എല്ലാവരും ഉറക്കത്തിലായിരുന്ന ആ സമയത്ത് എന്നെ അങ്ങോട്ട്‌ ക്ഷണിക്കുകയാണ് അവളെന്ന് എനിക്കറിയാമായിരുന്നു. കാമം അതിന്റെ മൂര്‍ധന്യത്തില്‍ ആയിരുന്നിട്ടും, ഞാന്‍ പോയില്ല. ചെന്നാല്‍ അവള്‍ എന്തിനും തയാറായി എന്നിലേക്ക് പടര്‍ന്നു കയറാന്‍ വെമ്പി നില്‍ക്കുകയാണ്. പക്ഷെ ഇല്ല..രേഖ; ആദ്യമായി അവളെത്തന്നെ ഞാനെന്റെ പുരുഷത്വം അറിയിക്കും എന്നുള്ളത് എന്റെ ഉറച്ച തീരുമാനമാണ്. ഞാന്‍ സ്വയം നിയന്ത്രിച്ച്‌ ഉറങ്ങാന്‍ ശ്രമിച്ചുകൊണ്ട് കണ്ണടച്ചു. എന്നെ കാത്തിരുന്നു കാണാതെ വന്നപ്പോള്‍ അവള്‍ തിരികെ എത്തിയത് ഞാനറിഞ്ഞു.
“ശവം..യൂസ് ലെസ്സ്”
എന്ന് അവള്‍ കോപത്തോടെ പിറുപിറുക്കുന്നത് ഞാന്‍ കേട്ടെങ്കിലും ഉറക്കം നടിച്ചു കിടന്നുകളഞ്ഞു. അടുത്ത ദിവസം രാവിലെ എന്നെ അവജ്ഞയോടെ അവള്‍ നോക്കുന്നത് ഞാന്‍ കണ്ടു. ഇറങ്ങാറായ സമയത്താണ് ഞാന്‍ അയാളെ ശരിക്ക് പരിചയപ്പെട്ടത്. എന്റെ അളിയന്റെ മുംബൈയിലെ വര്‍ക്ക് മാനേജരായിരുന്നു ആ ചെറുപ്പക്കാരന്‍. അയാളെ കണ്ടാണ്‌ എനിക്ക് ചെക്കുകള്‍ നല്‍കേണ്ടത്. ഞാന്‍ അവന്റെ ബോസിന്റെ അളിയനാണ് എന്നറിഞ്ഞപ്പോള്‍ അവന്റെ എല്ലാ ജാഡയും പമ്പ കടന്നു. ഞാന്‍ അവളുടെ ഭര്‍ത്താവിന്റെ ബോസിന്റെ അളിയനാണ് എന്നറിഞ്ഞതോടെ പെണ്ണ് തെല്ലു ഭയത്തോടെയാണ് എന്നെ നോക്കിയത്. അവളുടെ പേടിയുടെ കാരണം എനിക്ക് അറിയാമായിരുന്നല്ലോ.
“ഒരു ദിവസം ഞാന്‍ വീട്ടിലേക്ക് വരുന്നുണ്ട്”
അവളോടായി, എന്നാല്‍ അവനെ നോക്കി ഞാന്‍ പറഞ്ഞു.
“വരണം. ഒരു ഡിന്നര്‍ മീറ്റിംഗ്..ഇറ്റ്‌ വില്‍ ബി മൈ പ്ലെഷര്‍…പിന്നെ സാറിനോട് എന്റെ ദുബായ് കാര്യം ഒന്ന് പറയണേ..” അവന്‍ വിനയം കലര്‍ന്ന ചിരിയോടെ പറഞ്ഞു.
“പറയാം. എന്താ മിസ്സിസിന്റെ പേര്?”
“ഷെറിന്‍..” അവനാണ് പറഞ്ഞത്.
“ഒകെ..അപ്പോള്‍ വീണ്ടും കാണാം. മോളൂ ഉമ്മ” കുഞ്ഞിനെ വാങ്ങി ഒരു മുത്തം നല്‍കിയ ശേഷം ഞാന്‍ ചേച്ചിയുടെ വീട്ടിലേക്ക് ഓട്ടോ പിടിച്ചു.
വീട് അടുക്കുന്തോറും മനസ്സില്‍ അകാരണമായ ഒരു അസ്വസ്ഥത പിടിമുറുക്കുന്നത് ഞാനറിഞ്ഞു. ഓട്ടോക്കാരന് പണം നല്‍കി ചെന്നു ബെല്ലടിച്ചപ്പോള്‍ അളിയന്‍ തന്നെയാണ് കതക് തുറന്നത്. എന്നെ കണ്ടപ്പോള്‍ അളിയന്‍ വെളുക്കെ ചിരിച്ചു.
“ഹോ..ഒരു മണിക്കൂറിനകം എനിക്ക് ഇറങ്ങണമായിരുന്നു. നിന്നെ കണ്ടു ചിലതൊക്കെ പറഞ്ഞ്‌ ഏല്‍പ്പിക്കാന്‍ കാത്ത് നിന്നു മുഷിഞ്ഞു. വേഗം വാ. യാത്രയൊക്കെ സുഖമായിരുന്നോ?”
“അതെ”
“ഹായ് മാമാ” ശ്രീനാഥ് പോകാനൊരുങ്ങിയ വേഷത്തില്‍ എന്റെ അടുത്തേക്കെത്തി.
“ദുബായ്ക്ക് പോവ്വാണ് അല്ലെ..ഉം..”
