിട്ടുകള ചേച്ചി,,, ഞങ്ങൾ ഇഷ്ടത്തിലാണ്,, ഞാൻ മാളൂനെ ചതിക്കില്ല,, കാര്യങ്ങളെല്ലാം ഒത്തു വന്നാൽ ഞാൻ തീർച്ചയായും അവളെ കല്യാണം കഴിക്കും,, പിന്നെ ഇതൊക്കെ ഇതിന്റെ ഒരു ഭാഗമല്ലേ,, എവിടെയും നടക്കാത്തതൊന്നും അല്ലല്ലോ??
അവൻ്റെ വായിൽ നിന്നും ഇത്രയും കേട്ടതും എനിക്ക് വീണ്ടും അരിശം വന്നു!! ഞാൻ അവൻ്റെ മുഖത്തേക്കു കടുപ്പിച്ചൊന്നു നോക്കിക്കൊണ്ടു വീണ്ടും മാളുവിനോടായി പറഞ്ഞു
ഇനി ഇതെല്ലാം പോട്ടേന്നു വെക്കാം,, പക്ഷെ നിനക്ക് ഈ മരപ്പട്ടിയെ അല്ലാതെ വേറെ ആരെയും കിട്ടിയില്ലേ ഈ ലോകത്തു പ്രേമിക്കാനായിട്ടു,,
(ഒരാളെ ഇത്രകണ്ട് അവഹേളിക്കുന്നത് ശരിയല്ല എന്നറിയാം, പക്ഷെഎന്തോ ഒരു ആവേശത്തിൽ കിച്ചു അടുത്ത് നിക്കുന്നത് വകവെക്കാതെ ഞാൻ പെട്ടെന്ന് അങ്ങനെ പറഞ്ഞു പോയി)
എൻ്റെ ആ വാക്കുകൾ കേട്ടതും, കിച്ചുവിൻറ്റെ ഭാവം മാറി
കിച്ചു: അല്ല,,, ശരിക്കും എന്താ നിങ്ങളുടെ പ്രശ്നം?? മാളുവിന്‌ എൻ്റെ കോലത്തിൽ പ്രശ്നമില്ല, പിന്നെ നിങ്ങൾക്കു എന്താണ് ഹേ,, ബുദ്ധിമുട്ട്,,
(തർക്കിച്ചിട്ടു എനിക്കും മടുത്തു,, അതുകൊണ്ടു അവസാനമായെന്നോണം ഞാൻ ഇങ്ങനെ പറഞ്ഞു)
